Mateus 17:5 - Bíblia

⁵ Wane htshinakanaxiniwa hohimkohi hichyatna. Waneya hohimkohi hitokote ruchpajyatka tokantshi wla tshinatshri: — Xyekni nowhene nalukleru. Hyijnakotanru hanukta htshinanhi!

Mateus 17:5 ပူးပေါင်းရင်းမြစ်များ

Mateus 12:18

“Xyetkani ntowreru nuretkaluru, namotleru, wale poyikowkakno. Niwejinri pixkonu nenekanru, Hoyakalu hapnokatlewle hapojinri pirana runkakletanu psol-tshijneyako.

Mateus 17:6

Tokantshi hjeminixkana, tsru hpiklena tshinanu tshiji rutspakhojitna.

Mateus 3:17

Waneya satu tokantshi tenhohne hichpajya, wan-tshinatshri: — Xyekni Noturu namotleru. Wale poyikowkakno.

Marcos 1:11

Waneya waneylu tokantshi tenhohneyalutu wan-tshinatshri: — Pixni Noturyi nalukanruyi, wale poyikowkakno.

Marcos 9:7

Waneya hohimkohi hichyatna. Waneya hohimkohi hitokote ruchpajyatka tokantshi wla tshinatshri: — Xyekni nowhene nalukleru. Hyijnak-tokanutanru!

Lucas 3:22

Waneya Hoyakalu Hiwejikaluru motkokoji pixka rixa wale hohowaka hapokatshri. Waneya waneylu tokantshi tenhohneyalutu wan-tshinatshri: — Pixni noturyi nalukanruyi, wale poyikowkakno.

João 3:16

Hoyakalu psol-tshijneka hajene ramotle tshinanu hyokanatlu hituru satupkalutu ptowru yineru ralixjene hi rupnanna seyni riwekanna hikeklu hohne mnikawnakanepa.

João 3:35

Hoyakalu Hirtshi hamotlu Whentshi tshinkaluru. Hiyrun-koxa wale towre rutajyalu ptowru potukananuka.

João 5:37

Nuru Hoyakalu nyokanatjeru walekni hiphujtatno hita. Seyni hix-yinhi hikeklu jematkalu htokanu hiyrun-koxa hikeklu hetatkalu himane.

Atos 1:9

Waneya wane rali tshinrexinixka, Jesus teno ranikkatka wanna hetanuya. Waneya satu hohimkohi katshpoklu Jesus haté hi rumukata hetletatkaluna.

Atos 7:37

Xyekni Moisés wan-tshinatkana israel-nerune: “Hoyakalu yokanatanru satu Hoyakalu tokanu hinkakletatshri hita pixka hixatshripni Hoyakalu yokanatanrupni. Hixako himolepni wale.”

Efésios 1:6

Wimalwutanru Hoyakalu renekachale renejya tshinanwu. Ruhlenu renekachale tsru potuko hixa nwaka ruchinikanrexinri wan-rixachata wuchinikanretjeru Jesus tshinanu.

Colossenses 1:13

Hoyakalu kochpakwu mapchahawaka kachrewleya waneya ranikatkawu hikeni kaheknanuwlu Hituru ramotleru potuko pohirewaxyawaka wwiywakapa.

Hebreus 5:9

Hike mahaxikatshrini Jesus, hiyáhoni ptowru yineru hyijnakotjene riwekkakjerna hike rixiniko mnikawnakanepa hpoyaho hixletatkana.

Apocalipse 1:7

Hetanu. Hohimkohi hoho rapojinipa. Ptowrunek-yine potuko hetanru, haté ruylatjene yohlolewapiya hetanru. Ptowru tshijne hajene tshiyahatanu wale tshinanu. Halikakni. Amém.

Apocalipse 14:14

Waneya netatkalu. Netlu satu hohimkohi klatalu hiyrunu hohimkohi hoho tuplatatshri neta, jeji nikahwaklu. Pohirtshi sahye, ouro kamhikolu, hijiwu hwa hiyrunu hitaklu hamapi hakotasputatshri himyo hkachixya.