Mateus 5:11 - Bíblia

¹¹ — Poyikowatatshinephi hixa, pimrine hapaxiniklunhi, ho pimrine saletkajiniklunhi ho hma mixyawakanu hweyawyehixiniklunna, nomkahitjene hixyawaka tshinanu.

Mateus 5:11 ပူးပေါင်းရင်းမြစ်များ

Mateus 10:18

Hita tshinanu tsru hixikatshinwa hiyrunu tsrukakalune nwaka hanikko kihler-pirana Cristo pirana hinkaklexyawakapna wanna hiyrunu judeu mixkane.

Mateus 10:22

Ptowru yineru hahnanutanhi hixa hita tshinanu seyni poyehi halixleru haté hmahle papko, riwekanu.

Mateus 10:25

Seyni hikamtutkalu hasrukkaluru rasrukjeru pixka rixyawaka hiyrun-koxa hikamtutkalu towutkaluru htowutjeru pixka rixyawaka. Kapjiru tsru kamtshi Belzebu (ho Satanás) rikahwajinrina, hi he pnute hektutu rikahwakkona walepji hajene?

Mateus 10:39

Katukta haluk-hiwekkaklexinwa, ramtaklewatanun-honuka. Katukta hamtakanru riwekle hita tshinanu riwekanu halikaka.

Mateus 19:29

Ptowru yineru hipji hichotatshri, ho runro, ho ruru, ho himolene ho himolerone [ho hhanunro,] ho hiwhenene hichotatshri ho hsana hichotatshri Hita tshinanu hyoptotanru cem kata pnute hiyrunu riwejinri hikeklu hohne mnikawnakatupa.

Mateus 24:9

— Seyni xye ptowruka hnapu, hsalewnakakko, hiylatko, ptowru tshijne hajene hahnanutanhi hita tshinanu.

Mateus 27:39

Hiknohatshin-koxa hektutu tshinanwakatlu, ruwnownojiwyehitluna.

Marcos 13:13

Ptowru yineru hahnanutanhi hixa hita tshinanu seyni poyehi halixleru haté hmahle papko, riwekanu.

Marcos 13:9

— Wane ntshinhi ptowru potuka hmuphujewnaknukawa klu tshinanu preso hitakko, hjemahchinikanyehitko hiyrunu hanjihohnewakapjikaka hkotshipjexiko. Tsru hixikatshinwa hiyrunu tsrukakalune nwaka hanikko hita hiwaka tshinanu halikaka pirana hpohixyawakapa.

Marcos 4:17

Seyni hi waneyna hitskina wanna. Hiyáhoni pchini tsonu hwatshinepni. Runinipa yahtaletlewlu ramtakanruna tokantshi hjemlerna.

Marcos 8:35

Klu tshinanu katukta haluk-hiwekkakletanru riwejinri, ramtakanru riwekle; seyni katukta hamtakanru riwekle hita tshinanu ho kihle piranalu potuko hiwekkaklewatatshri pirana tshinanu riwekanu.

Lucas 21:12

— Seyni xye ptowruka hnapu, preso hitakko, hsalewnakakko. Hanjihohnewakapjikaka hajene henekko, hjemahchinikanyehitko waneya preso hiknokko. Tsru hixikatshinwa hiyrunu tsrukakalune nwaka hanikko hita hiwaka tshinanu.

Lucas 21:17

Ptowru yineru hahnanutanhi hixa, hita tshinanu.

Lucas 6:22

— Poyikowatatshinhi yahmaklu xye papko hahnanutkalunhi, malukkonhi heyikkalunhi hiyrun-koxa ptowru hektutu tshinanwakatkalunhi klu tshinanu homkahitlu Cristo, Jeji Whene tshinikatshriwa.

Lucas 9:24

Klu tshinanu katukta haluk-hiwekkakletanru riwejinrimka, ramtakanru riwekle; seyni katukta hita tshinanu hamtakanru riwekle riwekanu.

João 15:21

Hiyáhoni xyekaka ptowruka hkamhinna hixa, nhiwakaymalunhi tshinanu. Xye hkamhanna klu tshinanu hi rimatluna nyokanatjeru.

João 9:28

Waneya wanna heyikatkalu mayhaletukananu, wla htshinruna: — Pixa halikaka homkahitlu seyni hixni Moisés-ni tshinkalurni homkahitatshinwu.

Atos 9:16

Hitako hekhitanru Saulo ptowruka hsalewninripa Hita hiwaka tshinanu.

Romanos 8:36

Hiyahokni wane htshina yonatkaluru: “Hoyakalu, pixa hiwaka tshinanu ptowru hohneruka hipuktshi hamlenu wwa. Carneiro pixka hiylatkalunepwu.”

1 Coríntios 4:10

Cristo pirana tshinanu hike mimatkanwu seyni hixa jimatkalerunhi hixahoxnawa Cristo halixyawaka tshinanu. Hixni hihrokatshinwu seyni hixni hixkolunhi hkahwajnawa. Hixa kahwajnawa kahwakpiratkalunhi seyni hixa hike pikwu.

2 Coríntios 4:11

Klu tshinanu wiwekka pchinika jhamlewaka wwahnapuwakata Jesus pirana tshinanu Jesus hiwekle koxa hiphujetkalurupni wimane himat-hipnatshri hetanuya.

Filipenses 1:29

Klu tshinanu hixa henekka xye halukkaluru Cristo tshinanupa seyni hi koxa wale tsonu halixyawakapni seyni wale hikolukle tshinan-koxa hsalewnakakko.

1 Pedro 2:23

Hektutu htshinatkaluna seyni hi ruhitatka. Hsalewninimkatka seyni hi rujha hapnuretna. Seyni halikaka Hoyakalu, hetamayxaklerewatatshri potukalu hmunanhatka.

1 Pedro 4:14

Cristo hiwaka tshinanu heyikkoklunu, himuwatatshinephi. Klu tshinanu Hoyakalu Hiwejikaluru hiyrunu royaknu hix-yehi rawatka.

Apocalipse 2:3

Kahwakaklerunhi, ptowru salewaktshi hakotatshinhi. Nhiwaka himalwuxikolu tshinanu hkamrurewata hiyrunu hi hihrokatka.