Mateus 6:2 - Bíblia

² — Hiyáhoni pa hixanu penekachaxinri hike mwikatu, hi punkaklexinwa tsru sejirtshiyma, kowi hima pixka, yine hexyawakyi. Waneko pixka hixachatatshine hanjihohnewakapjiya hiyrunu poktshi hanikajiteya yine himalwuxyawakapna. Halikaka ntshinhi yine himalwuxyawakna tsonu hijhatshine hike hiyrunu rumlujikolna hyoptotanutkana.

Mateus 6:2 ပူးပေါင်းရင်းမြစ်များ

Mateus 15:7

Hixachatatshinhi! Hoyakalu tokanu hinkakletatshri Isaías-ni hinkakletpotuthi hixa. Wla htshina yonatkaluru:

Mateus 16:3

Waneya yetshpotukawa wla htshina: “Hinhetkopatkani klu tshinanu sero hohneru, hiyrunu mapchahlu.” Tenhohne hyihaxini hixa himathetlu ho kihle hohneplu ho hike seyni hi himathetlu xye hohnekaka hetlerutka hanu rixa.

Mateus 22:18

Seyni Jesus himathetna hektu hchinikanu rixyawakna waneya wla htshinna: — Hixachatatshinhi! Haklu tshinanhe haluk-himlukantaletno?

Mateus 23:5

Ptowruka hkamhanruna yine hexyawaklu tshinanu hkamhaluna. Hoyakalu tokanu yonatkaluru yonha paji htserutjetna. Xye pajkaka himkalna rostutna yine hexyawakaplu. Himkalna hyokakluna chichyoha samalu. Waneko pixka rixna ptowru potuko hkamrureyna Hoyakalu romkahpotuxyawakna hkahwajikolupna.

Mateus 23:6

Ralukpotutluna kihleru niklur-yeh-potuko htuplaxyawakna hiyrun-koxa rujhaluna tuplawaka tsru hixikatshriwa tuplaxyawaka htuplaxyawakna ptowru hanjihohnewakapjiya.

Mateus 24:51

Htowutjeru hapnokatpotutanru towrertshipni. Waneya tsru tshiyahlu hiyrunu haskiyhiru yehi ruknokkona Hoyakalu halixatshine hixachatatshineyma.

Mateus 5:18

Halikaka ntshina, haté tenhohne hiyrun-koxa xye tshiji nikawninri hohne, hi pa yonhajiji — hi pa yonapi yonhajiji nikawnanu yonruru piranaya hma makanhiywakanupa ptowru potuko.

Mateus 6:16

— Hixa hohajirewaxini Hoyakalu tshinanu, hi wamonuwhojitatshinetka pimrine hixachatatshine pixka hix-hohajirewleta. Wanna honra rohajirewaxinna hektu rixhojixnawana pimrine hexyawaklu rohajirewatna. Hita wan-tshinhi yine hexyawakna tsonu kamhatshine hike hiyrunu rumlujikolna hyoptotanutkana.

Mateus 6:3

Seyni hike mwikane pa hixanu penekachaxinipa, potshkeruko peneklewachatanu pimrine mimatyehixyawakanuplu.

Mateus 6:5

— Hiyrun-koxa hixa hanjihohnexini, hi pimrine hixachatatshine pixka hixanu. Wanna honra hikchikhihlenutlu hyopkaka hanjihohnerexyawakna hanjihohnewakapjiya hiyrunu hatnu hapo yoptowakkakaya ptowru yineru hexyawakapna. Halikaka ntshinhi yine hexyawakna wanna rumlujikolnina hike hma yoptoxyawakanupna.

Mateus 7:5

Hixachatatshrini wan-hixatshri! Mitshikananhapka puknokanrutshi kaknalu piyhale hajeru. Waneyapa petpotutanutkalu pkochpajyawakaplu pimole yhale hwatshri kapopejiru.

Marcos 12:39

Rujhaluna tuplawaka tsru hixikatshriwa tuplaxyawaka htuplaxyawakna ptowru hanjihohnewakapjiya hiyrun-koxa ralukpotutluna kihleru niklur-yeh-potuko htuplaxyawakna.

