Mateus 5:18 - Bíblia

¹⁸ Halikaka ntshina, haté tenhohne hiyrun-koxa xye tshiji nikawninri hohne, hi pa yonhajiji — hi pa yonapi yonhajiji nikawnanu yonruru piranaya hma makanhiywakanupa ptowru potuko.

Mateus 5:18 ပူးပေါင်းရင်းမြစ်များ

Mateus 10:15

Halikaka ntshinhi, hapnokaxikolu hohnepa Sodoma hiyrunu Gomorra poktshinni salexikolu yohnik-hapnokatlu rixko hma yoptohihlenuxikowakanu poktshiya.

Mateus 10:23

Salewaktshi hexiniklunu satu poktshiya, wane hasujini pa poktshi pnute hajeru hyanu. Halikakni ntshinyi, Jeji Whene satokanu hi ptowru poktshi pejnu Israel tshijnetshi hyapanna.

Mateus 10:42

— Hiyrunu katukta copa stono katshiklehalu satu mujhakotu heneka ruryawakaplu nasrukleru rixyawaka tshinanu, halikaka ntshinhi, rumlujikolupa halikaka hyoptotanu.

Mateus 11:11

Klu tshinanu wane ntshinhi João Batista ptowru matutatshri yohnik-hijhakalurumkani. Wanepnawaka mujhakon-potu tenhohne pohirewaxyawaka hwatshine, João yohnik-hijhakalunetkani wanna.

Mateus 13:17

Hichinikanru xako xye: Híxona Hoyakalu tokanu hinkakletatshinni hiyrun-koxa pimrine potukalunni haluk-hetletmaklu hixa hetanru seyni hi rumukatatkana; hiyrun-koxa raluka yijnakoletmaklu hixa yijnakotanru seyni hi hyijnakotluna.

Mateus 16:28

Halikaka ntshinhi, satkaka hewi hajeru hma mupnaknukawa, retanru Jeji Whene hapokatshritka waleko hpohirewaxyawakaya.

Mateus 17:20

Jesus hihitna: — Klu tshinanu hmalixlenu tshinanu. Halikaka ntshinhi, mostarda-tataji pso rixiniklunu halixle waneya himukata xye himriji wla tshinreta: “Wane puchpajini, klanu pyanu.” Waneyamka wane potuko rixanu. Hikemkapni hma mumukatanutu.

Mateus 18:18

Halikakni ntshinhi: — Klunerukta pimaletanu xye tshijneya, Hoyakalu himaletanru tenhohneya. Hiyrun-koxa klunerukta pitshitanu xye tshijneya, Hoyakalu hitshitanru tenhohneya.

Mateus 18:3

Waneya wla htshina: — Halikaka ntshinhi, mturune pixka hma mixkanuklunu, hikeklu hohne tenhohne pohirewaxyawaka hjihlokanu.

Mateus 19:23

Waneya Jesus wan-tshinna rasruklene: — Halikaka ntshinhi, hi pa yaprenukananru phuru tenhohne pohirewaxyawaka hjihlojyawakapa!

Mateus 19:28

Waneya Jesus wla tshina: — Halikaka ntshinhi, ptowruka herotetkoklunuklu papko hyinuwajiniklunupa Jeji Whene towuwle royaknuyma, wale towuwlu pixkalutu nenekanhi hixa nomkahitjenhi hiyrun-koxa phuru tuplawakle htuplatanu hikolukanuwnakakanna israel-nerune doze ptohkakapni.

Mateus 21:21

Waneya Jesus hihitna, wla htshinna: — Halikaka ntshinhi, halixinipa hiyrunu hi hmalixlenu hmixkanuklunupa, hi xyepka nkamhaleru pixkalutu himukata kamhaleta seyni hixa himukata wla tshinretkoxlu himriji: “Ppalnanu mar powha puknojinwa.” Waneyamka wane potuko rixanu.

Mateus 21:31

Waneya Jesus hepomhana tsru hixikatshinwa sacerdote-ne hiyrunu judeu-ne tsru hixikatshinwa, wla htshinna: — Hanurhe kamhalu ruru halujyawaka? Waneya wla htshinruna: — Hituru tsrujru. Hiyáhoni Jesus wla tshinna: — Jijhawenruklerune hiyrun-koxa kapoklewaklerone Hoyakalu pohirewaxyawaka jihlokanu hixa hkosejinna.

Mateus 23:36

Hehe, halikakni nyi hiwekatshinewa rapnokatkona xyekaka hiylalewlu hkamhale tshinanna mitshikawa hiwekatshinni.

