Mateus 7:7 - Bíblia

⁷ — Hanjitanro henekko; hijhanu hikchikanu; hitpehiphaptotetanu, hkotpukko hiphapto.

Mateus 7:7 ပူးပေါင်းရင်းမြစ်များ

Gênesis 26:32

Waneya wale hohneko Isaque towrerune hapokatka, runkakluna hakopha teno pnalu hjitolerna pirana. Wla htshinruna: — Honha wukchikatka.

Mateus 18:19

— Hiyrun-koxa wane ntshinhi: Yáholu hepi yineru xye tshijne hajenhi pa hchinikanurune hixa hanjirexinru, Nuru tenhohne hajeru kamhanru hixa tshinanu.

Mateus 21:22

Halixinri hanjireru hanjihohneruya hyoptoxyawaka, hyoptotanru.

Mateus 6:33

Seyni mitshikananhapka Hoyakalu pohirewaxyawaka hijhanu hiyrunu Hoyakalu halujyawaka hkamhanu. Waneyakni Hoyakalu henekanhi xyekaka ptowruka.

Mateus 7:11

Hixa hektutu kkamhaklerunhi himata kihleru henekawheneta hiyáhoni wane yohnik-rixa heneklewleta Hirtshi tenhohne hajeru ranjitjeru.

Mateus 7:8

Klu tshinanu ptowru hanjitatshri yoptotanru. Hiyrun-koxa ptowru hijhatshri hikchikanru. Ptowru yineru hiphapto hitpetatshri hkotpukyehitko hiphapto.

Marcos 11:24

Wale tshinanu wane ntshinhi: Hanjihohnexini, pa hixanu hanjixini, halixanu hyoptoxyawakatkalu waneya hixa ptowruka henekkotka.

Lucas 13:25

— Kapjiru palnanu, hiphapto ruchyatanu. Waneya hixa hiphapto maleka sreta hwanu, hiphaptomka hitpetanu wla htshinreyma: “Tsru Hixikatshriwa, pjihlokkakanwu.” Seyni wale hihitanhi, wla htshinanhi: “Hi nimathi hanu sretakta hichpajikatshinhi.”

Lucas 18:1

Waneya Jesus satu yapkaklu pirana runkakna ranjihohnexyawakapna, hma muhrojyawakanupna.

João 15:16

Hixa hi nuretno hita seyni hitako nuretatkahi hixa hiyrunu nenek-kamrurethi hyiywakapa, Hoyakalu halukanru hkamhiywaka, rawhohnekanaxyawakapa hkamrure. Waneyakni kluneruktako hanjixinri Nuru Hoyakalu, hita nhiwaka tshinanu hanjixinri, renekanhi.

João 15:7

Hita himwini hiyrunu ntokanu hixa hitokote hwanu, halukanru kluneruktako hanjixini, wale hyoptotanu.

João 4:10

Waneya Jesus hihitlo wla htshinro: — Pimatkamkalu Hoyakalu henekachle hiyrun-koxa pimatkamkalu panjitjeru wla tshinatshri, honha putanno waneyamka honha panjixinri wale waneya walemka henekanyi honha hiweklu heneklewatatshri.

Romanos 2:7

Hoyakalu heneklewatanu riwejinri hikeklu hohne mnikawnakatupa hanunektako hi hituka kihleru kamhaleta hiyrunu Hoyakalu hpoyikoxyawakna hijhatshine. Hoyakalu honra rumuwkakpiratna hiyrunu riwejinrina mnikawnakatuko hijhatshine.

Romanos 3:11

Hi satukna himatjematshri. Hi satukna Hoyakalu homkahitatshri.

Hebreus 11:6

Klu tshinanu halixlu minjeyma hike himukata poyikotletlu Hoyakalu. Seyni katukta haluka yanwakletlu Hoyakalu raluk-halixletlu rawa Hoyakalu. Hiyrun-koxa Hoyakalu hijhatshine hkahwakan-koxluna renejikolna heneklewatatshri Hoyakalu.

Tiago 5:15

Hanjihohneru Hoyakalu munanhaleru, hitskalakanru yeyixatshri. Tsru Hixikatshriwa Hoyakalu hitskalakanru. Hiyrun-koxa majnakowatatshri rixini ruknokahchinikanyehitko rektunuya.

1 João 3:22

Hiyahokni kluneruktako wanjixinri, walemyo wyoptoxinri klu tshinanu htokanu womkahjeta hiyrunu rukchikhihlenutanru wkamhajeta.