Marcos 7:6

Waneya Jesus hihitna, wla htshinna: — Hixachatatshinhi! Hoyakalu tokanu hinkakletatshri Isaías-ni hinkakletpotuthi hixa. Wla htshina yonatkaluru: “Nyi yine himalwutno hinama tsonuyma seyni hihchinikanuyna howukayno.

Lucas 11:41

Hiyáhoni xawakni psoji himwaleru xako henekanna hike mwikane. Waneyakni wan-hixinipa ptowruko powrapatka hixa tshinanu.

Lucas 11:43

— Hapnokatkalunephi hixa fariseu-ne-nhi! Klu tshinanu hixa haluklu tsru hitakkaluru tuplawakle tsonu htuplawaxyawaka, hanjihohnewakapjikakaya. Hiyrun-koxa hixa halukpotutlu hpotuklexikolu halijikoluyma yine hixolune tshinanu.

Lucas 12:33

Ptowruka himwaleru hichankanu waneya tiyiro hyoptotanrupa henekanna hike mwikane. Hikchijinwa tsapantshikaka mimat-nikawnakatu, hpohirewninri himretanu tenhohneya. Wane hi rimata nikawniya. Klu tshinanu tenhohne katshowhurune mwiywakanni. Hi kamlako himtuklewaxya.

Lucas 12:56

Hixachatatshinhi! Klu tshinanu tshiji, tenhohne himaxikolkaka himatheta. Hiyáhoni haklu tshinanhe hi himathetlu xye hohnekaka hetlurutka hanu rixa?

Lucas 13:15

Seyni Tsru Hixikatshriwa Jesus wla tshinru: — Hixachatatshinhi, hi he hixa ptowrunekhi hipra boi ho burro hkochpiroka hapnanuxikalur-hohne hiyrunu hanikna maleka sreta honha rurapyawakapna pratshine?

Lucas 20:46

— Xakoka hi kasruklewaklerune hinanchitkaluru pirana hasruklewatatshine yokwijetanhi. Rukchikhihlenutluna mkatshri hopowalu riyanyawakna. Rukchikhihlenutluna ralijikowakna hixowaka hetanu. Hnuretluna tuplawaka tsru hixikatshriwa tuplaxyawakapa ptowrupjika hanjihohnewakapji, kihleru niklur-yeh-potuko htuplatna.

Lucas 6:24

— Seyni wamonuwatatshinenapni hixa phurunephi xye papko hajenepni klu tshinanu xawakni tsonu kihle hiweklenhi!

Lucas 6:42

Hanhe pumukata wan-tshinretlu pimole: “Nomole, hitatshi pitshitanu kapopejiru piyhale hwatshri nkochpajyawakapa”, pma mimathetkanuklunru piyhale hwakanatatshri? Hixachatatshrini wan-hixatshri! Mitshikananhapka puknokanrutshi kaknalu piyhale hajeru. Waneyapa petpotutanutkalu pkochpajyaplu pimole yhale hwatshri kapopejiru.

João 13:29

Klu tshinanu satkaka wanna kahwaklu Jesus hanjikjixlu pa hixanu hmahaxinrina tsru niklu tshinanupa ho tiyiro renekakjixlu hike mwikane, klu tshinanu Judas tshinkaluru honukla hinotjekanatlo tiyiro mapa yehi.

João 5:41

Hi nujhalu yineru tokanuwnale.

João 5:44

Hanhe hixa halixletlu hixa, pimrine tokanuwle hjemleru? Seyni hi hijhatkalu tokanuwnalu Hoyakalu satupkalutu nwaka hichpajikatshri.

João 7:18

Klu tshinanu waleko hipirana kochtshekatshri, rujhalu waleko hiwaka hpohixikolupa. Halikaka hanurukta himalwutlu hyokanatjeru, wale halikaka, halikaka pirana hinkakletatshri hiyrun-koxa hi kaweylu.

