Mateus 26:52 - Bíblia

⁵² Seyni Jesus wla tshinru: — Pimretanru pyohlolewapre klu tshinanu katukta hiylalewata yohlolewapiyma, yohlolewapi ruylaxikotka.

Mateus 26:52 ပူးပေါင်းရင်းမြစ်များ

Gênesis 9:6

Katukta yineru ruylata yine hiylatanru hiylalewatatshri. Wane rixko klu tshinanu Hoyakalu kamhatkana yine waleko hyáholu potuko hkamhiyna.

Mateus 5:39

Seyni wla ntshinhi hixa: Hi hapnutanru hkamnitjeru. Satu yineru himpakhojixinipyi, pa sreta hoji koxa pumpakjixachatanu.

Romanos 12:19

Nomolene, hi hix-nanuko hapnuyehixinwa seyni hetachatanru Hoyakalu hapnuyehixyawakhi. Klu tshinanu yonatkaluru wan-tshina: “Hitako hapnutanru. Napnokatanru htshina Tsru Hixikatshriwa Hoyakalu.”

1 Tessalonicenses 5:15

Hislahinwa hi satukna hektutu, hektutuyma hapnutanu. Seyni ptowru katako hijhapotutanru kihleruyma hepixkajyawaka hixkakluko hiyrun-koxa pimrine yehiya.

1 Pedro 3:9

Hi hektutuyma papnutanru hektutu pkamhikjeru. Hiyrun-koxa hi yanhakluyma papnutanru yanhaklu. Seyni halikaka kihlewaka hanjiyehitanna. Klu tshinanu himatanru htshanixkoklunu, htshanixka kihlewaka hyoptoxyawakapa.

Apocalipse 13:10

Kachitkalunepa, kachitkalurunepni. Yine nuretkalune hiylatkalunepa pejnu halikaka ruylatkona. Hiyáhoni Hoyakalu nurrene ralixjene haluklu rakotachaxyawakna hiyrunu ralixachaxyawakna.

Apocalipse 16:6

Klu tshinanu pnurrene palixjene hiyrunu ptokanu hinkakletatshine hkochpakahrahatatkana. Hiyáhoni hrahtshi putna. Rapnutkana halikaka.