Mateus 24:2

Seyni Jesus wla tshinatkana: — Hetluhe xyepjikaka? Halikaka ntshinhi, ptowruka hetleru hkoptalhako hi satukna sotlu hwahohokakanu.

Mateus 24:47

Halikaka wane ntshinhi, wan-hixatshri towrertshi rutakko ptowruka htowutjeru himwaleru htowuxyawakapa.

Mateus 25:12

— Seyni wla htshinna: “Halikaka ntshinhi, hi nimathethi.”

Mateus 25:40

— Waneya pohirtshi hihitanna, wla htshinanna: — “Halikakni wane ntshinhi, xyekaka hkamhiniklunna nomolene haté mujhakot-potu tshinanu hkamhinri, nkahwaklu hita tshinanu hkamhalu.

Mateus 25:45

— Waneya ruhitanna, wla htshinanna: — “Halikakni wane ntshinhi, hma kamhanutu xyekaka nomolene haté mujhakot-potu tshinanu, hita tshinan-koxa hi hkamhalu.”

Mateus 5:26

Halikaka ntshinyi, kapna putakkoklunupa hi puchpakanu tiyiro ralujyawaka pso pma menekkanuko pchinika.

Mateus 6:16

— Hixa hohajirewaxini Hoyakalu tshinanu, hi wamonuwhojitatshinetka pimrine hixachatatshine pixka hix-hohajirewleta. Wanna honra rohajirewaxinna hektu rixhojixnawana pimrine hexyawaklu rohajirewatna. Hita wan-tshinhi yine hexyawakna tsonu kamhatshine hike hiyrunu rumlujikolna hyoptotanutkana.

Mateus 6:2

— Hiyáhoni pa hixanu penekachaxinri hike mwikatu, hi punkaklexinwa tsru sejirtshiyma, kowi hima pixka, yine hexyawakyi. Waneko pixka hixachatatshine hanjihohnewakapjiya hiyrunu poktshi hanikajiteya yine himalwuxyawakapna. Halikaka ntshinhi yine himalwuxyawakna tsonu hijhatshine hike hiyrunu rumlujikolna hyoptotanutkana.

Mateus 8:10

Waneya xye pirana hjemini Jesus, rimyeka. Waneya wane htshinatkana hixolune yine romkahikanatjene: — Halikaka wane ntshinhi hi israel-nerune tskalako nexyalu xye pixkalutu halixlu.

Marcos 10:15

Hichinikanru xye: Katukta hi yoptotanru Hoyakalu pohirewaxyawaka mturu pixka, hi hjihlokanru.

Marcos 10:29

Waneya Jesus hihita, wla htshina: — Nmunanhalu ptowru yineru hipji hichotatshri, ho himolene ho himolerone, ho runro, ho ruru, ho hiwhenene ho tshijkaka hichotatshri ramoxyawaka tshinanno hiyrun-koxa kihle piranalu potuko hiwekkaklewatatshri pirana ramoxyawaka tshinanu,

Marcos 11:23

hixa himukata tshinretmaklu xye mriji: “Ppalnanu mar powha puknojinwa.” Waneya hma kahekkanuklunru hihchinikanu seyni halixinri wan-rixa hiphujewnalexyawakapa waneyamka wane potuko rixanu.

Marcos 12:43

Hiyáhoni Jesus tomhana rasruklene. Waneya wla htshinna: — Halikaka wane ntshinhi, twu hipnahnurutatshro hike mwikato pimrine yohnik-tutaka wala.

Marcos 13:30

Hichinikanru xye: Xyekaka wan-hixa hiphujewnaletanu hmupnaknuhnapukawna xawakni mupnakanewa.

Marcos 14:18

Hnikka pchinikna mesa yehi, Jesus wla tshina: — Halikaka ntshinhi, satu hewi hwatshri niminkaleru nkamnitjerupa.

Marcos 14:25

Halikaka ntshinhi hikeklu hohne nuranutnaklu xye vinho-ha haté nurinri vinho-ha herotu Hoyakalu pohirewaxyawakaya hohnepa.

Marcos 14:30

Waneya Jesus wan-tshinru Pedro: — Puchinikanru xye: Xye yetshno hepi kata hma yanumatkanuklunuwa patlapa, pixa map-kata pma mimatletanutu ptshinanno.

Marcos 14:9

Hichinikanru xyekaka: Psol-tshijneko kihle piranalu potuko hiwekkaklewatatshri pirana hinkaklexiko, tkamhaleru koxa hinkakletko, tuchinijikolupa wala.

