Mateus 5:8 - Bíblia

⁸ — Poyikowatatshinni powra hchinikanurune klu tshinanu retanruna Hoyakalu wale yehiya.

Mateus 5:8 ပူးပေါင်းရင်းမြစ်များ

Gênesis 32:30

Waneya wale poktshi rutakhiwakata Jacó. Peniel hhiwakatlu klu tshinanu wla htshinatka nethojitlu Hoyakalu seyni hi nupnatka.

Atos 15:9

Hoyakalu hetanuya pixkakaklunwu hixa, wanna. Ralixlena tshinanu hpowrathajitna.

1 Coríntios 13:12

Klu tshinanu xawakni hi wuhle hetlepotutlu Hoyakalu hatatjewa hanihapi rexika. Seyni pa hohnepa hihoj-potuko wexinri. Xawakni psotsonu nimata seyni pa hohnepa nimathetpotutanru, wale rixa himathetlexyawakno pixka.

2 Coríntios 7:1

Nuchinikanune nimatletlene, xye ptowruka Hoyakalu hinkaklexyapiranwu hixanni. Hiyáhoni xawakni hpowraxinwa ptowru hixatshri wimane pitshotatshriya hiyrun-koxa wsamenru. Potukalun-potu wixinwa ptowru hohneruka Hoyakalu kahwakpiraxikol-tshinanu.

Tito 1:15

Powra hchinikanurune tshinanu ptowru potuko powratka. Seyni hektu hchinikanuru, malixkatu, hikenni powralu seyni haté ruchinikanretlerna hiyrunu rajna hi powra seyni himtukalewatatshrini wale ptowruka.

Hebreus 10:22

Xye tshinanu wkayehikanru Hoyakalu potuka hchinikanurunepwu, halixpotutatshinepwu, wajkaka hitslaptahjexikowakatka ptowru hektutu chinikantshiya hiyrun-koxa herkamanetkalune pixkalunepwu powrahalu katkalunepwu.

Hebreus 12:14

Hijhapotutanru kihle hwachle rixyawakapna ptowrunek-yine. Potukalunephi ptowru potuko tshinanuya. Klu tshinanu wane hmixkanuklunupa hi satuknako yineru Tsru Hixikatshriwa Hoyakalu hetanu.

Hebreus 9:14

Hiyáhoni wane pnut-potu himukatatshrini Cristo hraha. Cristo honukla Hoyakalu Hiwejikaluru hike rixiniko mnikawnakatupa himukatleyma, walenuko renejnawa Hoyakalu yehiya henekachlu hi psojikna mahaxikatshrini, hixa hchinikanu hpowraxyawakapa hike mkochpakkatu kamrurtshiya, Hoyakalu hiwekatshri wkamrurewyehixyawakapa.

Tiago 3:17

Seyni himatkalnutshi tenhohne hichpajikatshri waleni mitshikananu powra hchinikan-menu. Waneya walestsi hajeru, kihle hwachluni, mayohnutshi, kihle hepomhakolu, jetwamonukleru, kihle kamrurewleru potu, myokmakahchinikanutkatu, mixachatkatu.

Tiago 4:8

Hoyakalustsi hapokanu, waneya hixastsi hyanu Hoyakalu. Hixa hektuwaka kamhatshinhi heromyohinwa! Hixachatatshinhi, hepi hchinikanurunhi hpowrathajixinwa!

1 Pedro 1:22

Hiyáhoni xawakni halikaka tokanu homkahlu tshinanu Hoyakalu Hiwejikaluru hepixle tshinanu hpowratahchinikanuxnawa hpoyaho hichinikanretletna hmoletanune Cristo tshinanu ptowru hamotluya. Hiyáhoni hichinikkakanu. Hi hixachatatshinephi seyni hihchinikanu psolukayma hichinikkakanu.

Apocalipse 22:4

Hoyakalu hoji potuko retanna hiyrunu hijrotna Hoyakalu hiwaka yonatko.