Mateus 17:3 - Bíblia

³ Waneklukawa potuko hepi jejine hakanhatka, satni Moisés-ni tshinkalurni, satni Elias-ni tshinkalurni. Riynumsatluna Jesus.

Mateus 17:3 ပူးပေါင်းရင်းမြစ်များ

Mateus 17:2

Waneya Jesus yokmanhojitatka. Katajhojru tkatshi pixka. Himkal-koxa klata, klat-potuko rixa katalu pixka.

Mateus 17:4

Waneya Pedro wan-tshinru Jesus: — Kasruklewakleru, kihleru wiko wwiywaka. Hayeri wkamheru mapa pantshi; satu pixanupa, satu Moisés-nupa, satu Elias-nupa.

Marcos 9:4

Retluna Elias-ni, hiyrun-koxa Moisés-ni. Riynumsatluna Jesus.

Lucas 1:17

Hoyakalu towrerupni, jinkaklewaklerupni. Hoyakalu tokanu hinkakletatshrini Elias-ni tshinkalurni hchinikanu pixka rixleyma hiyrun-koxa Elias-ni pixkonu pixka rixleyma rimatletkakanna tsrune hwuheneneymana. Hektutu kamhatshine ruprotakanna potuka hchinikanurune hiykole romkahixyawakapna. Ralpokohnaputna yine Tsru Hixikatshriwa hapojinripa.

Lucas 16:16

— Moisés hiykole pirana yonatkaluru hiyrun-koxa mitshikawlunni Hoyakalu tokanu hinkakletatshinni hinkakle hwatka haté João Batista klu papko. Waneya waneklukananuko, kihle piranalu potuko hiwekkaklewatatshri pirana Hoyakalu pohirewaxyawaka pirana, hinkakletka. Ptowrunek-yine yapretaklu wane hjihlojyawakapna.

Lucas 24:27

Waneya hyinuwaka hinkakletna Hoyakalu tokanu yonatkaluru pirana, Moisés yonreru hiyrun-koxa Hoyakalu tokanu hinkakletatshine yonrekananuko runkakna wane htshinakanaxyawakna waleko hipirana.

Lucas 24:44

Waneya Jesus wan-tshinna: — Nimwakanaxiniwahi nunkakatkahi raluk-hakanhaleta ptowru potuko hita pirana yonatkaluru, Moisés yonreruya, Hoyakalu tokanu hinkakletatshine yonreya hiyrun-koxa Salmos-mta yonatkaluruya hita pirana.

Lucas 9:33

Waneya hyinixkana Jesus hiynumsakanatatshine Pedro wla tshinru Jesus: — Kasruklewakleru, kihleru wiko wutujyawaka. Hayeri wkamheru mapa pantshi; satu pixanupa, satu Moisés-nupa, satu Elias-nupa. Pedro hi himatjemnawa klukta htshina.

João 1:17

Hiykolu pirana yonatkaluru yokanatatshrini Moisés-ni seyni Jesus Cristo-kni Hoyakalu hihlenu ptowru potuka hiyrunu halikakalutu pirana hiyakotatshrini wale.