Mateus 3:7 - Bíblia

⁷ Rexinixka João híxona fariseu-ne, saduceu-ne koxa hinanwakamtlu batiza-xikowak-yehi, waneya wane htshina: — Hixa himnu pixka hixatshinhi, katshinolunhi! Kathe hinkakhi hiwejyawaka Hoyakalu hapnokatle hinatshripa?

Mateus 3:7 ပူးပေါင်းရင်းမြစ်များ

Gênesis 3:15

Himnu, xawakni pkamnitjeropni suxo, pixa koxa hahkanro wala. Hiyrun-koxa himnu piklopichane hahkanro wala hiyrun-koxa suxo klopichaneyma hkamnikakanna, suxo whene hiylajiwutanunyi seyni pixa hachkastsihjixitanru.

Mateus 12:24

Seyni fariseu-ne wale hjeminna wane htshinna: — Kamtshi pohire Belzebu tshinkaluru himukatleyma tshinanu hetko maleka ruknokna kamtshine.

Mateus 12:34

Himnu kamaklewatatshri pixkalunhi! Hixa hike kihleru himukata tshinreta hektutu hixyawaka tshinanu. Klu tshinanu namtshi yanumaxyalu hix-potu raji hajeru.

Mateus 15:12

Waneya rasruklene Jesus yehistsi hyana wla htshinruna: — Pimathe fariseu-ne hima rumtuwnahchinikanutna ptshinyawaka tshinanu?

Mateus 16:1

Waneya satkaka fariseu-ne hiyrunu satkaka saduceu-ne yanwakatlu Jesus retumhiywakapluna. Ranjitluna satu hetkaluru Hoyakalu pixkonu tshinanuya hkamhiywakapa.

Mateus 16:6

Waneya Jesus wan-tshinna: — Xako fariseu-ne hiyrunu saduceu-ne tserutjeru.

Mateus 22:15

Waneya fariseu-ne hapatjeta, rujhahchinikanutna hanhe rumukata kachretluna Jesus htokanu tshinanu.

Mateus 22:23

Wale hohnekotnaka satkaka saduceu hipnatshri mkahwak-hiwekletkane yanwakatlu Jesus repomhiywakapluna.

Mateus 22:34

Waneya fariseu-ne jeminixkalu Jesus hitshrokkajyawakna saduceu-ne, rapatjetna.

Mateus 23:33

Hixa himnu kamaklewatatshri pixka hixatshinhi, himnunerunhi. Hanhe hixa hasuklexinri salewaktshi nwaka hikolukanuwnayehixikolupa?

Mateus 5:20

Klu tshinanu wane ntshinhi, fariseu-ne hiyrunu kasruklewaklerune hinanchitkaluru pirana hasruklewatatshine kamrure yohnik-potuknurutu hma kamhaknuklunu tenhohne pohirewaxyawaka hi himukata jihlokleta.

Marcos 12:13

Waneya fariseu-ne hasruklene hyokananwakatluna Jesus Herodes-neyma. Ralukluna rumlukanuxyawakluna.

Marcos 12:18

Satkaka saduceu hipnatshri mkahwak-hiwekletkane yanwakatlu Jesus repomhiywakapluna, wla htshinruna:

Marcos 8:15

Jesus towutna ruslahyawakapluna wane htshinna: — Xako fariseu-ne hiyrunu saduceu-ne tserutjeru, Herodes tserutjer-koxa.

Lucas 16:14

Seyni fariseu-ne xye pirana jematshine heyiklu Jesus klu tshinanu ramotlona tiyiro.

Lucas 18:11

Waneya fariseu-ne yotunotatka ranjihohnetatka walepka. Wla htshinnawa: “Ha, Tsru Hixikatshriwa Hoyakalu npoyahnutyi hita hi pimrine pixka hixatshrino, wanna katshowhurune, hektutu kamhajetatshine, suxohewatatshine, haté xye tiyiro kyoptokleru pixka hi nix-hita.

