Mateus 4:23 - Bíblia

²³ Waneya Jesus Galileia tshijne psoluka hyapamta, rasruklewjeta hanjihohnewakapjikakaya, kihle piranalu potuko Hoyakalu pohirewaxyawaka pirana runkaklewjeta. Yeyixatshine hiyrun-koxa hahijewnalkaka rutskalaka.

Mateus 4:23 ပူးပေါင်းရင်းမြစ်များ

Mateus 11:5

Mayhalenekananu hetatka. Myankanekananu yanatka. Hijirhitukanatatshine hitskalhatka. Majnakonekananu jema. Hipnatshine hiwekkakka. Kihle piranalu potuko hiwekkaklewatatshri pirana runkakkatkana hike mwikane.

Mateus 12:9

Waneya Jesus wane hichpajyatka, satu hanjihohnewakapji hyatka.

Mateus 13:19

Hatnu hapostsi hapoktatajitatshri yaholni Hoyakalu pohirewaxyawaka pirana jematshri. Hjemmaka seyni hi rimatjemlu. Waneya runa Satanás kamtshi hkonyawakaplu Hoyakalu tokanu raji hitakkaluru.

Mateus 13:54

Waneya Jesus htseruwniywaka poktshi Nazaré tshinikowaka rapokatka. Hyinuwaka hasruklewleta hanjihohnewakapjiya. Waneya ptowruneka himyekahchinikanuta. Waneya repomhakakna: — Hanhe ruchpajya rimatkalnu hiyrunu pixkontshi hetkalurkaka hkamhiywaka?

Mateus 14:14

Waneya ruptejinixka Jesus, retna hixolune. Retwamonutatkana rutskalakna ptowruneko yeyixatshine.

Mateus 24:14

Hiyrun-koxa kihle piranalu potuko Hoyakalu pohirewaxyawaka pirana psol-tshijneko hpohixika, pa nerkaka himaxyawakaplu waneya waneklupatkani xye tshijne nikawninripatka.

Mateus 3:2

Wane htshinamta: — Hehchinikanutanu hektunu tshinanu klu tshinanu hi howukatkalu tenhohne pohirewaxyawaka!

Mateus 9:35

Waneya Jesus ptowru poktshikaka hyapa, hanjihohnewakapjikaka rasruklewaxya, kihle piranalu potuko Hoyakalu pohirewaxyawaka pirana runkakletna. Ptowru hixatshri yeyixlu hiyrunu hahijewnalkaka rutskalaka.

Marcos 1:14

Waneya hkachitkoklunutka João, Jesus Galileia hya. Runkaklewata kihle piranalu potuko Hoyakalu pohirewaxyawaka pirana.

Marcos 1:21

Waneya hjihlokamtatkaluna Cafarnaum poktshi. Waneya hapnanuxikalur-hohne rixinixka hjihlokluna hanjihohnewakapji rasruklewaxyawakapa Jesus.

Marcos 1:39

Waneya Galileia tshijne psoluka hyapamtatka. Runkaklewakananumta wanna hanjihohnewakapjikakaya. Maleka hyokanatna kamtshine.

Marcos 3:10

Klu tshinanu yine hi heppika rutskalaka hiyáhoni hkatsholikluna yeyixatshine mkojekananu hyotnejyawakapluna.

Marcos 6:2

Hapnanuxikalur-hohne rixinixka hyinuwaka hasruklewleta hanjihohnewakapjiya. Hixolune yine yijnakotatshine himyekahchinikanutatka. Waneya wanna wan-tshina: — Hanhe rukchijyalu wale xyekaka? Hanhe rukchijyalu rimatkalnu? Hanhe rixa kamhaletlu xye hetkalurkaka?

Marcos 6:6

Rimyeka hmalixlenna tshinanu. Waneya pa poktshikaka nwaka hyapamta rasruklewaxyawakapa.

Lucas 10:9

Wane poktshi hwatshine hitskalhakakanu. Waneya wla htshinanna: “Hoyakalu pohirewaxyawaka hapokanwakatatkahi.”

Lucas 13:10

Satu hapnanuxikalur-hohnetnaka Jesus hasruklewakanata satu hanjihohnewakapjiya.

Lucas 16:16

— Moisés hiykole pirana yonatkaluru hiyrun-koxa mitshikawlunni Hoyakalu tokanu hinkakletatshinni hinkakle hwatka haté João Batista klu papko. Waneya waneklukananuko, kihle piranalu potuko hiwekkaklewatatshri pirana Hoyakalu pohirewaxyawaka pirana, hinkakletka. Ptowrunek-yine yapretaklu wane hjihlojyawakapna.

Lucas 20:1

Waneya pa hohne Jesus Hoyakalupji hasrukakanaxyana yine, kihle piranalu potuko hiwekkaklewatatshri pirana, tsru hixikatshinwa sacerdote-ne, kasruklewaklerune hinanchitkaluru pirana hasruklewatatshine, hiyrun-koxa tsrukakalune judeu-ne hapokanwakatlu.

Lucas 4:14

Waneya Jesus satokanwakatlu Galileia tshijne nwaka. Hoyakalu Hiwejikaluru himukatle himotsatlu. Jesus pirana wale tshijne psoluka rupalpiranyehita.

