Mateus 2:6 - Bíblia

⁶ “Seyni pixa, Belém poktshi, Judeia tshijne hwatshriko, halikaka pixa hi mturyi judá-nerune hanikajiteya. Klu tshinanu pix-yehi ruchpajini satu Tsru Hixikatshriwa, nayinetene israel-nerune hislahatshripa.”

Mateus 2:6 ပူးပေါင်းရင်းမြစ်များ

Gênesis 49:10

Phuru hi hmahatanu Judá klopichaya hiyrun-koxa hi hmahatanu towutatshri hiklopichaneya hma mapokkanu pchinika Towutatshri Potuko. Waneklu ptowru yineru kajnakolunepa wale yehiya.

Mateus 2:1

Hmatuxinixka Jesus Belém poktshiya, Judeia tshijne poktshiko, phuru Herodes-klu papko, jejine jimatkalerune tkatshi hichpajyawaka sreta hichpajikatshine Jerusalém poktshi rapokna.

Mateus 28:18

Waneya Jesus hapyehitna rasruklene waneya wane htshinna: — Hita henekka psol-potuko tsru hitakkaluru tenhohneya tshij-koxa.

João 21:16

Waneya rimepe wane tshinretatnaka: — Simão, Jonas whene, puchiniknohe hita? Waneya Pedro wla tshinru: — Hehe Tsru Hixikatshriwa, pimatlu nuchinijyawakyi. Waneya Jesus wla tshinru: — Puslahanna noprane carneiro-ne pixkalune.

João 7:42

Hi he Hoyakalu tokanu yonatkaluru wla tshinpiranyehitlu Cristo, Messias tshinkaluru Davi klopichapni hiyrunu Belém poktshi, Davi tshinkaluru poktshite hmatuxini Messias?

Efésios 1:22

Hiyrun-koxa Hoyakalu hitaklu Cristo ptowru potuko towutatshri rixyawaka hiyrun-koxa reneklu Cristo ptowru potuko Cristo halixatshine hapatjetatshine tskala hwatshri rutsrukateknin-wale.

Colossenses 1:18

Cristo mane pixkalune, Cristo halixatshine hapatjetatshinetka yokanatatshrini Cristo jiwtshi pixkalutni. Walekni himane hiwekle heneklewatatshri. Walekni mitshikananu hipuktshi yotunoxikatshri hiyáhoni ptowru potuko hitsrukatekni wale.

Hebreus 7:14

Klu tshinanu himatpotutkalurni Judá klopichni Wutsrukate Jesus. Hiyrunu Moisés sacerdote pirana htshinini mitshi hi xye Judá-nerune tshinanni.

Apocalipse 11:15

Waneya hiwejikaluru Hoyakalu towreru tenhohne hajeru sete rixinri kowitatka. Waneya tsru himkaka hjemka tenhohneya wla tshinatshri: — Xye tshiji hajeru pohirtshikaka Wutsrukate Hoyakalunpatka hiyrunu hnurreru Cristo-npatkani. Hiyrunu wale pohirewahohnekanatanu hike rixiniko mnikawnakatupa.

Apocalipse 2:27

Kanojeru yomuwajeyma htowuxinna. Kastonolu kajpa kamhikolu pixka rixa himlokkotanunna pa nerkakapni.

Apocalipse 7:17

Klu tshinanu Carneiro Whene tshinkaluru pohirtshi tuplawakle hanikajite hwatshri hohlutanna. Hkosekanna honha kihleru, hiwekkaklewatatshri-ha nwaka. Hiyrun-koxa Hoyakalu ptowru hiktehna hcheyixyana.