Mateus 5:3 - Bíblia

³ — Poyikowatatshinni hike mwikane riwejinri tshinanu, klu tshinanu tenhohne pohirewaxyawaka wannanutkani.

Mateus 5:3 ပူးပေါင်းရင်းမြစ်များ

Mateus 11:25

Waneya waneklu papko Jesus wan-tshina: — Nimalwutyi, Nuru, tenhohne tshij-koxa Towutatshriyi. Klu tshinanu pyohimatlu xye pirankaka jimatkaleruneya hiyrunu kahchinikanuruneya. Seyni puphujetlu hike mimatkane hetanuya.

Mateus 11:6

Poyikowatatshine hita nma mohweyatjene.

Mateus 13:16

Waneya pnuteko htshina Jesus: — Seyni hihlewahchinikanyehitka hixa! Klu tshinanu hiyhale hapkathojita hiyrun-koxa hijnako yijnakota.

Mateus 19:14

Seyni Jesus wla tshinna: — Hetachatanna mturune hyanwakaxyawaknona. Hi himaletanna. Klu tshinanu tenhohne pohirewaxyawaka hayinetene mturune pixkalune koxni wanna.

Mateus 24:46

Hihlewahchinikanyehitkalurni wale towrertshi htowutjeru hininipa retamtlu wan-rixa kamrurekanata.

Mateus 25:34

Waneya pohirtshi wla htshinanna hpotukle sretate hajene: — “Hinanu, Nuru kihleru htshinyehixyahi. Hyoptotapanru hyoptolerupa Hoyakalu pohirewaxyawaka hixa tshinanu halpokotkalurutka hma muyakotkonuklunuwa xye tshijne.

Mateus 3:2

Wane htshinamta: — Hehchinikanutanu hektunu tshinanu klu tshinanu hi howukatkalu tenhohne pohirewaxyawaka!

Mateus 8:11

Wane ntshinhi hixolune yine hinanu, tkatshi hichpajyawaka sreta, rimxijyawaka sreta, ruchpajinna. Nikjexikowak-yehi tenhohne pohirewaxyawaka hwatshri htuplatanna Abraão-ni, Isaque-ni, hiyrunu Jacó-niyma tenhohne pohirewaxyawaka.

Marcos 10:14

Seyni Jesus hexinixkalu xye hi rukchikhihlenutlu, waneya wla htshina: — Hetachatanna mturune hyanwakaxyawaknona. Hi himaletanna. Klu tshinanu Hoyakalu pohirewaxyawaka hayinetene mturune pixkalune koxni wanna.

Lucas 11:28

Seyni Jesus wan-tshina: — Hehe, seyni hihlewahchinikanyehitkalun-potu ptowruneka Hoyakalu tokanu jematshine hiyrun-koxa romkah-tokanutjene.

Lucas 18:14

Waneya Jesus wan-tshina: — Wane ntshinhi jeji mitshikananu hanjihohnetatshri hi ruhlehchinikanutka seyni hapkat-hanjihohneretatshri kihle hchinikanutka hsatkapa hipji nwaka Tsru Hixikatshriwa Hoyakaluyma. Klu tshinanu katukta kihle rixahoxnawa mtserutu rixinixkawa seyni katukta mtserutu hixakanaxinwa htserutkotka.

Lucas 22:29

Hiyáhoni towuwlu, Nuru henejyano pixkalutu, wale towuwlu pixkalutu nenekanhi hixa.

Lucas 22:30

Halikaka himinkanno, himuranno nikjexikowakaya npohirewaxyawaka hwatshri. Hiyrun-koxa phuru tuplawakle htuplatanu hikolukanuwnakakanna israel-nerune doze ptohkakapni.

Lucas 4:18

“Hita rawa Hoyakalu Hiwejikaluru. Hnuretno nunkaklexyawakaplu Kihle piranalu potuko hiwekkaklewatatshri pirana hike mwikane yehiya Runkaklewjixno ruchoxikowakapna yine pirana kachitkalune tshinanu hiyrun-koxa himrekhale pirana nunkajyawakna mayhalene, ruchotkona salewnatshine,

João 20:29

Waneya Jesus wla tshinru: — Pexyawakno tshinanu palixatka seyni himuwatatshinepni yine yáholu himka retannona seyni ralixannona.

Tiago 1:10

Hiyrun-koxa waneko pixka raluk-hixleta phuru, mturu rixkakkoklunupa, hpoyikowatanu. Klu tshinanu phuru hipnanu kaptsheru hwu pixka.

Tiago 1:12

Poyikowatatshrini yineru yohnixikolkaka hetatshri kihleru kamrurtshi hmuchotkanuklunu. Klu tshinanu yohnixikolu hiknohiniplu wan-hixatshri hiwejikaluru hyoptotanu, rumlujikolu sahyi hiwejikaluru hyoptotanu. Hoyakalu honukla hinkaklexyalu wan-hixatshri yineru.

Tiago 2:5

Cristo tshinanu nmoletanune nuchinikanune hislahtokanutanno. Hi he Hoyakalu nurrenni wanna hike mwikane xye tshijne hajeruya seyni halixlu tshinanu phurunni hiyrunu Hoyakalu pohirewaxyawaka yoptotatshinepni wanna, runkaklexyana ramotjene?

Apocalipse 19:9

Waneya Hoyakalu towreru tenhohne hajeru wla htshinno: — Xye pyonatanu: “Tshanixkalune Carneiro Whene tshinkaluru hnunrowle nikle hapokatshinepa, halikaka poyikowatatshinepa.” Hiyrun-koxa Hoyakalu towreru tenhohne hajeru wla htshinno: — Xyekni Hoyakalu tokanu halikak-potuko.

Apocalipse 22:14

Kihle hchinikanurunni himkalna hopowalu herojikalune rumukata nikletluna hahmuna hiweklu heneklewatatshri sahi hiyrunu poktshi jihlojikowaka rumukata yapletanna.

Apocalipse 3:17

Klu tshinanu hixa wan-tshinnawa: ‘Phurunwu, kihle hiweklewu hike wmahaxya.’ Seyni hi himathexnawa salewnatshinhi, kaheknanuwatatshinhi, hike mwikanhi, mayhalenhi, mamkanhi.