Mateus 8:2 - Bíblia

² Waneya satu hijirohitutatshri yanwakatlu Jesus. Hyoptsojityehitlu Jesus, tshiji rutspakhojita waneya jeji wan-tshinru Jesus: — Palujiniplu pumukata hitskalakletno.

Mateus 8:2 ပူးပေါင်းရင်းမြစ်များ

Mateus 10:8

Hitskalakanna yeyixatshine, hiwekkakanna hipnatshine. Hijirohitutatshine hitskalakanu. Kamtshine hiknokanna. Mwenutu xyekaka neneklewata, hix-koxa mwenutu henekanna wanna.

Mateus 13:58

Hiyáhoni hi hixo hetkalurkaka hkamha Jesus wale poktshiya hmalixlenna tshinanu.

Mateus 14:33

Waneya rasruklene kanawa hwakanatatshine yoptsojityehitlu Jesus. Wla htshina himalwuretluna: — Pixni halikaka Hoyakalu Whenyi!

Mateus 15:25

Waneya tunatka suxo, tyoptsojityehitlu Jesus, waneya wla ttshinru: — Tsru Hixikatshriwa, pepixanunno.

Mateus 18:26

Waneya deve-tatshri yoptsojitamta wale sreta, hipokananu ranjitlu, wla htshinru: “Pkahwakayakatanutshi, pa hohne psoluka n-deve-leru nwenutanyi.”

Mateus 2:11

Rapojinixkaluna pantshi, retluna mturu runro Maria-yma. Waneya hyinuwaka hipyoklemtna tshiji, hyoptsojityehitluna, rimalwutluna mturu. Waneya hkotpukluna hkapajirna kwenur-potuko hwiywaka waneya renekluna henekachalkaka ouro, phamluhalo incenso tshinkaluro, phamluhalojpa mirra tshinkaluru.

Mateus 20:20

Waneya Zebedeu whenene hinro, towheneneyma yanwakatlu Jesus, tyoptsojityehitlu waneya pa hixanu tanjitlu.

Mateus 26:6

Waneya Jesus, Simão tshinkaluru hijirohitutatshripji Betânia poktshi rawakanaxini,

Mateus 28:17

Jesus rexinixkana, rimalwutluna seyni pimrine satkaka hi halixlu.

Mateus 28:9

Waneya chinpotukawa Jesus yoptotna. Wla htshinna: — Kihlehchinikanuphi. Waneya suxone hapokanwakatlu, hsaprikjixitluna, rimalwuxyawakapluna.

Mateus 4:9

Waneya tsru kamtshi Satanás wan-tshina: — Xyekaka ptowruko nenekanyi pyoptsojityehixinipno, pimalwuxinipno.

Mateus 8:1

Waneya Jesus himriji serpika, hixolune yine homkahitlu.

Mateus 8:25

Waneya rasruklene yanwakatlu Jesus, hkomyekluna wane htshinruna: — Tsru Hixikatshriwa, pepixanunwu. Wupnahetkotanuna!

Mateus 9:18

Waneya hyanumsakanaxiniwa Jesus, runa satu tsru hitakkaluru hanjihohnewakapji hajeru. Hyoptsojityehitlu Jesus waneya wla htshinru: — Xawakni potuko tupnanatka nchítshoni. Punanu wala hoho putakamyotanu tutskalhiywakapa tiwejyawakapa.

Lucas 4:27

Hiyrun-koxa Hoyakalu tokanu hinkakletatshrini Eliseu-ni tshinkaluru klu papko koxa yeyixlu mjemtshinotkotu himwatshine híxona Israel tshijneya seyni hi satuknako wanna hitskalakka waneklu. Naamã-ni tshinkalurni, Sírio-neru tsonupka hitskalakkatka waneklu papko.

João 9:38

Waneya mayhaletukananu wla tshinru: — Tsru Hixikatshriwa, nalixa. Waneya Jesus rimalwutatka.

Atos 10:14

Hiyáhoni Pedro wan-tshina: — Hike, Tsru Hixikatshriwa. Hita hikeklu hohne niklu pa hixanu kaptsholu ho tshipetkaluru.

Atos 10:25

Waneya Pedro pantshi hjihlokpiraxinixka, Cornélio yoptotaplu. Tshiji rapokamta Cornélio Pedro jixistsi. Hyoptsojita Pedro-stsiya. Hpoyahnutatkalu Pedro.

1 Coríntios 14:25

Hihchinikanu hichinikanretlerkaka yohimatkaluru ruphujetko. Waneya ruphamtanu Hoyakalu hetanuya, rimalwutanru Hoyakalu. Waneya wane htshinanu: “Halikakni hix-yehi rawa Hoyakalu.”

Apocalipse 19:10

Waneya Hoyakalu towreru tenhohne hajerumka nyoptsojityehita nimalwuxyawakaplu seyni wale wan-tshinno: — Hike, hi wane pixanu! Hit-honra pixje kamrurewatatshrino, Hoyakalu towreru, pmoletanune Cristo tshinanu, Jesus hiphujetatshineymalutno. Hiyáhoni Hoyakalu himalwutanu halikaka! Klu tshinanu halikaka pirana Jesus hiphujetleru pirana, Hoyakalu tokanu hinkakletatshine mixkotjeru.