Mateus 6:1 - Bíblia

¹ — Xako hi yine hetanu hkamhanru hkamrure kihleru Hoyakalu tshinanu klu tshinanu wan-hixini, hiru tenhohne hajeru hike himlujikolu henekanyi.

Mateus 6:1 ပူးပေါင်းရင်းမြစ်များ

Mateus 16:27

Klu tshinanu Jeji Whene hiyrunu hiwejikalune htowrene tenhohne hajene hapokanu Hoyakalu hoyaknuyma. Waneya renekanru satkaka yineru hkamrure wenru.

Mateus 16:6

Waneya Jesus wan-tshinna: — Xako fariseu-ne hiyrunu saduceu-ne tserutjeru.

Mateus 23:13

— Hapnokatkalunephi kasruklewaklerune hinanchitkaluru pirana hasruklewatatshine hiyrun-koxa fariseu-ne, hixachatatshinhi! Hixa himaletna tenhohne pohirewaxyawaka jihlokpiratatshine. Hi hixako jihloklu. Hiyrun-koxa wane jihlokpiratatshine himaleta.

Mateus 23:5

Ptowruka hkamhanruna yine hexyawaklu tshinanu hkamhaluna. Hoyakalu tokanu yonatkaluru yonha paji htserutjetna. Xye pajkaka himkalna rostutna yine hexyawakaplu. Himkalna hyokakluna chichyoha samalu. Waneko pixka rixna ptowru potuko hkamrureyna Hoyakalu romkahpotuxyawakna hkahwajikolupna.

Mateus 25:40

— Waneya pohirtshi hihitanna, wla htshinanna: — “Halikakni wane ntshinhi, xyekaka hkamhiniklunna nomolene haté mujhakot-potu tshinanu hkamhinri, nkahwaklu hita tshinanu hkamhalu.

Mateus 5:16

Waneko pixka hixanu hixa, hiwejinri katalu pixka rixanu ptowru yineru yehiya rexyawakapluna hixa hkamrure kihleru, rimalwuxyawakapluna Hiru tenhohne hajeru.

Mateus 5:46

Ha puchinikjene tsonu pamoxinipa, kluneru pkahwaka yoptolexnawa Hoyakalu yehiya? Hi he waneko pixka rixjetna jijhawenruklerune?

Mateus 5:48

Hiyáhoni potukalunephi, hixa hiru tenhohne hajeru pixka.

Mateus 6:16

— Hixa hohajirewaxini Hoyakalu tshinanu, hi wamonuwhojitatshinetka pimrine hixachatatshine pixka hix-hohajirewleta. Wanna honra rohajirewaxinna hektu rixhojixnawana pimrine hexyawaklu rohajirewatna. Hita wan-tshinhi yine hexyawakna tsonu kamhatshine hike hiyrunu rumlujikolna hyoptotanutkana.

Mateus 6:9

Hiyáhoni wla hix-hanjihohneretanu: “Nuru, tenhohne hajeru, wanjityi pohitkalurupa pixa phiwaka potukalu.

Marcos 8:15

Jesus towutna ruslahyawakapluna wane htshinna: — Xako fariseu-ne hiyrunu saduceu-ne tserutjeru, Herodes tserutjer-koxa.

Lucas 11:35

Hiyáhoni hislahinwa katalu himane hwatshri hma mapchahawaxyawakanupa.

Lucas 12:1

Waneya rapatjetna hixolune yine, hixo mil yine. Haté hkatsrekkakna wannakakluko. Waneya mitshikananhapka Jesus wan-tshinna rasruklene: — Hetanru xako fariseu-ne tserutjeru. Waleni rixachalna.

Lucas 12:15

Waneya Jesus wla tshinna: — Yine, hislahinwa ptowruka ksotanuru pmet-sotanuxyawakanupa. Klu tshinanu hiweklu hi hejnu hihlenu tshinanu riwekanu yineru.

Lucas 16:15

Hiyáhoni Jesus wan-tshinna: — Kihle hetko hikahwajnawa pimrine hetanuya seyni Hoyakalu himathethajithi, hanu potu hixatshinhi. Klu tshinanu yine hikchikhihlenrer-potu, walekni rahnanuta Hoyakalu.

João 12:43

Klu tshinanu yine hikchikhihlenreru potu rujhatkana, Hoyakalu hikchikhihlenreru pnute.

João 5:44

Hanhe hixa halixletlu hixa, pimrine tokanuwle hjemleru? Seyni hi hijhatkalu tokanuwnalu Hoyakalu satupkalutu nwaka hichpajikatshri.

Atos 3:12

Waneya rexinna Pedro wan-rixyawakna yine, wane htshinna yine: — Jejine israel-nerune, haklu tshinanhe himyeka? Haklu tshinanhe hixa yopukhatwu hatatjewa hixako wpixkonu tshinanu ho wuhlenu tshinanu wyankakatkalu xye jeji?

Gálatas 6:12

Wanna yine, mantshi himuwlerucha tsonu halukatshinni, wanna jiprojhapsojitekjixhi. Wan-rixjetna klu tshinanu hi raluka salewnaletna, Cristo hipnale cruz-ya pirana mukolujyawakanupna.

Hebreus 11:26

Cristo heyijikolu pixkalutu rukchikhihlenuta Moisés ptowru pohirewlu Egito tshijne hwatshri pnute. Wan-rixahchinikanuta Moisés klu tshinanu rapnutepa Hoyakalu henejyaplu hijhakalur-potu rikahwaka.

Hebreus 2:1

Hiyáhoni wujhalu wuslahpotuxyawaklu halikaka pirana wjemanru, xekoyaka wma pupjexyawakanuplu xyekaka pirana.

Hebreus 6:10

Klu tshinanu Hoyakalu hi kmayxakahchinikanuklerni. Hi ramtakanru hixa hkamrure hiyrun-koxa hichiniklewle Hoyakalu hiwaka tshinanu, hixa mitshi pimrine Jesus halixatshine potukalune hepixjekanaxini hiyrunu repixjetna haté xawakni tshinanu.

2 João 1:8

Hislahinwa, hma mamtajyawakanuplu hkamrure seyni hyoptoxyawakaplu himlujikolupa psoluka.