Mateus 5:5 - Bíblia

⁵ — Poyikowatatshinni mayohone klu tshinanu Hoyakalu henekanna xye tshijne psoluka.

Mateus 5:5 ပူးပေါင်းရင်းမြစ်များ

Mateus 11:29

Hitshitanno nkosejyawakaphi, nasruklenephi klu tshinanu mayohotno hita, kihle hchinikanurno waneya hit-yehi hapnanuhchinikanrewlu hikchikanu.

Mateus 21:5

“Wla ptshinanna Jerusalém hajene: Haha hetanru, hixa hpohire hinanwakathi mayohotu jumento yapatjitatshri, jumento whene jumento whenenni.”

Romanos 4:13

Hoyakalu hinkaklexyalu Abraão hiyrunu hiklopichane xye tshiji psoluka renejyawakapna. Hoyakalu hinkaklexyalu Abraão, hi Moisés yonreru romkahixyawakatka tshinanni seyni Hoyakalu potukaxyawaklu Abraão ralixle tshinanni.

Gálatas 5:23

hixanu tsonu wma muchinikanrexyawakanu, hi hix-nanuko walujyawaka tsonu womkahitanu. Xyekaka Hoyakalu Hiwejikaluru kamrurni. Hi rawatka satu yokanruru xyekaka himaletatshritka.

Efésios 4:2

Ptowruko hi halixkoxinwa, mayohonephi, hwachatanu xako. Hichinikkakanu hekhikakanu hixkakluko. Hiyáhoni hixkakluko hepixkakanu.

Colossenses 3:12

Hoyakalu hayinetenetkahi. Hihchinikanunetkahi. Hnurethi walenuko hixyawakpatka. Hiyáhoni hixa hijhalu hyochmajnawakwa hetwamonrewluya, hichiniklewluya, mturu hixnawakwa, mchiretannutshi, kahwakachluya.

1 Timóteo 6:11

Seyni pixa, jejyi, Hoyakalu homkahitatshriyi wale chinikantshikaka pasujini. Pomkahitanru poyahokaklewlu, Hoyakalu homkahlu potuko, halixlewlu pomkahitanu, hichiniklewlu koxa. Pomkahitanru Hoyakalu pkahwakhohnekanatanru hiyrun-koxa pmasaxinwa.

2 Timóteo 2:25

Pkamnitjene puykotanu kihle hchinikanurukyi. Pa katako Hoyakalu henekanna rehchinikanuxyawakna halikak-potu pirana rimaxyawakapna.

Tito 3:2

Hiyrun-koxa hi hektutu htshinanwakatanna yine, hi satuknako yineru nwaka. Hi kyahotkaklerunepni, seyni kchinikanurunepni. Kpoyikonerunepa halikak-potu ptowru yineru hetanuya.

Tiago 1:21

Hiyáhoni hiknokanru ptowru hixatshri hektutu himtuklewatatshri hiyrun-koxa ptowru hixatshri hektuntshi hiknokanu. Seyni hmasaxinwa hyoptoxyawakaplu Hoyakalu tokanu, hix-haji hitakkalurutka. Klu tshinanu wale himukata hiwekkakletanru hixa hiwejinri.

Tiago 3:13

Hanunhe satu hixa tskala hwatshri yineru jimatkaleru? Wan-hixatshri himathetka jimatkaleru rixyawaka, rixjexyawaka tshinanu. Rimatkalnu tshinanu hiyrunu hmayohnu tshinanu kihleru kamhatshripni.

1 Pedro 3:15

Tsru Hixikatshriwa Hoyakalu pixkalunephi ptowru chinikantshiya. Ptowru mayohnutshi hiyrunu ptowru kahwakpirlu chinikantshiyma halpokotanu hinkaklexyawakaplu hixa himwaleru hmunanhaleru pirana ptowru yine hepomhakjene tshinanu.

1 Pedro 3:4

Seyni tohchinikanu, wala hitokote hwatshri metkotu hihlexikolu, mimat-hitsruhkatni. Xye chinikantshi tuhlexinwa, jimatleropni, hwachatatshropni. Wla hixatshri hchinikanu halukkaluru potuko Hoyakalu hetanuya.