Marcos 3:28

Halikaka ntshinhi ptowru hixatshri hektuwaka Hoyakalu mukchikhihlenreru hkamhini yineru, ptowru hixatshri hektutu htshinanwakaxiniplu Hoyakalu, ramtakahchinikanuxiko rektunu.

Marcos 6:11

Hma yoptotjenepa, hma jemjenepa tshinanu, hichpakamxinpatka waneya wanna hetanu hiwlihkajpatjixitanu rimaxyawakapna hi hixako htshinanni seyni hma yoptotjene malixlenu tshinanni.

Marcos 8:12

Hiyáhoni Jesus hinniphata hitokoya wane htshina: — Haklu tshinanhe xyeklu papko hiwekatshine hanjitlu hetkaluru? Seyni halikaka ntshinhi hi satukna hetkaluru rekhitkona.

Marcos 9:1

Waneya Jesus hali hinkakletatkana wane htshina: — Hichinikanru xye: Satkaka hewi hajeru hma mupnaknukawa, retanru Hoyakalu pohirewaxyawaka hapokatshritka hpixkonuyma.

Marcos 9:41

Hichinikanru xye: Satu yineru honha copa stonha hixiniphi Cristo-nerunhi hixyawaka tshinanu, halikakni hyoptotanru rumlujikolupa.

Lucas 11:51

Abel-ni hiylaxikolu klu haté Zacarias tshinkalurni klu papko Zacarias honira Hoyakalupji altar yehi hwatshri altar hanikajiteswa ruylaxikana. Hehe, halikakni nyi himiwekkakhohnekanatatshine rapnokatkona xyekaka hiylalewlu tshinanupa.

Lucas 12:37

Hihlewahchinikanyehitkalunephi towrertshine hiyokatshine pixka hixini, ptowruka halpokatkalurpatka hpohire hnapu. Halikaka wane ntshinhi, hpoyiptshijixinwa phuru. Htuplakjixanna htowrene. Repixanutkana wale potuko.

Lucas 13:35

Himatanru xye. Xawakni hipji hichotkalurutka. Halikaka ntshinyi. Hi hiyrunu petanutkano haté wla ptshininipa: “Hoyakalu hihlehchinikanutlu Tsru Hixikatshriwa Hoyakalu hiwaka hinikatshri.”

Lucas 16:17

— Myapretpotni tenhohne hiyrunu tshiji nikawniywakapa seyni Moisés hiykole pirana yonatkaluru yáholu pa yonhajiji hi nikawnanu.

Lucas 18:17

Wla ntshinhi halikaka: — Katukta hi yoptotanru Hoyakalu pohirewaxyawaka mturu pixka, hi hjihlokanru.

Lucas 18:29

Waneya Jesus wla tshinna: — Nmunanhalu ptowru yineru hipji hichotatshri, ho runro, ho ruru, ho himolene ho himolerone ho hhanunro, ho hiwhenene hichotatshri Hoyakalu pohirewaxyawaka tshinanu.

Lucas 23:43

Waneya Jesus wan-tshinru: — Halikakni wane ntshinyi. Xye hohneko hitaymapyi kihlewak-potuko, tenhohne wyanu.

Lucas 4:24

Wane htshin-koxa Jesus: — Halikaka wane ntshinhi. Hi satukna muphujewnakatuwa pirana hinkakletatshri hikchikhihlenutko waleko htshijneya.

João 1:51

Waneya wla htshina: — Halikakni, halikakni wla ntshinhi pa hohne tenhohne hitpukatshri hetanu hiyrunu hiwejikalune Hoyakalu towrene tenhohne hajene hetanu hatskomtatshine, serpikamtatshine Jeji Whene tshinkaluru hohowaka yapamtatshine.

João 10:1

Jesus wla tshina: — Halikakni, halikakni wla ntshinhi, hanuruktako yineru carneiro himjiywaka hruko hiphaptote hma yapkanuklunu seyni pnuko hyapini, waleni katshowhuru ho ktshowhuwakleru.

João 10:7

Waneya wane pnute htshina hinkakleta Jesus: — Halikakni ntshinhi, Hitni hiphaptono carneiro jihlokawakleno.

João 12:24

Halikakni, halikakni wane ntshinhi, Chijiji tshiji hmapokkanuklunu, hmupnaknuklunupa, wane rawachatanu. Seyni rupninipa, hixo jiplu.

João 13:16

Halikakni, halikakni wane ntshinhi, Towrertshicha hi htowutjeru yohnik-himukatatshrini wale. Hiyrun-koxa yokanatkaluru hi hyokanatjeru yohnika tsruni wale.

