Mateus 2:13 - Bíblia

¹³ Hyinixkana jejine jimatkalerune waneya satu hiwejikaluru Tsru Hixikatshriwa Hoyakalu towreru tenhohne hajeru hakanhayehitlu José rupnawleya. Wane htshinru: — Hajewa, ppalnanu. Panikanru mturu, runro koxa, pasukanu Egito tshijne hyanu. Wane hitukanu haté nunkajinipyi klu tshinanu Herodes hijhapanru mturu ruylaxyawakaplu.

Mateus 2:13 ပူးပေါင်းရင်းမြစ်များ

Mateus 1:20

Seyni wane ruchinikanretakanatawa satu hiwejikaluru Tsru Hixikatshriwa Hoyakalu towreru tenhohne hajeru hakanhayehitlu José rupnawleya. Waneya wane htshinru: — José, Davi whene, hi pkojwakahchinikanutanu Maria pipji panijyawakapa, phanunro tixyawakapa. Klu tshinanu Hoyakalu Hiwejikaluru tshinanu tmichiwata.

Mateus 10:23

Salewaktshi hexiniklunu satu poktshiya, wane hasujini pa poktshi pnute hajeru hyanu. Halikakni ntshinyi, Jeji Whene satokanu hi ptowru poktshi pejnu Israel tshijnetshi hyapanna.

Mateus 2:12

Waneya runkakkatkana jejine jimatkalerune rupnawleyna hma satkapyawakanupna phuru Herodes nwaka waneya hsatkapatkaluna htshijnena, pnu hapoko hyapatkana.

Mateus 2:14

Hiyáhoni hoyetshno José palnatka ranikatkana mturu, runroymakananu waneya hyatka Egito tshijne nwaka.

Mateus 2:16

Waneya rexinixkalu Herodes hyokwijetatkaluna jejine jimatkalerune, hjihekanuwpotutatka Herodes. Waneya ruylajixanna mturunni jejinni ptowrunnika, hepi mhaleruni ruylajixa haté hepi mhale kayaholunniko ruylajixa. Belém poktshi hajenni hiyrun-koxa wanestsi hajene ruylajixa. Xye hkamhatka Herodes katahiri hakanhapiranyehixini klu papko jimatkalerune hinkajyatkalu pirana tshinanu.

Mateus 2:22

Seyni hjeminixkalu Arquelau tshinkaluru rurni Herodes-ni kachrijru hjihloka, Judeia pohire rixyawakapa pirana, José pika wane yaletatka. José hiykotka rupnawleya tshinanu Galileia-stsi hwatshri poktshi hyatka.

Atos 10:22

Waneya wanna wan-tshina: — Soldado-ne pohire Cornélio yokanatwu. Cornélio jeji kihle hchinikanuru, Hoyakalu kahwakpiratatshri, kihle piranyehiru ptowruneko judeu yehiya. Satu hiwejikaluru Hoyakalu towreru tenhohne hajeru towutlu Cornélio rawapakjixyawakyi Cornélio-pji pyiywakapa pyijnaktokanuxyawaklu.

Atos 10:7

Waneya hyinixka hiwejikaluru Hoyakalu towreru tenhohne hichpajikatshri, Cornélio hiynumsatatshri, htomhatkana hepi htowrene hiyrun-koxa htomhalu satu soldado kahchinikanuru.

Atos 12:11

Waneya Pedro hichinikanuwpotutatka. Waneya wane htshina: — Xawakni nimatlu halikakni. Halikakni Tsru Hixikatshriwa Hoyakalu yokanatlu htowreru hiwejikaluru tenhohne hichpajikatshri hkochpajyawakapno Herodes-myoya hiyrun-koxa ptowruka judeu-nerune haluk-hixlexyawakmakno.

Atos 12:7

Waneya chinpotukawa rakanhayehitlu Pedro satu hiwejikaluru Hoyakalu towreru tenhohne hichpajikatshri katalu hatatlu preso hruko. Waneya Pedro-thana rutpeta hiwejikaluru Hoyakalu towreru tenhohne hichpajikatshri. Hkomyeklu. Waneya wane htshina: — Wuya chinpotu pyotunotanu. Waneya yomuwatsa hijrukatka himyo hwatsakanatatshri.

Atos 16:36

Waneya preso chefe-te wan-tshinru Paulo: — Romano chefe-tene tshinre hima hixa kochpakkotka. Halujini hyanutka kihlehchinikanuphi.

Atos 5:19

Seyni wale yetshno potuko satu hiwejikaluru Hoyakalu towreru tenhohne hajeru kotpukatkalu preso hiphaptotkaka waneya ranikna nuretkalune maleka waneya wane htshina:

Atos 7:19

Xye phuru yokwijetna hiyrunu hsaletkakna wutsrukatenni haté ruknokawhenjixatkana wutsrukatenni rupniywakapna mturune.

Apocalipse 12:14

Seyni suxo hepi mejro, tsru paktsha meji pixkalutu tenekka tumukata palnalexyawakapa, talpokohnapuxikolu potshkewaka nwaka tyiywakapa. Wane tohluxiko mapa mhale hanikaji pejnu hohne, tma kojwajikowakanupa himnu tshinkaluru tshinanu.

Apocalipse 12:4

Hihchimtayma hkosetlu satupka mapate katahirine (1/3) tenhohne hajerkaka waneya tshij-hoho ruknoklu. Waneya suxo matuwhenpiratatshro hoji sreta hyopkaka Tsru Kamtshi dragão hnijyawakapmaklu towhene hmatuxiniklunupa mturu.

Apocalipse 12:6

Waneya suxo potshkewaka tya hasukleta. Hoyakalu hihlehnapuxyalo nwaka tya. Wane tohluxiko satu mil duzentos e sessenta hohne pejnu.