Mateus 2:4 - Bíblia

⁴ Waneya repujinixkana rapatjexyawakna ptowruneka tsru hixikatshinwa sacerdote-ne hiyrunu hinanchitkaluru pirana hasruklewatatshine, Herodes hepomhana hanhe hmatuxini Cristo.

Mateus 2:4 ပူးပေါင်းရင်းမြစ်များ

Mateus 13:52

Waneya Jesus wan-tshinna: — Ptowru Moisés hiykole yonatkaluru hasruklewatatshri tenhohne pohirewaxyawaka himatyehitatshri satu kapjiru pixkalutni. Kapjiru pantshi hejnu herotu hiyrun-koxa hejnu tsrutsoleji himretawaka hkochpajyalu.

Mateus 2:3

Seyni Herodes jeminixkalu xye pirana hkojwakahchinikanuta hiyrunu ptowruneka Jerusalém hajene kojwakahchinikanuta Herodes-yma.

Mateus 2:5

Waneya ruhitna, wla htshinruna: — Belém poktshiya, Judeia tshijne poktshiko. Klu tshinanu wane htshina yonawahleta Hoyakalu tokanu hinkakletatshri:

Mateus 21:15

Seyni tsru hixikatshinwa sacerdote-ne hiyrun-koxa kasruklewaklerune hinanchitkaluru pirana hasruklewatatshine rexinixkaluna hixo hiyakolukaka hkamhiywaka hiyrunu hjemna mturune Hoyakalupji hwatshine wla tshin-saplewjeretatshine: — Himalwutkalurni Phuru Davi-ni whene! Hiyáhoni rahkaluna Jesus.

Mateus 21:23

Waneya pa hohne Jesus Hoyakalupji jihloka, waneya yine rasrukakanatka pchinika, tsru hixikatshinwa sacerdote-ne, hiyrun-koxa tsrukakalune judeu-ne hapokanwakatlu. Waneya repomhaluna: — Punkakanwu hanhe ruchpajya ptowutjeru xyekaka pkamhiywaka? Kathe henekyi xye tsru hitakkaluru?

Mateus 26:3

Waneya tsru hixikatshinwa sacerdote-ne hiyrun-koxa tsrukakalune judeu-ne tsru pjiru tsru sacerdote Caifás tshinkalurupji rapatjexyana.

Mateus 26:47

Jesus yanumakanaxiniwa, satu rasruklene Judas tshinkaluru hapokatka. Waleymalune hixolune tsru hixikatshinwa sacerdote-ne hiyrun-koxa tsrukakalune judeu-ne yokanatanune. Yohlolewapi hiyrunu hahaje ranikna.

Mateus 27:1

Yetshpotukawa tsru hixikatshinwa sacerdote-ne hiyrun-koxa tsrukakalune judeu-ne ptowruneka hikchikahchinikanuta Jesus ruylaxyawakapna.

Mateus 7:29

Klu tshinanu hi rasrukjenna kasruklewaklerune hinanchitkaluru pirana hasruklewatatshine pixka rix-hasrukleta seyni tsru hitakkaluruyma rix-hasrukleta.

Marcos 8:31

Waneya Jesus yinuwaka hasrukletna rasruklene, waneya wane htshinna: — Hita Jeji Whene tshinkalurno, nujhalu nsalewnapotuxyawakapa. Nuknokko tsrukakalune judeu-ne yehiya hiyrunu tsru hixikatshinwa sacerdote-ne yehiya, kasruklewaklerune hinanchitkaluru pirana hasruklewatatshine yehiy-koxa. Nuylatko. Seyni map-hohne rixinri niwekanutnaka.

Lucas 20:19

Tsru hixikatshinwa sacerdote-ne hiyrun-koxa kasruklewaklerune hinanchitkaluru pirana hasruklewatatshine himatlu Jesus kamnitna yapkaklu piranaya runkakletleru. Raluka kachretmakluna Jesus seyni hpikna yine.

Lucas 23:10

Waneya tsru hixikatshinwa sacerdote-ne, hiyrun-koxa kasruklewaklerune hinanchitkaluru pirana hasruklewatatshine yotunota. Hjihyehitatkaluna Jesus. Hipokananu hyanumatna.

João 18:3

Hiyáhoni Judas koxa oliveira-cha hya, hkosekamtna soldado-ne hiyrun-koxa satkaka tsru hixikatshinwa sacerdote-ne hiyrunu fariseu-ne yokanatanune. Ranikluna lamparina, kolhamero koxa hiyrunu hiylalewapkaka.

João 3:10

Jesus hihitlu, wla htshina: — Hi he israel-nerune hasrukatshrimkayi seyni xyekaka pirana hi pimata?

João 7:32

Seyni fariseu-ne jemlu tokantshi yine hixolune tokanu Jesus piranyehi. Hiyáhoni fariseu-ne hiyrunu tsru hixikatshinwa sacerdote-ne yokanatna Hoyakalupji hinotatshine Jesus-mka hkachixyawakna.

João 8:3

Waneya kasruklewaklerune hinanchitkaluru pirana hasruklewatatshine hiyrunu fariseu-ne hanikanwakatlu Jesus sato suxo, timopatlewakanaxyawaka yehi hkachixinrona. Waneya wanna hapatjetatshine hanikajite rutaklona suxo.

Atos 23:9

Waneya tsru sapletshi rixna wanna. Satkaka kasruklewaklerune hinanchitkaluru pirana hasruklewatatshine, fariseu-ne hajene yopkaka waneya hipokananu wane htshinna: — Hike hektutu wukchijyalu xye jeji. Pa katako satu hiwejikaluru Hoyakalu towreru tenhohne hajeru ho satu hiwejikaluru hiynumatlu.

Atos 4:5

Waneya wale prika rapatjetna Jerusalém poktshi hajene judeu-ne tsrukakalutene, yine chefe-tene hiyrun-koxa kasruklewaklerune hinanchitkaluru pirana hasruklewatatshine hapatjeta.

Atos 6:12

Estêvão kamnitatshine jihekna hixolune yine, judeu-ne tsrukakalutene koxa hiyrun-koxa kasruklewaklerune hinanchitkaluru pirana hasruklewatatshine. Rapyehitluna Estêvão. Waneya ranikluna jemahchinikanyehixikowakapji.