Mateus 9:8 - Bíblia

⁸ Hixo yine hetakanatatshine pikatka. Rimalwutluna Hoyakalu klu tshinanu xye pixkalutu towuwlu renejyawakna yine.

Mateus 9:8 ပူးပေါင်းရင်းမြစ်များ

Mateus 12:23

Hiyáhoni wane hwakanatatshine himyekahchinikanutatka, waneya repomhana: — Davi-ni whenrahe xye jeji?

Mateus 15:31

Hixolune hetlu myanumatkanekananu yanumaxyawaka, hiyrunu myapenekananu kihletka, retna myankanekananu yanyawakatka hiyrun-koxa mayhalenekananu hetatka. Waneya xye rexinna, rimyekahchinikanutna, rimalwutatkaluna Israel Hoyakalute.

Mateus 28:18

Waneya Jesus hapyehitna rasruklene waneya wane htshinna: — Hita henekka psol-potuko tsru hitakkaluru tenhohneya tshij-koxa.

Mateus 5:16

Waneko pixka hixanu hixa, hiwejinri katalu pixka rixanu ptowru yineru yehiya rexyawakapluna hixa hkamrure kihleru, rimalwuxyawakapluna Hiru tenhohne hajeru.

Mateus 9:7

Waneya hiktehatshri yotunomtatka, hkochtshekjekomtatka hipji nwaka hyatka.

Marcos 2:12

Waneklukawa hyotunomtatka, hkochtshekjekomtatka ruchpakamtatka ptowruneko hetanu. Ptowruneka tsru himyeklu rixna, rimalwutluna Hoyakalu. Waneya wla htshinna wanna: — Hikeklu hohne wane pixkalutu weta.

Marcos 7:37

Waneya ptowruneka jematshine tsru himyeklu rixna. Waneya wane htshinna wanna: — Ptowruko kihler-potu hkamha. Hjemkakna majnakone, myanumatkane hyanumkaka.

Lucas 13:13

Himyo wala hoho rutaka, waneya chinpotukawa tpotukawamtatka. Waneya timalwutatkalu Hoyakalu.

Lucas 17:15

Waneya satu wanna, Samaria-nerni, rexinixkawa rutskalhiywakatka, hsatoka, tsru tokantshiyma rimalwumtlu Hoyakalu.

Lucas 17:18

Klu tshinanhe xye jeji tsonu, pa neruko satoka Hoyakalu rimalwuxyawakapa?

Lucas 18:43

Waneya waneklukawa retatka. Waneya mtsawakananu homkahitatkalu Jesus, Hoyakalu rimalwumta. Hiyrun-koxa ptowrunek-yine xye hetatshine yinuwaka himalwuretlu Hoyakalu.

Lucas 2:20

Waneya hsatokatkana hinotaprajetatshine. Waneya runkakletatkaluna. Rimalwutluna Hoyakalu ptowru piranako hyijnakotanruna, retanruna, htshinakanaxyawak-potuko rix-hetkatatkaluna.

Lucas 23:47

Waneya romano-neru soldado-ne pohire rexinixkalu, wan-rixikowaka Jesus-ni, Hoyakalu rimalwutatka, wla htshina: — Halikakni xye jeji honnira, jeji potukalni.

Lucas 7:16

Waneyakni ptowru neruka pikatka, rimalwutluna Hoyakalu. Wla htshinatkana: — Tsru jinkaklewakleru rakanhayehikakatkawu Hoyakalu. Runa Hoyakalu hayinetene ruchokjixyawakapa.

João 15:8

Nuru Hoyakalu himalwutko hix-potu sahi pixkalutu hsahiwaxini. Wan-hixatshinephi nasruklene.

Atos 11:18

Waneya xyekaka tokantshi hyijnakoxinixkana nuretkalune rutshrokna. Ranjitluna Hoyakalu wane htshinruna: — Hiyáhoni Hoyakalu henekkoxna judeu mixkane riwejyawakna rehchinikanre tshinanna.

Atos 21:20

Hyijnakoxinixkaluna hpoyahnutluna Hoyakalu waneya wane htshinruna: — Petewa wimole, hi pejnu mil kananu judeu Cristo halixatshinetka hiyrunu wanna ptowruneka Moisés yonreru pirana homkahpotutatshinetkani.

Atos 4:21

Waneya rali hiykoletatnakna João, Pedro ruchochatna klu tshinanu hike rumukolujtatkana Pedro-ne yine tshinanu. Klu tshinanu ptowru yineru himalwutlu Hoyakalu wan-rixikolutka.

2 Coríntios 9:13

Wanna himalwutanru Hoyakalu hixa hepixle tshinanu hiyrun-koxa henekachle tshinanu kajnako hixle tshinan-koxa hiyrunu Cristo pirana kihle piranalu potuko hiwekkaklewatatshri pirana homkahixyawaka tshinan-koxa. Hiyrun-koxa rimalwuhetkotanruna Hoyakalu hixa henekachlepa tsrur-potuko tshinanu wannako htshinan-koxna hiyrun-koxa pimrine ptowruneka tshinanupa.

Gálatas 1:24

Hiyahokni hita tshinanu Hoyakalu rimalwutna.

1 Pedro 2:12

Yine malixkane hetanu, potuka hiweklerunephi. Yáholu hektutu kamhatshine htshinjetanhi seyni kihleru hkamhaleru tshinanu wanna yehi hkamhajexinri tshinanu, Hoyakalu hapojinri hohnepa rimalwutanruna.