Mateus 3:11 - Bíblia

¹¹ Hita batiza-jethi honhaya himaxikowaka hixa hehchinikanutatka, seyni wale, hapkatatatshri batiza-tanhi Hoyakalu Hiwejikaluruya, tshitshmeroya koxa. Wale hinatshripa hita pnute himukatatshrini. Hikenno hita h-sandalha-te nanijyawaka.

Mateus 3:11 ပူးပေါင်းရင်းမြစ်များ

Mateus 3:6

Waneya ruphujetluna rektunna. Waneya João batiza-tna yine Jordão wenneya.

Marcos 1:4

João Batista kahnete poktshiri hiphujewniyatka. Runkakletluna yine h-batiza-xikolupna rehchinikanuxyawakna pirana, wla htshina: — Hehchinikanutanu hektunu tshinanu. Wan-hixko h-batiza-xikolupa hiyrunu hektuntshi hiknojiko Hoyakaluya.

Lucas 1:17

Hoyakalu towrerupni, jinkaklewaklerupni. Hoyakalu tokanu hinkakletatshrini Elias-ni tshinkalurni hchinikanu pixka rixleyma hiyrun-koxa Elias-ni pixkonu pixka rixleyma rimatletkakanna tsrune hwuheneneymana. Hektutu kamhatshine ruprotakanna potuka hchinikanurune hiykole romkahixyawakapna. Ralpokohnaputna yine Tsru Hixikatshriwa hapojinripa.

Lucas 3:16

Seyni João wan-tshinna yine ptowruneka: — Hita honhayma n-batiz-jethi. Seyni runanu hita yohnik-kahwakpiratkaluru. Hita hi tsru hixikatshriwano nkochpirojyawakaplu h-sapato-tetslu. Wale batiza-tanhi Hoyakalu Hiwejikaluruyma hiyrun-koxa tshitshmeroyma.

Lucas 3:3

Waneya João tshinkaluru wenu Jordão sreta hyapa wale tshijne psoluka runkaklewtapyawaka Hoyakalu tshinyawaklu. Wla htshina: — Hehchinikanutanu hektunu tshinanu. Wan-hixko h-batiza-xikolupa hiyrunu hektuntshi hiknojiko Hoyakaluya.

João 1:15

João hiphujtatlu xye yineru. Tsru tokantshiyma wla htshina João: — Xyekatkani ntshinjekanatanru: “Hita natjini hapokatshripa hita yohnik-kahwakpiratkaluru klu tshinanu nma matutkanuklunuwa rawakotka wale.”

João 1:30

Xyekatkani nunkakletakanatanru: Satu jeji hita pnute hapokatshripa hita yohnik-hijhakalurni klu tshinanu hi nmatutawa rawatka wale.

Atos 1:5

Klu tshinanu halikaka João batiza-thi honhaya, seyni hi hix-hohnepnitshi hixa batiza-tko Hoyakalu Hiwejikaluruya.

Atos 19:4

Waneya Paulo wan-tshina: — João batiz-le hekhitlu yine rehchinikanuxyawakatkana. João hinkakna yine ralixyawakapluna wale hatjiniyaka hapokatshripa, walekni Jesus Cristo.

Atos 8:36

Waneya hatnu hapo hyapamtawana honha yehistsi rapokna. Phuro hislahatshri wan-tshina: — Petanru honu, klu himaletno n-batiza-xikolupa?

Atos 8:38

Hiyáhoni htowutlu rutukajyawaklo h-carro-te waneya hyopikatkana wanna hepi honha hjihlokna waneya Filipe batiza-tlu phuro hislahatshri.

1 Coríntios 12:13

Hiyrun-koxa hixa ptowrunekwu ho judeu-nerunwu ho judeu mixkane ho hixa towretshinwu ho hixa hichpakatshinwu, wutakka hixa ptowrunekwu pa manepka wixikowaka walerutu Hiwejikaluruya. Hiyrun-koxa wutka hixa ptowrunekwu satupkalutu Hiwejikaluruya.

Efésios 3:8

Hita mpomujhakotpotno ptowruneka Hoyakalu hayineteneya. Wanepnawaka Hoyakalu henekno xye poyikowlu judeu mixkane nunkajyawaklu kihler-pirana potuko, tsru pohirewnalu honra Cristo henekwu.

Tito 3:5

Riwekkakwu hi hixako wkamhaleru kihleru tshinanni seyni rixa hetwamonrewlexyawaka tshinanni. Herokakalunwu herotu matuxikolu tshinanu rerotetwu Hoyakalu Hiwejikaluru himukatle tshinanwu.

1 Pedro 5:5

Hiyrun-koxa hixa maklujinhi hyijnakotanna tsrune. Halikaka hixa ptowruneka hyijnakkakanu. Hmasaxinwa ptowru potuyako. Klu tshinanu Hoyakalu kamnitna halixkotachaxikatshinwa seyni repixna masaxikatshriwa renekachaleyma.