Lucas 7:30

Seyni fariseu-ne hiyrun-koxa Moisés yonreru pirana himatpotutatshine hi ralukluna João batiza-xyawakna. Hiyáhoni ruknokluna Hoyakalu halujyawaka ruchinikanreta heneklexikolmakna.

João 1:24

Seyni João hepomhapatshine wannani fariseu-ne.

João 8:44

Hixa hirni, Tsru Kamtshi, hichpajikatshinhi. Hiyrunu hiru hikchikhihlenreru hektutu hkamhanu. Waleni jiylalewakleru hyinuwaklekananukawa. Halikakalutu pirana mimwakatni wale. Klu tshinanu hikeklu rimwatkalu halikakalutu pirana. Hweyawaxini, waleko hihchinikanu tshinanu wan-rixa. Klu tshinanu kayloklerni wale hiyrun-koxa ruyakotlu weyawlu.

João 9:40

Waneya satkaka fariseu-ne Jesus-stsi hwakanatatshine jemlu xye tokantshi waneya repomhaluna: — Hix-koxlahe mayhalenwu?

Atos 15:5

Seyni satkaka fariseu-ne halixatshinetka yopkaka, hyanumatna: — Judeu mixkane haluk-jiprojhaptojimtaleta hiyrunu Moisés yonreru koxa romkahitanna.

Atos 20:31

Wale tshinanu tsru hislahle hixinwa. Hichinikanru mapa mhale pchinika hohohne hoyetshno koxa hikeklu nutuk-kojiretlethi hixa satkaka haté hixo kata ntshiyahyehithi.

Atos 26:5

Wanna himatakanatatkalu hiyáhoni ralujinipna rumukata hinkakletyina neyinuwaklekananuko fariseu-ne kihleru nixapa, hiyrunu fariseu-ne homkahpotutlu judeu hoyakalute.

Atos 5:17

Waneya hpalnatka tsru sacerdote hiyrunu waleymalune saduceu-ne mkoje hajenni, wanna ptowruneka hahxatna nuretkalune.

Romanos 1:18

Hiyáhoni Hoyakalu tenhohne hwatshri hekhixnawa hjihekannu ptowru yine hektunu tshinanu, halikakalutu tokantshi yohimpiratatshine tshinanu.

Romanos 5:9

Hiyáhoni Cristo tshinanu hi wetanru Hoyakalu hapnokatlewle klu tshinanu Cristo hraha hiyokle tshinanu wpowratka Hoyakaluya.

1 Tessalonicenses 1:10

Jesus, Hoyakalu whene, hipuktshi riwekkajikatka Hoyakaluya, tshiji rapokanutnaka tenhohne ruchpajini hkahwakachale pirana, kpohitka, Jesus honra wkochpakjeru wapnokaxikolu hinatshripa yehiya.

Hebreus 11:7

Halixlu tshinanu Noé tshinkaluru jemlu jhamleru hinatshripa pirana Hoyakalu hinkajyalu. Hoyakalu tokanu hkahwakpiratatka Noé hiyáhoni tsro kanawa ralpokohnaputlu hhanunro hiyrunu hiwhenene riwekkajyawakapa. Xye pirana ptowruka romkahita Noé yahmaklu mapokatuwa pirana runkakka. Xye pirana romkahle tshinanu xye tshijne rukolukanuwnakakatka. Hiyrun-koxa Noé yoptotatkalu Hoyakalu potukatlewle halixlu tshinanu.

Hebreus 6:18

Xye hepi pirana mmayxakatu tshinanu, hi rumukata weyawleta Hoyakalu, hiyáhoni wimwalu hixko hchinikanu wixle Hoyakalu tshinanu. Hiyáhoni wumukata hikchikletlu tsru hepixlewlu, hixa Hoyakalu nwaka hasukatshine pixkalunwu, wunkaklexikolu kahwakatshinpotwu.

1 João 3:10

Wane wixa himathetletanna Hoyakalu whenene, kamtshi whenen-koxa: Ptowru yineru potuknutshi mkamhakatu, ho Cristo tshinanu hmoletanru hma muchinikkanuklunru katuktako, wale hi Hoyakalu matkaklerni wale.