Mateus 5:10 - Bíblia

¹⁰ — Poyikowatatshinni salewnatshine Hoyakalu halukanru hkamhiywaka tshinanna klu tshinanu tenhohne pohirewaxyawaka wannanutkani.

Mateus 5:10 ပူးပေါင်းရင်းမြစ်များ

Mateus 10:23

Salewaktshi hexiniklunu satu poktshiya, wane hasujini pa poktshi pnute hajeru hyanu. Halikakni ntshinyi, Jeji Whene satokanu hi ptowru poktshi pejnu Israel tshijnetshi hyapanna.

Mateus 19:14

Seyni Jesus wla tshinna: — Hetachatanna mturune hyanwakaxyawaknona. Hi himaletanna. Klu tshinanu tenhohne pohirewaxyawaka hayinetene mturune pixkalune koxni wanna.

Mateus 25:34

Waneya pohirtshi wla htshinanna hpotukle sretate hajene: — “Hinanu, Nuru kihleru htshinyehixyahi. Hyoptotapanru hyoptolerupa Hoyakalu pohirewaxyawaka hixa tshinanu halpokotkalurutka hma muyakotkonuklunuwa xye tshijne.

Mateus 5:3

— Poyikowatatshinni hike mwikane riwejinri tshinanu, klu tshinanu tenhohne pohirewaxyawaka wannanutkani.

Marcos 10:14

Seyni Jesus hexinixkalu xye hi rukchikhihlenutlu, waneya wla htshina: — Hetachatanna mturune hyanwakaxyawaknona. Hi himaletanna. Klu tshinanu Hoyakalu pohirewaxyawaka hayinetene mturune pixkalune koxni wanna.

Marcos 10:30

hyoptotanru yohnik-potu xawakni riwejinri. Hyoptotanru cem yohnik-kata hipji, himolene, himolerone, hinrone, hiwhenene, tshijkaka hiyrunu salewaktshi. Hiyrunu xye riwejinripa hinatshri hyoptotanru riwejinri hikeklu hohne mnikawnakatupa.

Lucas 21:12

— Seyni xye ptowruka hnapu, preso hitakko, hsalewnakakko. Hanjihohnewakapjikaka hajene henekko, hjemahchinikanyehitko waneya preso hiknokko. Tsru hixikatshinwa hiyrunu tsrukakalune nwaka hanikko hita hiwaka tshinanu.

Lucas 22:29

Hiyáhoni towuwlu, Nuru henejyano pixkalutu, wale towuwlu pixkalutu nenekanhi hixa.

Lucas 6:20

Waneya Jesus yopukhatna rasruklene waneya wla htshinatka: — Hixa hike mwikanhi seyni poyikpotukhi. Klu tshinanu Hoyakalu pohirewaxyawaka hixanutkani.

Lucas 6:22

— Poyikowatatshinhi yahmaklu xye papko hahnanutkalunhi, malukkonhi heyikkalunhi hiyrun-koxa ptowru hektutu tshinanwakatkalunhi klu tshinanu homkahitlu Cristo, Jeji Whene tshinikatshriwa.

João 15:20

Hi hamtakanru tokantshi ntshinyatkahi. Xyekni wale: “Towrertshi hi htowutjeru yohnik-himukatatshrini wale”. Hiyáhoni hita hsalexinixka, hix-koxa hsaletanna yine. Hita ntshinyawaka rimrexinna waneya hixa tshinyawaka koxa rimretanna.

Atos 5:40

Hiyáhoni htomhatkana nuretkalune waneya rali kotshipjerexinna ruykotna Jesus hiwaka hma munkaklexyawakanpatkana waneya ruchotatkana.

Atos 8:1

Hiyrun-koxa Saulo hikchikhihlenutlu Estêvão-ni ruylaxyawakatkana. Wale hohne Cristo halixatshine hapatjetatshine Jerusalém poktshi hajene yinuwaka salewnaleta tsru potuko. Hiyáhoni hkopalatkatkana halixatshine Judeia tshijneya psoluka, Samaria tshijneya psoluka. Seyni nuretkalune tsonu Jerusalém hitukatka.

2 Coríntios 4:17

Xye papko salewaktshijiji wetjereru pchini hohnejiji tsonu hkojwakanwu. Seyni xye salewaktshijiji hapnutpatka yohnika tsru potuko hoyaknutshi hikeklu hohne mnikawnakatupni.

Filipenses 1:28

Hi psojikna hpikanna hkamnitjene. Seyni tsru hchinikanurunephi. Waneyakni rimathetanna ramtakanna halikaka seyni hixa hiknohatshinephi halikaka. Hiyrunu Hoyakalukni hixa hiknohkakjeru.

2 Timóteo 2:12

Salewnalu wakotachaxini, Cristo-yma wpohirewatanu. Hi nimathetlu, wtshinanwakaxiniplu Cristo, hi himathetanunwu hixapni.

2 Timóteo 3:11

nkojwajikolkaka, nsalewninrikaka pimata. Pimatlu nsalewnale pirana Antioquia, Icônio, Listra poktshikakaya. Seyni Tsru Hixikatshriwa Cristo kochpakatkano walekaka kyowikowakkakaya.

Tiago 1:12

Poyikowatatshrini yineru yohnixikolkaka hetatshri kihleru kamrurtshi hmuchotkanuklunu. Klu tshinanu yohnixikolu hiknohiniplu wan-hixatshri hiwejikaluru hyoptotanu, rumlujikolu sahyi hiwejikaluru hyoptotanu. Hoyakalu honukla hinkaklexyalu wan-hixatshri yineru.

Tiago 5:11

Salewnalu hakotachatatshine kihle hchinikanurune wkahwakna wan-hixatshine. Hixa jemlu Jó tshinkaluru hakotachale pirana hiyrunu hetlu hsalewnale hali hiknohlexinixka Tsru Hixikatshriwa Hoyakalu hepixpotutatkalu. Hoyakalu honra kchinikanur-potni, jetwamonukleru potni.

1 João 3:12

Hi Caim pixka wixanu, wale kamtshineru hiyáhoni repuru Abel-ni ruylatatka. Haklu tshinanhe ruylatlu? Klu tshinanu waleko hkamrure hektun-tshinanni hiyrunu himolni kihle kamrure rixle tshinanu.

Apocalipse 2:10

Hi hpikanru salewaktshi hix-yehi hapokatshripa. Hjemanu! Halikaka tsru kamtshi Satanás satkaka hixa preso rutakjixanu hyahoxikowakapa. Dez hohne pejnu hsaletko. Seyni hi hihrokahchinikanutanu yahmaklu hipnanu. Waneyapa phuru hitakjetanru pixkalutu sahyi nenekanhi hiweklu heneklewatatshri.