Mateus 4:3 - Bíblia

³ Waneya tsru kamtshi Satanás Jesus-stsi hapoka wane htshinru: — Hoyakalu whene pixinipakni, ptowutanru xye sotlukaka pão rixinwa.

Mateus 4:3 ပူးပေါင်းရင်းမြစ်များ

Mateus 14:33

Waneya rasruklene kanawa hwakanatatshine yoptsojityehitlu Jesus. Wla htshina himalwuretluna: — Pixni halikaka Hoyakalu Whenyi!

Mateus 16:16

Waneya Pedro hihita: — Pixni Messias-yi, Hoyakalu hiwekatshri whenyi.

Mateus 26:63

Seyni Jesus potshkecha. Waneya tsru hixikatshriwa sacerdote wan-tshinru: — Ntowutyi Hoyakalu Hiwekatshri hetanuya. Punkakanwu, pixlahe Messias-yi, Hoyakalu Whenyi?

Mateus 3:17

Waneya satu tokantshi tenhohne hichpajya, wan-tshinatshri: — Xyekni Noturu namotleru. Wale poyikowkakno.

Marcos 1:1

Kihle piranalu potuko hiwekkaklewatatshri pirana yinuwajikolu Jesus Cristo, Hoyakalu Whene pirana.

Marcos 3:11

Waneya kamtshine hexiniklunru Jesus hyoptsojityehitluna. Hsaplewatna wla htshinna: — Pixni Hoyakalu Whenyi!

Marcos 5:7

Tsru saple rixa waneya wla htshina: — Jesus, Hoyakalu ten-potu hajeru whene! Kluhe pixannatkano? Nanjityi Hoyakalu hiwaka tshinanu hi psaletpotutanunno.

Lucas 1:35

Seyni hiwejikaluru Hoyakalu towreru tenhohne hajeru wan-tshinro: — Hoyakalu Hiwejikaluru pix-hohwaka rapokanu. Hiyrun-koxa Hoyakalu Ptowru Potuka Himukatatshri himukatle pix-hitokote hwanu. Wale tshinanu mturu pkaylerupa Hoyakalu nurrerni. Hoyakalu whene htshinko.

Lucas 22:70

Waneya wanna ptowruneka hepomhatkalu: — Hiyáhoni, pixlahe Hoyakalu Whenyi? Waneya wale wan-tshinna: — Htshinyawakno, hitakni.

Lucas 4:3

Waneya tsru kamtshi Satanás wan-tshinru: — Hoyakalu whene pixinipakni, ptowutanru xye sotlukaka pão rixinwa.

Lucas 4:41

Kamtshine koxa hixolune yineyma hwakanatatshine hichpakamtatka, hsaplewamtatkana. Wla htshin-saplemtna: — Pixni Cristo-yi, Hoyakalu Whenyi! Seyni Jesus hi hitshi yanumsaletna kamtshine klu tshinanu rimathetluna Cristo rixyawaka.

Lucas 4:9

Waneya wane pnutetka tsru kamtshi haniklu Jesus Jerusalém poktshi waneya Hoyakalupji hohwaka hwatshri tenoptajiru rimatskotlu Jesus. Waneya wane htshinru: — Hoyakalu whene pixinipakni hewi tenowaka puknojinwa,

João 1:34

Hita hetlu hiyáhoni nunkakletanru, halikakni xye jeji Hoyakalu whenni.

João 1:49

Waneya Natanael hihitlu, wla htshina: — Kasruklewakleru, pixni halikaka Hoyakalu Whenyi! Pixni halikaka israel-neru pohireyi!

João 20:31

Seyni xyekaka yonatka hixa halixyawakaplu Jesus, Hoyakalu Whene Cristo (Messias) rixyawaka hiyrun-koxa halixinri waneyaphi hiwejinri wale hiwaka tshinanu.

João 9:35

Jesus himatatkalu hanjihohnewakapji hkochpajikowaka hipokananu mayhaletukananu pirana. Waneya Jesus yoptoxinri mayhaletukananu, wla htshinru: — Palixluhe Jeji Whene tshinkaluru?

Atos 9:20

Waneya waneklukawa hanjihohnewakapjikaka Jesus pirana runkakleta Saulo. Wane htshina: — Jesus, Hoyakalu whene rixyawaka.

2 Coríntios 1:19

Klu tshinanu Hoyakalu whene Jesus Cristo, hix-yehi hinkakletpiranaxika. Silas, Timóteo hiyrun-koxa hita Jesus Cristo pirana wunkakle payiywakalutni hi hehe, hike hi rixa. Seyni halikaka Hoyakalu tshinreni “hehe”.

Gálatas 2:20

Seyni niweka wanepnawaka. Seyni halikaka hiwekatshri hi hitni seyni Cristo, hita nanwaka hiwejikatshrini. Xawakni xye niwekle Hoyakalu whene halixikolu tshinanu niweka. Walekni namotjeru hiyrunu renejnawana hita tshinanu.

1 Tessalonicenses 3:5

Hiyáhoni wale tshinanu nmakotahchinikanutkan-tshinanu Timóteo nyokananwakathi hixa halixle pirana nimatyehixyawakapa. Nimaxyawakaplu ho kamtshi kyahtalewakleru yahtaletatkahi xawaka ho wmahijeru kamrurewletatkahe hixa tshinanu.

Hebreus 12:16

Hi rawanu kapoklewakleru. Hix-yehi hi rawanu Esaú pixkalutu, Hoyakalu hikchikhihlenreru pirana heyikatshri. Esaú honukla pa niklupka ripekotlu mitshikananu matutatshri rixle pirana.

Hebreus 4:14

Hiyáhoni wchikota halixletanu walixle wuphujetlerutka tshinanu. Klu tshinanu W-sacerdote-te, Tsru Sacerdote potukni, tenhohne yatshritka Hoyakalu yehi potuko hapokatshri, waleni Jesus, Hoyakalu whene.

Hebreus 7:3

Hike ruruta. Hike runrota. Rutsrukatene hi kapiranyehna. Hi kyinuwakle piranru. Hiyrun-koxa hi kapiranyehru hnikawninri. Hoyakalu whene pixka rixatka. Sacerdote rixhohnekanaxinripni.

1 João 3:8

Ptowru yineru hektuwaka kamhatshri, kamtshinerutkani. Klu tshinanu hyinuwaklekananuko hmajnakowata kamtshi. Hiyáhoni xye tshinanukni ruphujewnapa Hoyakalu Whene, hnikaxyawakaplu kamtshi kamrure.

Apocalipse 2:10

Hi hpikanru salewaktshi hix-yehi hapokatshripa. Hjemanu! Halikaka tsru kamtshi Satanás satkaka hixa preso rutakjixanu hyahoxikowakapa. Dez hohne pejnu hsaletko. Seyni hi hihrokahchinikanutanu yahmaklu hipnanu. Waneyapa phuru hitakjetanru pixkalutu sahyi nenekanhi hiweklu heneklewatatshri.