Mateus 9:6 - Bíblia

⁶ Seyni himatjempotuxyawakaplu Jeji Whene tshinkaluru hitakkalurutkani xye tshijiya ruknokhektunuxyawakapna yine” — hiyáhoni Jesus wan-tshinru hiktehatshri: — Pyotunotanu, pkochtshekjekomtanu, pyanutka pipji.

Mateus 9:6 ပူးပေါင်းရင်းမြစ်များ

Mateus 4:24

Jesus pirana Síria tshijne psoluka rupalpiranyehita. Ranikanwakatluna ptowru hixatshri yeyixatshri, satkaka tsru tshino jematshri, kkamtshiterukaka, satkaka hipukalewatatshine, hiyrun-koxa satkaka hiktehatshri waneya Jesus hitskalakna.

Mateus 8:20

Waneya Jesus wla tshinru jeji: — Kaweretshine kapna rawjetna. Kochitshin-koxa tenhohne yapatshine waneyna rawyawakna. Seyni Jeji Whene tshinkaluru tsonu hi jimkawakleru, hi rawya rapnanuwakle.

Mateus 9:2

Waneya yine hanikanwakatlu satu jeji hiktehatshri, hijeko hikoluhatshri. Jesus hexinri wanna halixle, wane htshinru hiktehatshri: — Kihle hichinikanupyi. Mturu, pektunu puknojikatka.

Mateus 9:5

Hanupothe kihle tshinko? Wla htshinikowaka hiktehatshri: “Pektunu puknojikatka”, ho wla htshinikowaka: “Pyotunotanu pkochtshekjekotanu pyanutka”?

Mateus 9:7

Waneya hiktehatshri yotunomtatka, hkochtshekjekomtatka hipji nwaka hyatka.

Marcos 2:10

Seyni himatjempotuxyawakaplu Jeji Whene tshinkaluru hitakkalurutkani xye tshijiya ruknokhektunuxyawakapna yine hiyáhoni wla ntshinanru hiktehatshri:

Marcos 2:7

“Klu tshinanhe wane htshina xye jeji? Hektuwaka htshinanwakatlu Hoyakalu. Katu tsonhe himukata hiknokhektunutlu yineru? Satupkalu Hoyakalu tsonu.”

Lucas 5:21

Waneya fariseu-ne hiyrun-koxa kasruklewaklerune hinanchitkaluru pirana hasruklewatatshine yinuwaka hijhahchinikanretna waneya wla htshinatkana: — Katnihe xye jeji hektuwaka htshinanwakatlu Hoyakalu? Katu tsonhe himukata hiknokhektunutlu yineru? Satupkalu Hoyakalu tsonu.

João 10:28

Nenekanna hiweklu hike rixiniko mnikawnakatu. Hikeklu rupnanna hiyrun-koxa hi satuknako yineru himukata ninotle yehi kochpaklexyana.

João 17:2

Peneklu towuwlu ptowru yineru htowuxyawaka, hiweklu hike rixiniko mnikawnakatuko renejyawakapna yine ptowruneka penejyatkalu.

João 5:27

Hiyrun-koxa renekno hitakkaluru yine nukolukajyawakapa klu tshinanu Yineru Whene tshinkalurno.

João 5:8

Waneya Jesus wla tshinru: — Pyotunotanu, pkochtshekjekomtanu. Pyanutka.

Atos 5:31

Seyni Hoyakalu hitaklu Jesus hpotukle sreta Tsru Hixikatshriwa rixyawakapa yine hiwekkakatshri rixyawakapa. Renejyawakna judeu-ne rehchinikanuxyawakapna hiyrunu rektunna ruknojyawakapna.

Atos 9:34

Waneya Pedro wan-tshinatkalu: — Eneias, Jesus Cristo hitskalakyi. Ppalnanu, pihnanutanru pijeko. Waneya waneklu papko potuko hpalnatka.

2 Coríntios 2:10

Hixa hanuruktako hektuntshi hamtakahchinikanyehixinritka hit-koxa hamtakhimtuknutanru. Klu tshinanu yineru rumtuknu namtajinri, hixa tshinanukni namtakanru rumtuknu Cristo hetanuya tshinanu.

2 Coríntios 5:20

Hiyáhoni xawakni Cristo hitshre tshinanu wunkaklewjeta, hatatjewa Hoyakalu tshanixhi hixa wunkakle tokanuya. Cristo hitshre tshinanu nanjithi hixa Hoyakalu kamnikanatatshinhi himatletkotka Hoyakaluya.

Efésios 4:32

Seyni hichinikanuwyehkakanu. Hetwamonkakanu. Hixkakluko hamtakahchinikankakyehitanu hektutuya Hoyakalu hiknokhektunuxyawakhi Cristo tshinanu pixka.

Colossenses 3:13

Hakotachakakanu, hkaspukahchinikankakyehitanu satu yineru kojwajinhi. Cristo kaspukahchinikanyehixyawakhi pixka hixanu hixa.