Mateus 7:13 - Bíblia

¹³ — Pjihlokanru mtseruswa hiphaptotetu. Klu tshinanu tsru hiphaptoteru tsru hapolu hamhikowaka hapni hiyrun-koxa hi heppikna yine tsru hiphaptoteru jihlokatshinena.

Mateus 7:13 ပူးပေါင်းရင်းမြစ်များ

Gênesis 6:12

Hiyáhoni Hoyakalu hetlu tshiji. Halikaka hektupotlu tshiji klu tshinanu ptowru hiwekatshri rumtukhiweklexnawa psol-tshijneyako.

Gênesis 6:5

Waneya retlu Tsru Hixikatshriwa Hoyakalu hi psokananru hektutu rapatjererna yine tshijiya hiyrunu rethixanutna yine hektutu tsonu ruchinikanretjetna rajiyna ptowru hohneruka.

Mateus 23:13

— Hapnokatkalunephi kasruklewaklerune hinanchitkaluru pirana hasruklewatatshine hiyrun-koxa fariseu-ne, hixachatatshinhi! Hixa himaletna tenhohne pohirewaxyawaka jihlokpiratatshine. Hi hixako jihloklu. Hiyrun-koxa wane jihlokpiratatshine himaleta.

Mateus 25:41

— Waneya wla htshinanunna pa sta sreta hajenepni: — “Hyachatanutka, hapnokatkalunephi! Tshitshmero hikeklu hohne mnikawnakatupa yehi tsru kamtshi hiyrunu htowrene kamtshine tshinanu halpokotkaluru yehi hyanu.

Mateus 25:46

— Waneya wanna hapnokaxikowaka hikeklu hohne mnikawnakatupa yehi hyanuna seyni potukalune yoptotanru hiweklu hikeklu hohne mnikawnakatupa.

Mateus 3:2

Wane htshinamta: — Hehchinikanutanu hektunu tshinanu klu tshinanu hi howukatkalu tenhohne pohirewaxyawaka!

Mateus 3:8

Hkamhanru xako kihleru himaxikowakapa hehchinikanutatka.

Mateus 7:14

Seyni mtseruswa hiphaptotetu hiyrunu kyapre hapolu hiweklu mnikawnakatu haniklewatatshri! Hi hixo yineru hikchiklu.

Lucas 14:33

— Hiyrun-koxa katukta hi hiknoklu ptowru potuka rimwaleru hi rumukata nomkahitjeru hixleta.

Lucas 9:33

Waneya hyinixkana Jesus hiynumsakanatatshine Pedro wla tshinru Jesus: — Kasruklewakleru, kihleru wiko wutujyawaka. Hayeri wkamheru mapa pantshi; satu pixanupa, satu Moisés-nupa, satu Elias-nupa. Pedro hi himatjemnawa klukta htshina.

João 10:9

Hitni carneiro jihlokawakleno hiyáhoni katukta hita hiknohanu riwekanu, hjihlokanu, ruchpakanu, rukchikanru hnikleru.

João 14:6

Waneya Jesus hihitna: — Hitni hatnu hapno, Hitni halikakalutno, Hitni hiwekluno. Yine Hita tshinanu tsonu rumukata hapokanwakletluna Nuru Hoyakalu.

Atos 3:19

Hiyáhoni hehchinikanutanu xako, hyokmakahchinikanutanu waneya hiknojiko hektunu.

Romanos 9:22

Wan-rixa Hoyakalu. Rahkalene ralpokohnaputatka ramhiywakapna Hoyakalu tsru hakotlu rixachakananyehitna klu tshinanu Hoyakalu haluk-hekhirexnawa hjihekannu, yine himukata hetlexyawakaplu hpixkonu.

2 Coríntios 4:4

Hi ralixluna Cristo klu tshinanu xye tshijne hoyakalute hektutu kkamhakleru himaletahchinikanutna. Hi ritshitna rumrekhaxyawakna hma mexyawakanupluna katalu, kihle piranalu potuko hiwekkaklewatatshri pirana, Cristo hoyaknu pirana. Cristo waleni Hoyakalu yáholu potuko.

2 Coríntios 6:17

Tsru Hixikatshriwa Hoyakalu wan-tshina hiyrunukotnaka: “Hiyáhoni wanna yehi hichpajini Wanna yehi hkotspalaxinwa. Kaptsholu, himtuklewatatshri hi hyotnekanu. Wan-hixatshri kihle yoptole nixanu.

Gálatas 5:24

Cristo-ymalune wannako ralujyawakna ruknokna. Himanna halujikolkaka hiyrun-koxa himanna het-sotanrewle ruknokna Cristo pixka. Hatatjewa Cristo-yma cruz rixpatkatka himanna.

Filipenses 3:19

Nyini hamhikowaka yatshinepa. Royakalutnuna wannako himanna het-sotanuxyawaka. Kapatmenuruko ralixkojetna. Wannani xye tshiji hajeru tsonu hichinikanretatshine.

1 João 5:19

Wimatlu Hoyakalununetkawu. Wimatkoxlu xye tshijnemka ptowruka htowuta kamtshi.

Apocalipse 12:9

Hiyáhoni Tsru Kamtshi dragão tsru kananu, wale honukla himnu hitsruka, Tsru Kaylokleru tshinkaluru, Satanás hiwakatletatshri, ptowru tshijne hajene yokwijetatshri, tenhohne malekate ruknojika. Tshij-hoho ruknokkatka wale hiyrun-koxa hmaklutene kamtshine waleyma ruknokatkana.

Apocalipse 13:8

Ptowru tshiji hwatshine, katuktako hi khiwaka Carneiro Whene tshinkaluru, hiylatkaluru papel-te stenoya xye tshijne hiyakotkoklunukananuko, hiweklu heneklewatatshri steno mwa hiwakatkatu, himalwutanru kmatsyiru.

Apocalipse 20:15

Ptowru yineru hiwaka pejnu yonawahlo steno hiweklu hinkakletatshri myonhiwakatkotu, tshitshmero powha hiknokkotka.

Apocalipse 20:3

Waneya hiwejikaluru Hoyakalu towreru tenhohne hajeru teno pnawaka ruknokatkalu Tsru Kamtshi. Waneya wane ruchyayehitlu, roho ripixyalu hma yokwijexyawakanupna yine ptowru tshijne hajene, mil mhale pejnu tsonu. Waneya wane pnutepa rumukata hicholetka pchini tsonu.