Tito 1:1 - Bíblia

¹ Hita, Paulo-no, Hoyakalu towrerno. Jesus Cristo nurrerno. Hoyakalu nurrene halixlepa tshinanu nyokanatka. Hiyrun-koxa nyokanatka Hoyakalu halukanru homkahixikolu himathexikowakapa halikakalutu tokantshi tshinanu.

Tito 1:1 ပူးပေါင်းရင်းမြစ်များ

Lucas 18:7

Hiyáhoni hi he xawaka Hoyakalu hapnuyehitanna rayinetene hnurrene, hohohne hoyetshno koxa ranjitjene? Himka repixhapkatanna.

Atos 13:48

Waneya judeu mixkane xye hjeminiklunna hpoyikowatna hiyrunu rimalwutluna Tsru Hixikatshriwa Hoyakalu tokanu. Hiyáhoni ralixna ptowruneka nuretkalunetka hkayaxyawakapna hiwejinri mnikawnakatupa.

Romanos 1:1

Hita, Paulo-no, Jesus Cristo towrerno, yonatlo twu yonawahlo. Hita Jesus nurrerno, nnuretka, ntowutka Hoyakaluya nunkaklexyawakaplu kihle piranalu potuko hiwekkaklewatatshri pirana.

2 Coríntios 1:1

Hita Paulo-no nuretkalurno. Hoyakalu halujyawaka tshinanu Jesus Cristo nuretno. Nyonata hixa tshinanu, Timóteo wimole Cristo tshinanuyma. Twu wyonata Cristo halixatshine hapatjetatshine Hoyakalunune tshinanu Corinto poktshi hajene tshinanu hiyrun-koxa ptowruneka Hoyakalu kotspalatanune Grécia tshijne psoluka hajene tshinanu.

Efésios 2:8

Klu tshinanu Hoyakalu himukatle reneklewle hiwekkakatkahi Jesus halixikowaka tshinanni. Hiyrunu hi hixako wuhlenu tshinanu riwekkakwu seyni Hoyakalu henekachale tshinanu tsonu wiweka.

Filipenses 1:1

Hita Paulo-no hiyrun-koxa Timóteo Jesus Cristo towrenwu yokanatlo twu yonawahlo ptowruneka Hoyakalu hayinetene Filipos poktshi hajene tshinanupa. Jesus Cristo-ymalune tshinanupni. Hiyrun-koxa wyokanatlo twu yonawahlo halixatshine hapatjetatshine kosekatshine hiyrun-koxa halixatshine hepixatshine tshinan-koxa.

Colossenses 2:2

Wane nixa kamrurewleta ptowrunek-yine nmixkotahchinikanuxyawakapa hiyrun-koxa pa hchinikanurune potuko rixyawakapna ruchiniklewjexyawakapna. Hiyrun-koxa rimatpotuxyawakapna psoluka pohirewnalu Cristo-ya ptowru potuko hmixkonuyma. Hiyáhoni xye tshinanu hixa himukata himatlepotutlu, himatkaltshi halikak-potuko Hoyakalu yohimakanatanru pirana tshinanu mpikkanephi. Waleni Cristo.

1 Timóteo 2:4

Hoyakalu halukmaklu ptowru neruko hiwejyawakapa, halikakalutu pirana rimaxyawakapmakna.

1 Timóteo 3:16

Tsru mimat-hinkakletkotu waleni potuknutshi hchinikanu piranni klu tshinanu: “Jesus hiphujewna yineru mane rixnawa seyni riwejinriya potukalni. Hiwejikalune Hoyakalu towrene tenhohne hajene hetatkalu. Ruphujtatka psol-tshijneya. Xye tshijne halixlerni. Ranikka tenhohne.”

1 Timóteo 6:3

Satu yineru pnu pejnu htshina hasruklewlexini, halikaka tokantshi Wutsrukate Jesus Cristo hasrukle hma momkahitkanuklunu, Hoyakalu homkahru pirana,

2 Timóteo 2:10

Hiyáhoni nakotachatlu ptowru potuko Hoyakalunerune nuretkalune tshinanu. Wane nixjeta rumukata hiwekkakletkona Jesus Cristo-ya hiyrun-koxa rumukata Hoyakalu yehi hwalexyawakapna hikeklu hohne mnikawnakatupa.

2 Timóteo 2:23

Hepomsalkaka hipukalnu, mahijerutatshripa pasujini. Pimatlu xyekaka yahotkaklukaka yinuwakatshrini.

2 Timóteo 2:25

Pkamnitjene puykotanu kihle hchinikanurukyi. Pa katako Hoyakalu henekanna rehchinikanuxyawakna halikak-potu pirana rimaxyawakapna.

Tiago 1:1

Hita Tiago-no, Hoyakalu hiyrunu Tsru Hixikatshriwa Jesus Cristo towrerno. Nalikna Hoyakalunerune doze xkehkaka ptowru tshijne sreta hipalatatshine.

2 Pedro 1:3

Ptowru potuko halukkaluru hiweklu tshinanupa, wpotukatjerupa tshinanu wenekka, Hoyakalu hoyaknu himukatatshri tshinanuya. Tshanixkalunwu royaknu hwahohoxyawakapwu hiyrunu potukalune wixyawaka, Cristo himaxikolu tshinanu.

2 Pedro 3:11

Xye ptowruka, tshiji hwatshri, tenhohne hwatshri koxa nikawnanu hiyáhoni hi he rekhithi hanu hixahchinikanutatshinpatkahi chinikantshi potukawaka pirana tshinanu hiyrunu Hoyakalu homkahlu pirana tshinanu?

1 João 2:23

Katukta hi halixlu Whentshi tshinkaluru hi rawya Wuru Hoyakalu, seyni katukta halixlu Whentshi tshinkaluru, Wuru Hoyakalu koxa rawya.

Apocalipse 1:1

Twu steno raw-yonhata Jesus Cristo hixyawakapa pirana. Hoyakalu yokanatlu xye pirana ruphujexyawakapa rekhixyawakapna htowrene howukchini mapokatpatka pirana. Cristo yokanatlu htowreru hiwejikaluru tenhohne hajeru xyekaka pirana rimatkajyawakaplu htowreru, João tshinkaluru.