Mateus 18:9 - Bíblia

⁹ Hiyrun-koxa piyhale tshinanu pumtuwnini, pkochpakanru, puknokanru. Klu tshinanu kihlepotmaklu pa yhalepkalutu hiwekkajikowaka, hepi yhaleru tshitshmero hiknokko.

Mateus 18:9 ပူးပေါင်းရင်းမြစ်များ

Mateus 16:26

Hanhe rixa hepixletlu yineru xye tshijne hihlenu psoluka hkayaxiniklunu seyni riwejinri ramtakanuna? Kluhe xawaka ripekotanru satu jeji riwejinri tshinanu?

Mateus 18:8

Pimyo ho pijixi tshinanu pumtuwnini, pkastakanru, puknokanru. Klu tshinanu kihlepotmaklu mtsoji ho myape hiwekkakko, hepi myolu ho hepi jixiru tshitshmero hikeklu hohne mnikawnakatupa hiknokko.

Mateus 19:17

Waneya Jesus wla tshinru: — Klu tshinanhe pepomhayehitlu kihleru? Hoyakalu tsonu kihleru hikeni hiyrunu. Moisés hiykole pirana pkamhini, piwekkakko.

Mateus 5:22

Seyni hita wan-tshinhi katukta hahnanutlu himole hike mixkatuko rukolukanuwnanu Hoyakaluya. Hiyrun-koxa katukta heyiklu himole (wla htshininri himole: “Hike mkochpakkatyi”), jemahchinikankakjexikowaka ranikkotka. Hiyrunu katukta wla htshininri: “Mahchinikanutyi” salewaktshi nwaka rumukata yokanatkota.

Mateus 5:29

Piyhale tshinanu pumtuwnini, poplikanru, puknokanru. Klu tshinanu pimane psojite pamtajini pot-kihleyi psol-maneko tshitshmero yehi hma muknojyawakanupa.

Marcos 9:47

Piyhale himtujinipyi, pkochpakanru. Klu tshinanu kihlepotmaklu pa yhalepkalutu hiwekkajikowaka Hoyakalu pohirewaxyawakaya, hepi yhaleruko tshitshmero ruknokkona,

Atos 14:22

Paulo, Barnabé mixkowahchinikankakatkana Cristo halixatshine ralixleyna hiyrunu runkakletluna salewaktshi pirana yine hixo salewaktshikaka retanna haté Hoyakalu pohirewaxyawaka hjihlojyawakapna.

Hebreus 4:11

Hiyáhoni wmixkowatanu xako wjihlojyawakaplu xye hapnanuxikowaka. Xako hi wmalixanutupni Hoyakalu, israel-nerune mitshi malixyawakanru pixka, hiyáhoni rimaletkatkana hma jihlojyawakanupluna hapnanuxikowaka.

Apocalipse 21:27

Hikepni hektuntshi, hi kapatmenuru kamhatshri, hi hayoklewatatshriko wane jihlokanu. Halikaka wale poktshi jihlokatshinepa, Carneiro Whene tshinkaluru yonawahlote steno hiweklu heneklewatatshri tshinkaluru hiwakatkaluru tsonu jihlokanu.