Mateus 5:16 - Bíblia

¹⁶ Waneko pixka hixanu hixa, hiwejinri katalu pixka rixanu ptowru yineru yehiya rexyawakapluna hixa hkamrure kihleru, rimalwuxyawakapluna Hiru tenhohne hajeru.

Mateus 5:16 ပူးပေါင်းရင်းမြစ်များ

Mateus 23:5

Ptowruka hkamhanruna yine hexyawaklu tshinanu hkamhaluna. Hoyakalu tokanu yonatkaluru yonha paji htserutjetna. Xye pajkaka himkalna rostutna yine hexyawakaplu. Himkalna hyokakluna chichyoha samalu. Waneko pixka rixna ptowru potuko hkamrureyna Hoyakalu romkahpotuxyawakna hkahwajikolupna.

Mateus 23:9

Hiyrun-koxa hike xye tshijne hajeru hiru htshinanu klu tshinanu satupkalu Puru, tenhohne hwatshri.

Mateus 5:45

Pimrine himaxyawaka tenhohne hajeru hiru Hoyakalu whenenetkahi. Klu tshinanu Hoyakalu hichpakaklu htkatshne muhlene tshinanu, kihlerune tshinan-koxa. Hiyrun-koxa hyokanatlu hina poyahokakatshine yehi, mpoyahokkakane yehi koxa.

Mateus 6:16

— Hixa hohajirewaxini Hoyakalu tshinanu, hi wamonuwhojitatshinetka pimrine hixachatatshine pixka hix-hohajirewleta. Wanna honra rohajirewaxinna hektu rixhojixnawana pimrine hexyawaklu rohajirewatna. Hita wan-tshinhi yine hexyawakna tsonu kamhatshine hike hiyrunu rumlujikolna hyoptotanutkana.

Mateus 6:9

Hiyáhoni wla hix-hanjihohneretanu: “Nuru, tenhohne hajeru, wanjityi pohitkalurupa pixa phiwaka potukalu.

Mateus 9:8

Hixo yine hetakanatatshine pikatka. Rimalwutluna Hoyakalu klu tshinanu xye pixkalutu towuwlu renejyawakna yine.

Lucas 11:2

Waneya Jesus wla tshina: — Wla htshina hanjihohneretanu: “Nuru, wanjityi pohitkalurupa pixa phiwaka potukalu. Runanutka pixa ppohirewaxyawaka.

João 15:8

Nuru Hoyakalu himalwutko hix-potu sahi pixkalutu hsahiwaxini. Wan-hixatshinephi nasruklene.

Atos 9:36

Waneya Jope poktshiya twa sato suxo Jesus homkahitatshro Tabita tshinkaluro. (Grego-nruya Dorcas ttshinka.) Ptowru hohneruka kihleru tkamhajekanatni hike mwikane tepixjekanatni.

1 Coríntios 14:25

Hihchinikanu hichinikanretlerkaka yohimatkaluru ruphujetko. Waneya ruphamtanu Hoyakalu hetanuya, rimalwutanru Hoyakalu. Waneya wane htshinanu: “Halikakni hix-yehi rawa Hoyakalu.”

2 Coríntios 9:13

Wanna himalwutanru Hoyakalu hixa hepixle tshinanu hiyrun-koxa henekachle tshinanu kajnako hixle tshinan-koxa hiyrunu Cristo pirana kihle piranalu potuko hiwekkaklewatatshri pirana homkahixyawaka tshinan-koxa. Hiyrun-koxa rimalwuhetkotanruna Hoyakalu hixa henekachlepa tsrur-potuko tshinanu wannako htshinan-koxna hiyrun-koxa pimrine ptowruneka tshinanupa.

Gálatas 1:24

Hiyahokni hita tshinanu Hoyakalu rimalwutna.

Efésios 2:10

Klu tshinanu Hoyakalu hiyakotwu Jesus Cristo-ya kihleru wkamhiywakapa. Kihleru wkamhin-honra mitshikawako ralpokotatkalu hixa tshinanu wkamhiywakaplu kihleru.

Efésios 5:8

Klu tshinanu hix-koxa mapchahawaka yapjekanata mitshikananu seyni xawakni Hoyakalunerune hixyawaka tshinanu katawaka hyaninixka. Hiyáhoni hiwekanu katawaka hiwejikatshine pixka.

1 Tessalonicenses 2:12

Wumutjekanathi, wapnanuhchinikankakjekanathi, wuykojekanathi Hoyakalu halujyawaka himukata kamhaletanu hixa hiwejinriya. Tomhakalunhi waleko hpohirewaxyawaka hajene hixyawakapa hiyrunu royaknu himwatshine hixyawakapa.

