Mateus 2:2 - Bíblia

² Waneya repomhana: — Hanurhe judeu pohirnepa matutatshri? Wetlo hkatahirite tkatshi hichpajyawaka sreta hakanikatshro. Wkata wuna wimalwuxyawakaplu.

Mateus 2:2 ပူးပေါင်းရင်းမြစ်များ

Mateus 2:3

Seyni Herodes jeminixkalu xye pirana hkojwakahchinikanuta hiyrunu ptowruneka Jerusalém hajene kojwakahchinikanuta Herodes-yma.

Mateus 21:5

“Wla ptshinanna Jerusalém hajene: Haha hetanru, hixa hpohire hinanwakathi mayohotu jumento yapatjitatshri, jumento whene jumento whenenni.”

Mateus 27:11

Waneya Jesus tsru hixikatshriwa Pilatos tshinkaluru hetanu hyopkaka waneya Pilatos hepomhalu: — Pixlahe judeu-nerune pohiryi? Jesus hihitlu, wla htshinru: — Pixako wan-tshina.

Lucas 19:38

Wla htshinna: — Himalwutkalurni Pohirtshi, Tsru Hixikatshriwa hiwaka hinikatshri! Kihle hwachalu rixanu tenhohneya! Tenoya hoyakawaxikowaka!

Lucas 2:11

Xawakni hohne potuko, Belém tshinikowaka, Davi-ni poktshi, hmatuxyatka hixa hiwekkakjerupa. Waleni Tsru Hixikatshriwa Cristo.

Lucas 23:3

Waneya phuru Pilatos wan-tshinru: — Pixlahe judeu-nerune pohiryi? Waneya Jesus hihitlu, wane htshina: — Pixako wan-tshina.

Lucas 23:38

Cruz hoho teno nwaka raw-yonhata, Jesus jihyehixikolu pirana. Wla htshin-yonhata: “Xye judeu-ne pohire.”

João 1:49

Waneya Natanael hihitlu, wla htshina: — Kasruklewakleru, pixni halikaka Hoyakalu Whenyi! Pixni halikaka israel-neru pohireyi!

João 12:13

Kyawe sure ranikamtna waneya hyatkana Jesus hyoptoxyawakapna. Hsaplew-himalwuretluna, wla htshin-sapletna: — Hamotkaluru Hoyakalu! Himalwutkalurni israel-neru Pohire, Tsru Hixikatshriwa Hoyakalu hiwaka hinikatshri!

João 18:37

Waneya Phuru Pilatos wla tshinru: — Hiyáhoni pixlahe phuryi? Waneya Jesus hihitlu, wla htshina: — Pixako wan-tshina. Halikaka wale tshinanu nmatuta hiyrunu xye tshijne napoka nuphujtaxyawakaplu halikakalutu pirana. Ptowruneka halikakalune yijnakotlu ntokanu.

João 19:19

Pilatos yonakjixlu hjihyehixikolu pirana tábua hoho, rutakakjixlu cruz-stsipto. Wane htshin-yonhata: “Jesus, Nazaré hajeru, judeu-ne pohire”.

João 20:28

Waneya Tomé wan-tshinru Jesus: — Nutsrukate! Noyakalute!

João 5:23

Wan-rixa ptowru yineru kahwakpiraxyawakno hita, Whentshi tshinkalurno, Nuru hkahwakpiraxyawakna pixka. Yineru hanuruktako, mkahwakpiratkanuklunupno hita Whentshi tshinkalurno, Nuru Hoyakalu nyokanatjeru koxa hi hkahwakpirata.

João 9:38

Waneya mayhaletukananu wla tshinru: — Tsru Hixikatshriwa, nalixa. Waneya Jesus rimalwutatka.

Hebreus 1:6

Hoyakalu mitshi xye tshijne yokanaxinri hiwhene mitshikananu wla htshina: “Ptowruneka hiwejikalune Hoyakalu towrene tenhohne hajene himalwutanru.”

Apocalipse 22:16

— Hita, Jesus-no yokanatlu ntowreru hiwejikaluru tenhohne hajeru ruphujexyawakaplu xyekaka pirana hixa Cristo tshinanu hapatjetatshinkakhi tshinanu. Hitni pohiru Davi-ni klopichno. Hitni hohisahi hatawnatshrino.