Atos 10:2

Cornélio powra hchinikanuru hiyrunu Hoyakalu homkahitatshri rixyawaka. Wale hiyrun-koxa wanna ptowruneka hipji hajene. Cornélio henekachajetna judeu-ne hike mwikane hiyrun-koxa hanjihohneru ranjijexyalu Hoyakalu.

Atos 10:31

Waneya wane htshina: “Cornélio, Hoyakalu yijnakotatkalu panjihohnere hiyrun-koxa penekachalkaka hike mwikatu tshinanu ruchinikyi Hoyakalu.

Atos 10:4

Cornélio hetpotutlu. Hpikatka. Waneya Cornélio wan-tshinru: — Klunerni, Tsru Hixikatshriwa? Waneya wane htshinru Hoyakalu towreru: — Hoyakalu hoji sreta rapokatka panjihohnere hiyrun-koxa petwamonrekaka. Hoyakalu hichinikyi.

Atos 11:29

Hiyáhoni Antioquia hajene Cristo halixatshine wan-rixa hichinikanuwletna hyokanaxyawakna repixikolna Judeia hajene Cristo halixatshine. Satkaka yokanatlu hpoyaho yokanrexyawaka pso.

Atos 24:17

Hiyáhoni xawakni hixo mhale hiknohatka waneya nsatokanwakatlu Jerusalém tiyiro nenejyawakapna nonerune hiyrunu henekachal-koxa nanijyawakapa.

Atos 9:36

Waneya Jope poktshiya twa sato suxo Jesus homkahitatshro Tabita tshinkaluro. (Grego-nruya Dorcas ttshinka.) Ptowru hohneruka kihleru tkamhajekanatni hike mwikane tepixjekanatni.

Romanos 12:8

seyni pimrine wuykoxyawaka rixini waneya wuykolewatanu. Katukta henekhejnunkatrewata poyikowluyma renekanru. Towutatshri rixini waneya ruslahpotutanu. Jetwamonukleru rixini poyikowluyma repixanru.

1 Coríntios 13:3

Yáhomaklu ptowru potuko nimwaleru nenekachaxinna hike mwikane nohluxyawakapmakna ho nomane nenekachaxinna hyoxijikowakapa seyni nimwastsirene nma muchinikkanuklunu hike potuko nkochpaka hita.

Gálatas 2:10

Xye tsonu ranjitwuna wuchinijyawakapna hike mwikane. Xye koxa hikeklu nuchotlu wane nixyawaka.

Efésios 4:28

Katshowhurukananu hi wane pnuteko htshowhuwatanutka seyni hkamrurewatanu. Waleko himyoya kihler-kamrurtshi hkamhanu hkayaxyawakapa. Wan-hixatshri himukata hapikletanna mahaxikatshine.

1 Tessalonicenses 2:6

Hi wujhalu yine himalwuxyawakwu, hi hix-yehiko, hi pimrine yehiko.

1 Timóteo 6:18

Ptowutanna kihle rixyawakapna pimrine, phurune hixkakanna kihler-kamrurtshiyma. Ptowutanna jenekaklerune rixyawakna, kapikaklerunepni.

Filemom 1:7

Klu tshinanu wumuwpotuta hiyrunu wapnanuhchinikanuta pimrine puchinikanrexyawaka tshinanu. Klu tshinanu Jesus halixatshine potukalune, repixahchinikanutkana, pepixle tshinanna, pixa Cristo tshinanu nmoletanru.

Hebreus 13:16

Seyni kihleru hkamhajexyawaka hiyrunu hepixkajyawaka hi hichotanu. Klu tshinanu Hoyakalu hikchikhihlenutlu wane pixkalutu, henekachalu pixkalutu rikahwaklu.

1 Pedro 4:11

Satu yineru hinkaklewaxinipa, Hoyakalu tshinyawaka pixka htshinanu. Pimrine repixjexini satu, himatkaltshi Hoyakalu henejyaluyma repixanna. Hoyakalu himalwuxikolupa ptowru potuko tshinanu, Jesus Cristo tshinanuya. Hoyakalu hiphujexikolni, towutatshrini hike rixiniko mnikawnakatupa. Amém.