Lucas 5:17

Waneya pa hohnetnaka Jesus hasrukakanatna. Wane koxa rawakanata satkaka fariseu-ne hiyrun-koxa satkaka yonawahlo yonha kyimakleru Jesus-stsi htuplakanatna. Ptowru poktshi pejnu runyatkana Galileia tshijneya hiyrun-koxa Judeia tshijne hajeneya. Jerusalém poktshi koxa runyatkana. Tsru Hixikatshriwa Hoyakalu himukatle Jesus-ymalu ptowru hahijewaktshi rutskalajyawaka.

Lucas 6:17

Waneya Jesus himriji hserpikatka rasrukleneyma waneya rutukamta kihlemta tshijiwaka pimrine hixolune rasrukleneyma. Hixolune yine hwakanata. Wannani Judeia tshijne hajene, Jerusalém poktshi hajen-koxa, hiyrun-koxa Tiro poktshi hajene hiyrun-koxa Sidom poktshi hajene mar powhastsi poktshikaka hwatshrikaka.

Lucas 6:6

Waneya wane rixa satu hapnanuxikalur-hohnepatnaka hanjihohnewakapji hjihlokatnaka. Wane rasruklewakanaxya. Wane rawakanata satu jeji hiprihamyotatshri hpotuklemyo.

Lucas 7:21

Waneklu papko Jesus hixolune yine yeyixatshine, hahijewnalkaka rutskalaka hiyrun-koxa kkamtshiterune rakajya. Hixolune mayhalene retkak-koxa.

Lucas 7:22

Waneya ruhitatkana. Wla htshinatkana João Batista yokanrene: — Hajewa. Hinkakapanru João xye hetanrukaka hiyrun-koxa hyijnakotanrukaka. Mayhalenekananu hetatka. Myankanekananu yanatka. Hijirhitukanatatshine hitskalhatka. Majnakonekananu jema. Hipnatshine hiwekkakka. Kihle piranalu potuko hiwekkaklewatatshri pirana runkakkatkana hike mwikane.

Lucas 8:1

Waneya wane wkatanu, Jesus ptowru poktshi nwaka hyapa, tsru poktshi hiyrun-koxa mtserutu poktshikaka. Runkaklewakananumta kihler-potuko tokantshi Hoyakalu pohirewaxyawaka pirana. Waleymana rasruklene, doze-na.

Lucas 9:11

Seyni hixolune yine himatyehitlu wane hyiywaka. Hiyáhoni romkahitluna. Seyni Jesus kihle yoptole rixna. Runkakletluna Hoyakalu pohirewaxyawaka pirana hiyrun-koxa rutskalakna ptowruneko hpinitkonnalune.

Lucas 9:60

Seyni Jesus wan-tshinru: — Petachatanna hipnatshinekakluko kapnakajyawaka. Seyni pixa, punkakletanru Hoyakalu pohirewaxyawaka pirana.

João 18:20

Waneya Jesus wla tshinru: — Ptowruneko hetanu nunkaklewjeta. Ptowru judeu hapatjexyawaka hanjihohnewakapji hiyrunu Hoyakalupji, nunkaklewjekanaxya. Nunkaklewaxyawaka hikeklu nyohimata.

João 6:59

Cafarnaum poktshi rawakanaxini Jesus, hanjihohnewakapji rasruklewjekanaxini xye tokantshikaka htshinatka Jesus.

João 7:1

Waneya wane wkatanu Jesus hi Judeia tshijne hyapatka klu tshinanu judeu-ne, wane hajene, haluk-hiylaletlu. Hiyáhoni Galileia tshijne tsonu hyapjeta.

Atos 10:38

Hiyrun-koxa hixa himatlu Jesus Nazaré hajeru pirana. Hoyakalu hipkakhohotlu Jesus Hoyakalu Hiwejikaluru hiyrunu tsru pixkonu reneklu Jesus. Waneya Jesus ptowru sretako hyapakananumta. Kihleru hkamhakananumta Jesus. Rutskalakna ptowruneka tsru kamtshi himwakanatatshine klu tshinanu Jesus-ymalu Hoyakalu.

Atos 18:4

Ptowru hapnanuxikalur-hohneko riynumsatna judeu-ne, grego-ne koxa hanjihohnewakapjiya. Htowutna Jesus ralixyawakapna.

Atos 20:25

Hix-yehi nwaka pchinika nunkakletlu Hoyakalu pohirewaxyawaka pirana. Hiyáhoni xawakni nimatlu hi satukna hixa Hoyakalu pohirewaxyawaka pirana nunkakanunhi hetanutnakno.

Atos 28:31

Tsru hihchinikanuyma runkaklewata Hoyakalu pohirewaxyawaka pirana, Jesus Cristo pirana koxa hiyrunu hike himaletpiranatlu.

Romanos 10:15

Satu hinkaklewatatshri myokanatkonuklunu, hanhe xawaka rixa himukata hinkaklewleta? Wane htshina yonatkaluru: “Hi pa hihlen-jixikananuktana kihle piranalu potuko hiwekkaklewatatshri pirana hihlehchinikanrewatatshri pirana hinkakletatshine!”