Mateus 26:2 - Bíblia

² — Hixa himatlu hepi hohne mahatlu Páscoa hohne tshinkaluru waneya Jeji Whene renekko cruz rupniywakpatka.

Mateus 26:2 ပူးပေါင်းရင်းမြစ်များ

Mateus 10:4

Wane koxlu Simão Zelote tshinkaluru hiyrunu Judas Iscariotes tshinkaluru, Jesus kamnitjerupa.

Mateus 17:22

Waneya Jesus hiyrunu rasruklene hapatjexinixka, wla htshinna: — Jeji Whene tshinkaluru yine renekko.

Mateus 27:4

Waneya wla htshina Judas: — Hektuwaka kamhatshrino hita! Klu tshinanu hike mixkatuko nenekna hkamnitjene. Seyni wanna wan-tshinru: — Seyni hike wix-hixa. Waleni pixako ptshinanni.

Lucas 22:15

Waneya wla htshina: — Naluk-himinkalepotuthi xye Páscoa hohne, nsalewninri wkatanuko.

João 11:55

Waneya hi hix-hohne mahatatka Páscoa hohne tshinkaluru rexyawakapna judeu-ne. Hiyáhoni hixolune yine wale tshijne ruchpajyatkana Jerusalém poktshi hkanjiywakapna, runkajikowakpatkana powralune rixyawakatkana Páscoa hohne wkatanu.

João 12:1

Waneya seis hohne tsonu mahaxinixkalu Páscoa hohne, hipnakanatatshri Lázaro tshinkaluru, Jesus hipuktshi hiwekkajinri, hwajexyawaka poktshi, Betânia tshinikowaka poktshi, rapokatka Jesus.

João 18:2

Waneya Judas, Jesus hiphujetatshri, himathetlu oliveira-cha wane hajeru klu tshinanu hixo kata wane rapatjexya Jesus rasrukleneyma.

João 18:32

Wan-rixluna Jesus hpoyahokajyawakapa htshinyawaka rixa hipnalexyawakapa salewaktshiyma.

João 2:13

Páscoa hohne judeu kahwakpirreru hohne wkatanuko, Jesus Jerusalém poktshi nwaka hya.