Tiago 5:3 - Bíblia

³ Ouro hiyrunu prata himretachaluru htsalawata. Hiyrunu htsalawle hetamayxakletanunhi hiyrunu hihitu hnikatan-honuka tshitshmero pixka. Pohirewnalu hapatjephutaxnawa, hix-potuko, hipnal-hohne hnapu tshinanumkapa.

Tiago 5:3 ပူးပေါင်းရင်းမြစ်များ

Gênesis 31:48

Waneya Labão wla tshina: — Xye sotlu witjikakleru waleni wetjeru hita, pixayma xye hohne pixkalutu. Hiyáhoni Galeede rutakhiwakatka.

Gênesis 31:52

Xye sotlu hitjikakaluru hiphujetatshrini hiyrun-koxa xye sotlu yopkakaluru hiphujetatshrini. Rimathexikowaka xye hi nkoprutanu pixa nwaka nkamnixyawakapyi hiyrun-koxa xye sotlu hitjikakaluru hiphujetatshrini hiyrun-koxa xye sotlu yopkakaluru hiphujetatshrini hikeklu pkoprutanru hita nwaka pkamnixyawakapno.

Gênesis 49:1

Waneya Jacó hepukatkana hiwhenene, wla htshina towutletna: — Hapatjexinwa hit-yehi nunkajyawakaphi klu hkanhayehitanhi hinatshripa hohne.

Atos 2:17

“Hoyakalu wan-tshina: Hmahaxinri hohne Hita henekanna hitanuko Hiwejikaluru ptowru neruka. Hixa whenene jejine suxon-koxa hinkakletanru hinamtatshriwa. Tsrutsolejine hipnawatanu. Maklujine hetanru hetkalurkaka.

Romanos 2:5

Seyni chiko haji pixini, pma mehchinikanhajitkanu tshinanu papatjeyehixnawa tsru jhekantshi hapnokaxikolu hohne tshinanu Hoyakalu hekhitlu hchinikannu potukal-potuko.

2 Timóteo 2:17

Xye pixkalutu hasruklu chretshi tseruwnapiratatshri pixkalutni. Himeneu hiyrunu Fileto tshinkaluru hasruklewle wan-hixatshri.

2 Pedro 3:3

Xye hapka himatanu, hnikawnahohnexini klu papko, runanna Hoyakalu tokanu heyikatshinepa wannako hichinikanu halukanru homkahitatshinepa.

Apocalipse 17:16

Dez hwakaka petanru hiyrunu kmatsyiru hahnanutanro kapoklewaklero. Ptowru potuko hkonanrona, mamkato rixkaklona. Tohitu hnikanna hiyrunu tomanni hyoxikanna tshitshmeroyma.

Apocalipse 20:15

Ptowru yineru hiwaka pejnu yonawahlo steno hiweklu hinkakletatshri myonhiwakatkotu, tshitshmero powha hiknokkotka.

Apocalipse 21:8

Seyni jhamleholune, malixkane, hektutu kamhalu hamotatshine, jiylalewaklerune, kapoklewaklerune, kahontshine, mayawletshicha kahwakpiratatshine, ptowru pejnu kayloklerune wanna ptowruneka kwawaklena tshitshmero yehi, tshitshmero powha nwaka, enxofre yehi. Wane hapokatshinepa hepi rixinri hipuktshipni.