Mateus 24:9 - Bíblia

⁹ — Seyni xye ptowruka hnapu, hsalewnakakko, hiylatko, ptowru tshijne hajene hahnanutanhi hita tshinanu.

Mateus 24:9 ပူးပေါင်းရင်းမြစ်များ

Mateus 22:6

Pimrine kachitanna phuru towrenni, hkotshipjetatkana, ruylatanatkana towrertshinni.

Mateus 23:34

Hiyáhoni wane ntshinhi nyokananwakatanhi hinamtatshri pirana hinkakletatshine, jimatkalerune hiyrun-koxa kasruklewaklerune hinanchitkaluru pirana hasruklewatatshine. Hixa satkaka wannapni hiylatanu, satkakapni cruz hitakko, pimrinepni hkotshipjetanu hanjihohnewakapjiya hiyrunu pa poktshi pejnukananu hkamnixinna pimrinepni.

Lucas 11:49

Hiyah-koxni Hoyakalu rimatkalnuyma wla htshina: “Nyokananwakatmakna, hinamtatshri pirana hinkakletatshine, nnuretanun-koxa. Satkakapni ruylatanna. Pimrinepni hsalewnakakanna.”

Lucas 21:12

— Seyni xye ptowruka hnapu, preso hitakko, hsalewnakakko. Hanjihohnewakapjikaka hajene henekko, hjemahchinikanyehitko waneya preso hiknokko. Tsru hixikatshinwa hiyrunu tsrukakalune nwaka hanikko hita hiwaka tshinanu.

João 15:18

— Xye tshijne hajene hahnanuxiniphi, hichinikanru hit-hapka rahnanutatkana.

João 15:21

Hiyáhoni xyekaka ptowruka hkamhinna hixa, nhiwakaymalunhi tshinanu. Xye hkamhanna klu tshinanu hi rimatluna nyokanatjeru.

João 16:2

Hanjihohnewakapjikaka hkochpajikolupa hixa hiyrun-koxa rapokpapkolutanu hiylaxikowaka Hoyakalu halukanru hkamhahoxinwa.

Atos 28:22

Seyni waluka jemletlu pihchinikanu klu tshinanu wimata ptowru sreta hajene pnu pejnu htshinanwakatyina pixa hiyrunu pixa pixka hixatshine.

Atos 7:59

Estêvão hsotlujetna. Seyni Estêvão hanjitlu Jesus wane htshina: — Tsru Hixikatshriwa Jesus, pyoptotanru niwejinri.

1 Pedro 4:16

Seyni satu yineru hapnokatka Cristo romkahle tshinanu hi hpatewatanu. Halikaka Hoyakalu himalwutanu Cristo homkahle tshinanu salewnatshinhi.

Apocalipse 2:10

Hi hpikanru salewaktshi hix-yehi hapokatshripa. Hjemanu! Halikaka tsru kamtshi Satanás satkaka hixa preso rutakjixanu hyahoxikowakapa. Dez hohne pejnu hsaletko. Seyni hi hihrokahchinikanutanu yahmaklu hipnanu. Waneyapa phuru hitakjetanru pixkalutu sahyi nenekanhi hiweklu heneklewatatshri.

Apocalipse 2:13

Nimatlu hwiywaka, tsru kamtshi Satanás pohirewaxyawaka yehi. Seyni nhiwaka homkahle hi hiknokatka hiyrun-koxa hi hiknokatkalu halixlu pirana homkahpotuxyawaka. Antipas tshinkaluru nuphujtatjeru ptowutkolu potuko rupniniklunupapkonatka hix-yehi hiylaxikaluru, tsru kamtshi Satanás hwiywaka yehi, seyni hi hiknok-halixletatka.

Apocalipse 7:14

Waneya wla ntshinru: — Hi nimata seyni pixa himatlu. Waneya wale wla tshinno: — Nyi yine tsru salewaktshi potuko hichpajikatshinni. Carneiro Whene tshinkaluru hraha heromkatna himkalna hopowalu rerojikatkana klata rixyawakapa himkalna.