Mateus 8:9 - Bíblia

⁹ Klu tshinanu hit-koxa k-chefe-tno, towutkalurno. Wanepnawaka soldado-ne ntowuta. Satu wane ntshina —“pyanutka” — hiyáhoni hya. Satutnaka wane ntshinru: — “puna” — hiyáhoni runanwakatno. Ntowreru koxa wane ntshininri: — “xye pkamhanu” — hkamhanru.

Mateus 8:9 ပူးပေါင်းရင်းမြစ်များ

Mateus 8:10

Waneya xye pirana hjemini Jesus, rimyeka. Waneya wane htshinatkana hixolune yine romkahikanatjene: — Halikaka wane ntshinhi hi israel-nerune tskalako nexyalu xye pixkalutu halixlu.

Mateus 8:8

Waneya soldado-ne pohire wla tshina: — Tsru Hixikatshriwa, hita hike kochpakatshrino nopji potuko pjihlojyawakapa. Seyni pyanumanwakachatanru, ntowreru hitskalhanu.

Marcos 1:27

Waneya ptowrunek-yine himyeka. Hiyáhoni repomhakakna, wane htshinna: — Klunerni xye? Klu herotu hasruklewlutkani xye? Tsru hitakkaluruyma kamtshi ruchpakjixa. Hiyrunu kamtshine jemlu htshinyawakna.

Lucas 4:39

Waneya walastsi hyopkaka. Waneya ruchpakjixlu patshwalu. Tutuk-patshwalemtatka. Waneya waneklukawa tyotunotatka waneya tyomhatna.

Lucas 7:8

Klu tshinanu hit-koxa k-chefe-tno, towutkalurno. Wanepnawaka soldado-ne ntowuta. Satu wane ntshina, “pyanutka”, hiyáhoni hya. Satutnaka wane ntshinru, “puna”, hiyáhoni runanwakatno. Ntowreru koxa wane ntshininri, “xye pkamhanu”, hkamhanru.

Lucas 9:1

Jesus tomhana rasruklene doze waneya renekpixkonutna kamtshine htowuxyawakapna ruchpajyawakapna yine maneya hiyrun-koxa ptowru hixatshri yeyixlu rutskalajyawakna.

Colossenses 3:22

Towrertshine xako yijnakotanna htowutjene xye tshijne hajene ptowru potuko hjemlerna. Hi htowutjene hetanu tsonu kajnakophi hyokwijechaxyawaka tshinanupna. Seyni psoluka hihchinikanu mixkonuyma hkamhanru Hoyakalu halujyawaka, Hoyakalu kahwakpirlu tshinanu.

Tito 2:9

Hijretanna towretshine hyijnakoxyawakna htowutjene. Ptowru potuka ralukanruna hkamhiywakapna towretshine. Hi ruhjetanna htowutjene.