Mateus 9:4 - Bíblia

⁴ Jesus himathetahchinikanutna waneya wane htshinna: — Klu tshinanhe wan-hixahchinikanuta xyekaka hektutu hichinikanrethajixyawaka?

Mateus 9:4 ပူးပေါင်းရင်းမြစ်များ

Mateus 12:25

Seyni Jesus himathetahchinikanutna hiyáhoni wane htshinna: — Ptowru tshijne rawa nikawnatshripa, pa hchinikanurutu hmixlenu tshinanna wane tshijne hajene. Hiyrun-koxa ho poktshi hajene ho pantshi hajene wannakakluko pnu pejnu rixahchinikanutna hi rumukata hwachaletna.

Marcos 12:15

Seyni Jesus himathetlu hixachatatshine rixyawakna waneya ruhitna, wla htshinna: — Haklu tshinanu haluk-himlukantaletno? Hanikanro tiyiro proji. Netanro.

Marcos 2:8

Waneklukawa potuko Jesus himatatka riwejinriya wan-rixahchinikanutna. Waneya wla htshina: — Klu tshinanhe wan-hixahchinikanuta?

Lucas 11:17

Seyni Jesus himathetahchinikanutna hiyáhoni wane htshinna: — Ptowru tshijne rawa nikawnatshripa, pa hchinikanurutu hmixlenu tshinanna wane tshijne hajene. Hiyrun-koxa pantshi hajene wannakakluko pnu pejnu rixahchinikanutna hi rumukata hwachaletna wanna.

Lucas 5:22

Seyni Jesus himathetahchinikanutna hiyáhoni ruhitna, wane htshinatkana: — Klu tshinanhe wan-hixahchinikanuta xyekaka hektutu hichinikanrethajixyawaka?

Lucas 6:8

Seyni rimatatka Jesus klu ruchinikanretna. Hiyáhoni wale tshinanu wla htshinatkalu jeji hiprihamyotatshri: — Pyopkakanutshi, hewi hixa hanikajiteya potuko pyotunoxini, — htshinru. Waneya hpalnatka jeji, hyotunotatka.

Lucas 7:40

Waneya Jesus wan-tshinru fariseu-ne: — Simão, pa pirana naluk-hinkakletanyi. Waneya Simão wan-tshinru: — Hehe, kasruklewakleru.

João 16:19

Seyni rimata Jesus xye pirana raluk-hepomhaletluna hiyáhoni wla htshinatkana: — Hixlahe hepomhakaka hixkakluko klu ntshinatkahi xye hima tshinanu, Xekoyakapa hi hetanno seyni howukchiniyaka hetanutnakno?

João 16:30

— Ha xawakni wimatyi pixa ptowru potuko himatatshriyi. Hi rujhalu yine hepomhiywakyi. Hiyáhoni walixyi Hoyakalu yokanreryi pixyawaka.

João 21:17

Waneya map-kata rixinri wla htshinru: — Simão, Jonas whene, puchiniknohe hita? Seyni Pedro wamonuwata klu tshinanu map-kata wla htshinru: “Puchiniknohe?” Hiyáhoni wla htshinru: — Nutsrukate ptowru potuko pimata, pimatlu nuchinikyi. Waneya Jesus wla tshinru: — Pohlutanna noprane carneiro-ne pixkalune.

João 6:61

Seyni Jesus himatatkalu waleko hihchinikanuya ruhjekakna htokanu tshinanu hiyáhoni wla htshinna: — Hixlahe himtukahchinikanuta xyekaka tokantshi tshinanu?

João 6:64

Seyni satkakhi hi halixno. Jesus wla tshina klu tshinanu hyinuwaklekananuko Jesus himathetatkana wanna malixlene hiyrunu rimathetlu katupni hkamnitjerupa, rekhitjerupa.

Atos 5:9

Hiyáhoni Pedro wan-tshinatkalo: — Haklu tshinanhe pixa phanuruyma pa hchinikanurutu hixa yahotletlu Hoyakalu Hiwejikaluru? Petanna! Hiphaptostsitkana maklujine phanurni kapnatapatshine hiyrunu pix-koxa hkochpakanna.

Apocalipse 2:23

Wala whenene nuylatanu. Hiyáhoni ptowruka Cristo halixatshine hapatjexikowakkaka hajene himatanu hitakni yineru hchinikanu hiyrunu yineru haji hetjetatshrino. Hiyrunu hixa satkaka wenutko hkamrure wenru pso.