Mateus 2:11 - Bíblia

¹¹ Rapojinixkaluna pantshi, retluna mturu runro Maria-yma. Waneya hyinuwaka hipyoklemtna tshiji, hyoptsojityehitluna, rimalwutluna mturu. Waneya hkotpukluna hkapajirna kwenur-potuko hwiywaka waneya renekluna henekachalkaka ouro, phamluhalo incenso tshinkaluro, phamluhalojpa mirra tshinkaluru.

Mateus 2:11 ပူးပေါင်းရင်းမြစ်များ

Gênesis 43:11

Waneya wla htshinna rurna Israel: — Wane hixini wla hixanu. Hanikanru xye tshiji halujikalur-potu h-saco-neya, hanikanru henekachatanru wale jeji bálsamo psoji, wrolha psoji, arômatas, mirra, pistache hanaji, amêndoas koxa henekanru.

Mateus 1:18

Waneya wan-rixa matreta Jesus Cristo. Runro, Maria tshinkaluro, José tshinkaluru hnunro tixinripa, seyni hi rapokmanetawalo tmichiwatatka Hoyakalu Hiwejikaluru pixkonuyma.

Mateus 12:46

Hixolune yine runkaklewyehixiniwa Jesus, runro hiyrunu repurune hapokatka. Maleka rawna, raluk-hiynumsaletluna.

Mateus 14:33

Waneya rasruklene kanawa hwakanatatshine yoptsojityehitlu Jesus. Wla htshina himalwuretluna: — Pixni halikaka Hoyakalu Whenyi!

Mateus 2:10

Rexinixkaluna katahiri, hpoyikowpotutna.

Mateus 2:2

Waneya repomhana: — Hanurhe judeu pohirnepa matutatshri? Wetlo hkatahirite tkatshi hichpajyawaka sreta hakanikatshro. Wkata wuna wimalwuxyawakaplu.

Lucas 2:16

Waneya hchireta wane yaletatkana. Waneya wane rukchijyalona Maria tshinkaluro hiyrunu José tshinkalur-koxa. Rukchikluna mturujiji pratshine nikjexyawaka hikoluhatshritka.

Lucas 2:38

Waneya waneklukawa potuko tapoka. Waneya tyinuwaka poyahnutletlu Hoyakalu mturu tshinanu hiyrun-koxa tyinuwaka hinkakletletlu mturu pirana ptowrunek-yine Jerusalém poktshi hicho towutlexikowakpatka pirana kahwaka hakanhaletatshineya yehiya.

João 19:39

Waleymalu Nicodemos tshinkaluru, mitshikawa Jesus yehi hapkapyetshnotatshri. Nicodemos haniklu phamlu pahiru mirra tshinkaluru hiyrunu aloés tshinkaluru yapjetkaluro, quarenta e cinco kilos hetkolu.

Apocalipse 19:10

Waneya Hoyakalu towreru tenhohne hajerumka nyoptsojityehita nimalwuxyawakaplu seyni wale wan-tshinno: — Hike, hi wane pixanu! Hit-honra pixje kamrurewatatshrino, Hoyakalu towreru, pmoletanune Cristo tshinanu, Jesus hiphujetatshineymalutno. Hiyáhoni Hoyakalu himalwutanu halikaka! Klu tshinanu halikaka pirana Jesus hiphujetleru pirana, Hoyakalu tokanu hinkakletatshine mixkotjeru.

Apocalipse 5:8

Waneya wan-rixinixka quatro hiwejikalune hiyrunu tsrukakalune vinte e quatro pejnu yoptsojityehitlu Carneiro Whene tshinkalurustsi. Satkaka wanna himwakanatlu tokapikaka hiyrunu kastonolkaka ouro kamhikaluru katseplu phamlu pahiru. Phamlu pahiru yapkakletlu Hoyakalu nurrene ralixjene hanjihohnere pirana.