Mateus 7:11 - Bíblia

¹¹ Hixa hektutu kkamhaklerunhi himata kihleru henekawheneta hiyáhoni wane yohnik-rixa heneklewleta Hirtshi tenhohne hajeru ranjitjeru.

Mateus 7:11 ပူးပေါင်းရင်းမြစ်များ

Gênesis 6:5

Waneya retlu Tsru Hixikatshriwa Hoyakalu hi psokananru hektutu rapatjererna yine tshijiya hiyrunu rethixanutna yine hektutu tsonu ruchinikanretjetna rajiyna ptowru hohneruka.

Gênesis 8:21

Waneya Tsru Hixikatshriwa Hoyakalu hamluphatlu kihlephaholu waneya wane htshinnawa: — Hi nsaletanutnaklu tshiji yine tshinanu klu tshinanu yine hektuwaka tsonu ruchinikna hmatureyakawa hyinuwaka haté xawakni. Hi koxa napnokatanutnaklu ptowru hiwekatshri, hanu nixa hapnokatletanna mitshikawlunni.

Mateus 23:9

Hiyrun-koxa hike xye tshijne hajeru hiru htshinanu klu tshinanu satupkalu Puru, tenhohne hwatshri.

Mateus 7:10

Ho chima ranjixinhi, himnurhe henekanru?

João 3:16

Hoyakalu psol-tshijneka hajene ramotle tshinanu hyokanatlu hituru satupkalutu ptowru yineru ralixjene hi rupnanna seyni riwekanna hikeklu hohne mnikawnakanepa.

Romanos 3:19

Seyni wimata Moisés yonreru tshinyawaka wan-tshinanwakatna Moisés yonreru pirana homkahitatshine. Wan-rixa klu tshinanu hike yineru himukata powratlexinwa seyni ptowru tshijne hajeneko hikolukanuwnatka Hoyakalu hetanuya.

Romanos 3:9

Hiyáhoni ha wanna judeu-ne xawaka hixa yohnik-hihlenurunrahe? Hike, hi psojikna klu tshinanu wekhixnatkawa judeu-neru hiyrun-koxa judeu mixkane pixkakakanni klu tshinanu rektunna tshinanu.

Romanos 8:32

Hoyakalu hi tshipetawheneta seyni hyokanatlu hixa ptowrunekwu tshinanu. Hiyáhoni hi he Jesus-yma renekanunwu ptowru potuko?

Gálatas 3:22

Seyni Hoyakalu tokanu yonatkaluru wan-tshina, ptowru yineru potuko hektuntshi towutlerni. Wan-rixa hiyáhoni halixlu tshinanu ptowru yineru potuko himukata yoptoletanru Hoyakalu hinkaklexyana hyoptotanrupna Cristo halixatshinetka.

Tiago 1:17

Ptowru hixatshri kihleru wyoptoleru hiyrunu ptowru hixatshri hike mmahaxikatu tenhohne ruchpajya. Xye ptowruka Hoyakalu hiyakaxya. Hoyakalu honukla katalune tenhohne hajene hiyakotatshrini. Hi kakojerni Hoyakalu. Rixannuni. Hi psojikna hyokmanya Hoyakalu.

1 João 3:1

Hetanu, hi pso hamotlukananu rixwu Wuru Hoyakalu, Hoyakalu whenene wtshinikowaka. Halikaka Hoyakalu whenetkawu. Hiyahokni xye tshijne hajene hi himathetwu klu tshinanu hi rimathetatkaluna Wuru Hoyakalu.

1 João 4:10

Xyekni hamotlewlu. Himka wamotatkalu Hoyakalu seyni wale hamotatkawu hixa. Hiyahokni hyokanatlu Hiwhene Cristo rumukata wukolukanuwnalkaka ramtakahchinikankajyawakapa.