Mateus 8:4 - Bíblia

⁴ Waneya Jesus hijretlu wla htshinru: — Petanu. Hike punkakanu seyni pyanutka. Sacerdote pekhimantapinwa putskalhinrixka. Waneya panikanru henekachalu henekawaka nwaka Moisés yonreru tshinyawaka pixka pimrine himaxyawakaplu putskalhiywakatka.

Mateus 8:4 ပူးပေါင်းရင်းမြစ်များ

Mateus 10:18

Hita tshinanu tsru hixikatshinwa hiyrunu tsrukakalune nwaka hanikko kihler-pirana Cristo pirana hinkaklexyawakapna wanna hiyrunu judeu mixkane.

Mateus 16:20

Waneya Jesus towutna rasruklene hike hma munkajyawakanuplu Messias rixinri pirana.

Mateus 17:9

Waneya himriji hserpijinixkana, Jesus hijretna, wla htshinna: — Hetakanatanru xako hike hinkakanu haté hma miwekkanuko pchini Jeji Whene hipuktshiya.

Mateus 3:15

Waneya Jesus hihita. Wane htshinru: — Petachatanutshi pchini hohnejiji, hpoyaho hakanhalexyawaka ptowruka Hoyakalu halukanru. Waneya João koxa hikchikhihlenutlu wan-rixyawaka.

Mateus 5:17

— Hi hkahwakanru nuna xye tshijne Moisés yonreru pirana ho Hoyakalu tokanu hinkakletatshinni yonreru pirana nnikaxyawakapa seyni nuna npoyahokajyawakapna.

Mateus 6:1

— Xako hi yine hetanu hkamhanru hkamrure kihleru Hoyakalu tshinanu klu tshinanu wan-hixini, hiru tenhohne hajeru hike himlujikolu henekanyi.

Mateus 9:30

Waneya retatkana. Waneya Jesus hijretpotutna, wla htshinna: — Hike hinkakanu.

Marcos 13:9

— Wane ntshinhi ptowru potuka hmuphujewnaknukawa klu tshinanu preso hitakko, hjemahchinikanyehitko hiyrunu hanjihohnewakapjikaka hkotshipjexiko. Tsru hixikatshinwa hiyrunu tsrukakalune nwaka hanikko hita hiwaka tshinanu halikaka pirana hpohixyawakapa.

Marcos 3:12

Waneya Jesus hipokananu hijretna hike hmunkajyawakanupna katni wale.

Marcos 5:43

Waneya Jesus hijretna hike hmunkajyawakanupluna wale pirana. Waneya rohlujixlo mturo.

Marcos 6:11

Hma yoptotjenepa, hma jemjenepa tshinanu, hichpakamxinpatka waneya wanna hetanu hiwlihkajpatjixitanu rimaxyawakapna hi hixako htshinanni seyni hma yoptotjene malixlenu tshinanni.

Marcos 7:36

Waneya Jesus-mka towutna yine hike hmunkajyawakanupna seyni yáholu hixo katamka rujretna wanepnawaka pnutetka runkaklewatna.

Marcos 8:30

Waneya Jesus towutlu xye pirana hike hmunkajyawakanupa.

Marcos 9:9

Waneya himriji hserpijinixkana Jesus hijretna retakanatanruna hike hmunkajyawakanupna hma miwekkanuko pchini Jeji Whene hipuktshiya.

Lucas 17:14

Jesus yijnakotna waneya wla htshinna: — Hajewa, sacerdote-ne hekhitapinwa. Waneyatka wane hyaka pchinikna rutskalhatkana.

Lucas 21:13

Wan-hixatshinhi hinkaklewatanu kihler-pirana Cristo pirana.

Lucas 4:41

Kamtshine koxa hixolune yineyma hwakanatatshine hichpakamtatka, hsaplewamtatkana. Wla htshin-saplemtna: — Pixni Cristo-yi, Hoyakalu Whenyi! Seyni Jesus hi hitshi yanumsaletna kamtshine klu tshinanu rimathetluna Cristo rixyawaka.

Lucas 5:14

Waneya Jesus hijretlu wla htshinru: — Petanu. Hike punkakanu seyni pyanutka. Sacerdote pekhimantapinwa putskalhinrixka. Waneya panikanru henekachalu henekawaka nwaka Moisés-ni yonreru tshinyawaka pixka pimrine himaxyawakaplu putskalhiywakatka.

Lucas 8:56

Turu, tunro koxa himyekatka seyni Jesus hijretna hike hmunkajyawakanupluna wale pirana.

Lucas 9:21

Waneya ruykotna hipokananu hike yineru xako hinkakanru wale pirana. Waneya wane pnute htshina:

João 5:41

Hi nujhalu yineru tokanuwnale.

João 7:18

Klu tshinanu waleko hipirana kochtshekatshri, rujhalu waleko hiwaka hpohixikolupa. Halikaka hanurukta himalwutlu hyokanatjeru, wale halikaka, halikaka pirana hinkakletatshri hiyrun-koxa hi kaweylu.

João 8:50

Hi nujhalu hita nanwaka pohixnawakwa. Seyni rawa satu nimalwutjerupa hiyrunu waleni hetamayxaklerewatatshri potuko.