1 Timóteo 2:10

Seyni kihler-kamrurtshiyma ruhlexinwana hijhakalurni suxone Hoyakalu homkahitatshrone htshinikolupna.

1 Timóteo 5:10

Hiyrun-koxa kihle piranyehiropni. Mturune ttseruwaka tuykohihlenutna hiyrunu kyoptohihlenrewakleropni ho Cristo halixatshine Hoyakalu homkahitatshine jixi terokajexini ho salewnatshine tepixini ho ptowru kamrurtshi kihleru hepixlewatatshri tomkahpotuxini, tuslahko Cristo halixatshine hapatjetatshineya.

1 Timóteo 5:25

Waneko pixka rixa kihleru kamhalu. Pimrinenu hiphujetka. Waneya pimrinenu hi himukata yohimletko.

1 Timóteo 6:18

Ptowutanna kihle rixyawakapna pimrine, phurune hixkakanna kihler-kamrurtshiyma. Ptowutanna jenekaklerune rixyawakna, kapikaklerunepni.

Tito 2:14

Renejnawa hixa repixyawakapa. Wan-rixa hkochpajyawakapwu ptowru jikolukanuruya ruhlexyawakapwu waleko rayinetene wixyawakapa, jmererunepwu kihleru kamhalu tshinanupa.

Tito 2:7

Pix-potuko xako ptowru kamrurtshi potukalu tshinanu potuka kamhatshripyi. Rimathexyawakapna yine hanu hixatshine potu raluk-hixletna. Hasruklewlu pirana tshinanu hike pupjexikatshripyi, potuka hchinikanupyi.

Tito 3:14

Waneyakni Cristo tshinanu wayinetene hijhalu kamhiywaklu kamrurtshi kihleru, yine mahaxinri hikchikatshri, kihleru htserutkajnawa Hoyakalu hetanuya.

Tito 3:4

Seyni wane pnute Hoyakalu Wiwekkakjeru potshwanu hiyrun-koxa ruchiniklewle yin-yehi hiphujewniyatka.

Hebreus 10:24

Hichinikanretkakatshinepwu. Wepixkakanu wuchiniklewaxyawakapa hiyrunu kihleru tsonu wkamhanu.

1 Pedro 2:12

Yine malixkane hetanu, potuka hiweklerunephi. Yáholu hektutu kamhatshine htshinjetanhi seyni kihleru hkamhaleru tshinanu wanna yehi hkamhajexinri tshinanu, Hoyakalu hapojinri hohnepa rimalwutanruna.

1 Pedro 2:9

Seyni hixa halixatshinhi Hoyakalu nurrenhi, hineruneko hixyawakapa, Tsru Hixikatshriwa Hoyakalu sacerdote-tenhi, yine potukalunetkahi, Hoyakalunuko hixyawakapa. Hoyakalu nuretatkahi hiphujexyawakaplu rixa hihlehchinikanrexyawakhi, mapchahawaka hichpajyawakapa, wale nwaka katawak-potuko nwaka wwiywakapa htshanixikowaka.

1 Pedro 3:1

Hiyáhoni hixa suxonhi waneko pixka haluk-hixletna hhanurune, hyijnakotanru satkaka hixako hhanuru. Waneyakni satu hnurtshi, hmalixkanuklunru Hoyakalu tokanu, ralixkakka hhanunro hixjexyawaka tshinanu. Hi tunkakle tshinanni.

1 Pedro 3:16

Homkahitanru powra hchinikan-menu waneyakni pimrine hektuwaka htshinanwakaxiniphi hiyrunu hektu kamhatshine hkahwakkoklunu, seyni kihleru hkamhaleru Cristo tshinanni, hpatewatanhonukna hjihyehichatjene.

1 Pedro 4:11

Satu yineru hinkaklewaxinipa, Hoyakalu tshinyawaka pixka htshinanu. Pimrine repixjexini satu, himatkaltshi Hoyakalu henejyaluyma repixanna. Hoyakalu himalwuxikolupa ptowru potuko tshinanu, Jesus Cristo tshinanuya. Hoyakalu hiphujexikolni, towutatshrini hike rixiniko mnikawnakatupa. Amém.

1 Pedro 4:14

Cristo hiwaka tshinanu heyikkoklunu, himuwatatshinephi. Klu tshinanu Hoyakalu Hiwejikaluru hiyrunu royaknu hix-yehi rawatka.