Mateus 5:7 - Bíblia

⁷ — Poyikowatatshinni jetwamonuklerune klu tshinanu Hoyakalu hetwamonutanna wanna.

Mateus 5:7 ပူးပေါင်းရင်းမြစ်များ

Marcos 11:25

Hiyrunu hanjihohnexiniklunuwa, hektuwaka hkamhanwakatjeru hamtakahchinikanyehitanru rektunu. Waneya Hirtshi tenhohne hajer-koxa hamtakahchinikanyehitanru hixa hektunu.

Lucas 6:35

Seyni hichinikanna hmukchikhihlenutjene. Kihleru hkamhinna, henekan-koxna wanna mwenutaklene. Waneya peneklewaxya hapnutpatka tsru potpako. Tsru Potuko Tenhohne hajeru whenenephi. Klu tshinanu kchinikanurni Hoyakalu poyahnu mtshinaklene tshinanu hiyrun-koxa hektutu kamhatshine tshinanu.

Romanos 11:30

Seyni hixa judeu mixkanhi mitshikananu majnakowaxyatkalu Hoyakalu. Seyni judeu-nerune majnákonu tshinanu Hoyakalu hetwamonutatkahi.

1 Coríntios 7:25

Maklojine jejine mapokmanetanunewa tshinanu, Tsru Hixikatshriwa Cristo hike hyokanaxyano seyni Hoyakalu hitakno halixatshine ninoxyawaka halikaka pirana hinkakletatshrino, waleko retwamonre tshinanu, hiyáhoni wane nixa himatjemletlu xye pirana.

2 Coríntios 4:1

Hiyáhoni hi wuhroka klu tshinanu Hoyakalu ruchinijyawaka tshinanwu xye kamrurtshi renekwu.

Efésios 4:32

Seyni hichinikanuwyehkakanu. Hetwamonkakanu. Hixkakluko hamtakahchinikankakyehitanu hektutuya Hoyakalu hiknokhektunuxyawakhi Cristo tshinanu pixka.

Colossenses 3:12

Hoyakalu hayinetenetkahi. Hihchinikanunetkahi. Hnurethi walenuko hixyawakpatka. Hiyáhoni hixa hijhalu hyochmajnawakwa hetwamonrewluya, hichiniklewluya, mturu hixnawakwa, mchiretannutshi, kahwakachluya.

1 Timóteo 1:13

Mitshikananu hektutu ntshinanwakjekanatlu Cristo. Nkamnijekanatlu ptowru pejnu hektutu nkamhanwakjekanatlu. Seyni Hoyakalu hiknokatkalu nektunu nma mimathetjekanatanutu. Wane nixjekanata malixkatu nixjekanaxiniwa.

1 Timóteo 1:16

Hiyáhoni wale tshinanu netwamonutka. Netwamonutka klu tshinanu Cristo Jesus halukhekhiretlu ptowruka hmachiretannu hitayma. Waleni hiphujetatshri hinamtatshinepa Cristo Jesus halixatshinepa hiweklu hike rixiniko mnikawnakatupa yoptotatshinepa tshinanu.

Hebreus 4:16

Hiyáhoni Hoyakalu tuplawakle tskihistsi wyanu hike wpikanu klu tshinanu wanetkalu hetwamonru hikchijikolu. Wane wukchijinri Hoyakalu hetwamonuxyawakwu hiyrunu repixle tshinanwu ptowru katako wujhiniplu.

Hebreus 6:10

Klu tshinanu Hoyakalu hi kmayxakahchinikanuklerni. Hi ramtakanru hixa hkamrure hiyrun-koxa hichiniklewle Hoyakalu hiwaka tshinanu, hixa mitshi pimrine Jesus halixatshine potukalune hepixjekanaxini hiyrunu repixjetna haté xawakni tshinanu.

Tiago 2:13

Klu tshinanu metwamonrene rapnokatkona metwamonutkonepni. Seyni hetwamonrewlu hitukkaklu hapnokatlewlu.

Tiago 3:17

Seyni himatkalnutshi tenhohne hichpajikatshri waleni mitshikananu powra hchinikan-menu. Waneya walestsi hajeru, kihle hwachluni, mayohnutshi, kihle hepomhakolu, jetwamonukleru, kihle kamrurewleru potu, myokmakahchinikanutkatu, mixachatkatu.

1 Pedro 2:10

Mitshikananu hi Hoyakalu hayinetenhi seyni xawakni Hoyakalunerunetkahi. Mitshikananu hixa hi himathetatkalu Hoyakalu hetwamonre hanu rixa seyni xawakni Hoyakalu hetwamonre yoptotatshinhi.