João 13:38

Waneya Jesus wla tshinru: — Halikaklahe, haté piwejinri puknokanu hita tshinanupa? Klu tshinanu halikakni, halikakni ntshinyi, hma yanumatkanuklunuwa patlapa, pixa map-kata pweyawatanu. Pma mimatletanutu ptshinanno.

João 14:12

Halikakni, halikakni ntshinhi, Kamrurtshikaka nkamhaleru, hita nalixjeru koxa kamhanru. Xye kamrurtshikaka wale yohnika hkamhanu klu tshinanu Nuru Hoyakalu nwaka nyiywaka tshinanni.

João 16:20

Halikaka, halikaka ntshinhi. Hixa wamonuwatanu, htshiyahpotutanu seyni pimrine xye tshijne hajene poyikowatanu. Hixa wamonuwatanu seyni hwamonuwle hiprotakanu, himuwlupatkani.

João 16:23

— Hinatshri hohnepa hike pirana hijhayehitanutkano. Halikaka, halikaka wla ntshinhi, Kluneruktako hanjixinri Nuru Hoyakalu hita hiwaka tshinanu, renekanhi.

João 21:18

Halikaka, halikaka wla ntshinyi: Makluji pixakanaxini palpokoxnawa, hanuktako paluka yaletatka wane pyatka. Seyni tsrutsoleji pixinpatka pkanrakanu. Satu tsatanyi, pmaluka yalexyawakanu ranikanyi.

João 3:11

Halikaka, halikaka wla ntshinyi: — Wunkakhi wimatjemle pirana hiyrunu wunkakhi wetlerutka pirana seyni hixa hi haluk-halixletlu wunkakle.

João 3:3

Waneya Jesus hihitlu: — Halikaka ntshinyi, hike himukata jihlokletanru Hoyakalu pohirewaxyawaka hepi kata hma matutkanuklunu.

João 3:5

Waneya Jesus wan-tshina: — Halikaka ntshina, hike himukata jihlokletanu Hoyakalu pohirewaxyawaka hma mathapkatkanuklunu honhaya, Hiwejikaluruya koxa.

João 5:19

Waneya Jesus wla tshinna: — Halikakni, halikakni wla ntshinhi: Whentshi tshinkalurno hike numukata kamhaleta Nuru mepixkanuklunno. Klu tshinanu kamrurtshi kluneruktako net-kamhaletlu Nuru waleko nkamha hita Whentshi tshinkalurno. Kluneru kamrurtshiktako hkamha Nuru wale potuko nkamhajeta hita Whentshi tshinkalurno.

João 6:26

Waneya Jesus hihitna: — Hixa hi hijhajetno hiyakolukaka hexyawaka tshinanu seyni halikakni hixa hijhajetno klu tshinanu hixa nikatkalu pão, hinanuwatatka.

João 6:32

Waneya hyanumata Jesus: — Halikakni Moisés hi henekna pão tenhohne hichpajikatshri klu tshinanu pão tenhohne hichpajikatshri halikakalutni walekni Nuru heneklewjeta.

João 6:47

Halikakni, halikakni ntshinhi, Hita halixatshri himwalu hiweklu hike rixiniko mnikawnakatu.

João 6:53

Waneya Jesus hihitna, wla htshina: — Halikakni, halikakni ntshinhi, Jeji Whene tshinkaluru hitu hma mnijyawakanu hiyrunu hihraha hmuryawakanu hi hiwekanu halikaka.

João 8:34

Waneya Jesus wla tshinna: — Halikakni, halikakni, wla ntshinhi, Yineru hanuruktako hektuwaka kamhatshri, hektuntshi towrerni wale.

João 8:51

Halikakni, halikakni ntshinhi, hita ntokanu homkahpotutatshri, hikeklu hipuktshi kachitanru wale.

João 8:58

Waneya Jesus wla tshinna: — Halikakni, halikakni wane ntshinhi, Abraão-ni mmatutkanuklunuwa, nwakotka.

1 Pedro 1:25

Seyni Tsru Hixikatshriwa Hoyakalu tokanu rawhohnekanatanu.” Xye tokantshi hinkakletkaluru tokanu hix-yehi, kihle piranalu potuko hiwekkaklewatatshri pirana.

Apocalipse 20:11

Waneya netlu satu pohirtshi tuplawakle tsru potuko. Klatlu. Hoyakalu wane tuplatatshri koxa neta. Tshiji hiyrunu tenhohne wale hetanu rasujyatka. Hiyáhoni tshiji hiyrunu malehohnewaka hi rukchijika hanukta hya. Hike hetatnaklu.