Mateus 27:52 - Bíblia

⁵² Waneya yomletshikaka kotpukkatka, hixo yinni potukalunni hipnakanatatshinni hiwekkakkatka.

Mateus 27:52 ပူးပေါင်းရင်းမြစ်များ

João 11:11

Hiyrun-koxa wane htshina Jesus: — Wimatletleru Lázaro himkatka seyni wane nyanu nkomyejyawakaplu.

Atos 7:60

Waneya hyoptsojitamta Estêvão. Tsru saple rixa. Wane htshin-sapleta Estêvão: — Tsru Hixikatshriwa Hoyakalu, hi papnokatanna nyi jejine hmajnakonuna tshinanu! Waneya rali wan-tshinretatka rupnanatka.

1 Coríntios 11:30

Wale tshinanukni hixa hixolunhi hyeyixjeta, hihrokjeta hiyrun-koxa satkaka hipnatka.

1 Coríntios 15:20

Seyni halikaka Cristo hiwekatnaka hipnatshine tskalaya. Cristo hiwejyawaka tshinanu rimatka hipnatshine hiwekanutnaka.

1 Coríntios 15:51

Hyijnakpotutanru xye hima yohimakanatkalur-pirana. Hi ptowrunekwu hipnanu seyni hixa ptowrunekwu hemanetko.

1 Tessalonicenses 4:14

Klu tshinanu walixiniplu Jesus hipniywaka pirana hiyrun-koxa riwejyawakatnaka hipnatshine tskalaya pirana walixini waneko pixka rixa hwapletanna Hoyakalu hipnatshine Jesus halixatshinni Jesus-yma.

1 Tessalonicenses 5:10

Rupnatka hixa tshinanu hiyáhoni ho wiwejiniwa ho wupninipa hike rixa, Cristo-yma wiwekanu rapojinipa.