Mateus 5:9 - Bíblia

⁹ — Poyikowatatshinni jejine himat-hiykokakatshine kihle hwachlu rixkakna klu tshinanu wanna Hoyakalu whenene htshinkona.

Mateus 5:9 ပူးပေါင်းရင်းမြစ်များ

Mateus 5:45

Pimrine himaxyawaka tenhohne hajeru hiru Hoyakalu whenenetkahi. Klu tshinanu Hoyakalu hichpakaklu htkatshne muhlene tshinanu, kihlerune tshinan-koxa. Hiyrun-koxa hyokanatlu hina poyahokakatshine yehi, mpoyahokkakane yehi koxa.

Mateus 5:48

Hiyáhoni potukalunephi, hixa hiru tenhohne hajeru pixka.

Lucas 20:36

Hiyrun-koxa hi rumukata hipnaletanutnakna klu tshinanu hiwejikalune Hoyakalu towrene tenhohne hajene pixka rixanutkana. Hoyakalu whenenepatkani klu tshinanu riwekkakatnakna.

Lucas 6:35

Seyni hichinikanna hmukchikhihlenutjene. Kihleru hkamhinna, henekan-koxna wanna mwenutaklene. Waneya peneklewaxya hapnutpatka tsru potpako. Tsru Potuko Tenhohne hajeru whenenephi. Klu tshinanu kchinikanurni Hoyakalu poyahnu mtshinaklene tshinanu hiyrun-koxa hektutu kamhatshine tshinanu.

Atos 7:26

Waneya wale prika Moisés hetna hepi yahotkakatshine israel-nerune. Raluk-hiykoletmakna wane htshina: “Jejine, hyijnakotanu, hixa moletkakatshinhi klu tshinanhe hyahotkaka?”

Romanos 12:18

Hixako himukaxyawaka ptowru potuko hixanu pa hchinikanupka hixanu hixkakluko.

Romanos 8:14

Klu tshinanu ptowrunek-yine Hoyakalu Hiwejikaluru kosekanna, Hoyakalu whenene rixyawakna tshinanna.

Romanos 8:16

Hiyrunu Hoyakalu Hiwejikaluru hixa wiwejinri repixa wla wtshinyawaka Hoyakalu whenenetkawu.

Romanos 8:19

Ptowru potuko Hoyakalu kamhaleru chiretmaklu rakanhiywakna Hoyakalu whenene.

1 Coríntios 6:6

Wane. Wanepnawaka Cristo hiwaka moletkajikatshinepnawakhi hijhahchinikanyehjixlu. Hiyrunu malixkane hijhahchinikanyehjixlu.

2 Coríntios 13:11

Hiyáhoni Cristo tshinanu nmoletanune, nunhahi. Hihlexinwa. Hyijnakotanru nuykole. Pa hchinikanurunephi. Kihle hwachalephi. Hoyakalu hixa ruchinijyawaka hiyrun-koxa ruhlehchinikanrewle hix-yehi hwanu.

2 Coríntios 5:20

Hiyáhoni xawakni Cristo hitshre tshinanu wunkaklewjeta, hatatjewa Hoyakalu tshanixhi hixa wunkakle tokanuya. Cristo hitshre tshinanu nanjithi hixa Hoyakalu kamnikanatatshinhi himatletkotka Hoyakaluya.

Gálatas 5:22

Seyni Hoyakalu Hiwejikaluru kamrurni hixkakluko hamotkajyawaka, wumuwaxyawaka, hwachalu, ptowru potuko wakoxyawaka, kchinikanurune wixyawaka, pimrine wuchinikanrexyawaka, walixyawaklu,

Efésios 4:1

Wale tshinanu, hita Paulo-no, kachitkalurno klu tshinanu Nutsrukate Jesus Cristo nomkahita, nanjithi hiwekan-xako Hoyakalu halujyawak-potuko homkahitanu htshanixikowaka.

Filipenses 4:2

Nanjithi hixa Evódia, Síntique tshinkalone pa hchinikanuronephi Tsru Hixikatshriwa Cristo-ya.

Colossenses 3:13

Hakotachakakanu, hkaspukahchinikankakyehitanu satu yineru kojwajinhi. Cristo kaspukahchinikanyehixyawakhi pixka hixanu hixa.

Hebreus 12:14

Hijhapotutanru kihle hwachle rixyawakapna ptowrunek-yine. Potukalunephi ptowru potuko tshinanuya. Klu tshinanu wane hmixkanuklunupa hi satuknako yineru Tsru Hixikatshriwa Hoyakalu hetanu.