Mateus 13:54 - Bíblia

⁵⁴ Waneya Jesus htseruwniywaka poktshi Nazaré tshinikowaka rapokatka. Hyinuwaka hasruklewleta hanjihohnewakapjiya. Waneya ptowruneka himyekahchinikanuta. Waneya repomhakakna: — Hanhe ruchpajya rimatkalnu hiyrunu pixkontshi hetkalurkaka hkamhiywaka?

Mateus 13:54 ပူးပေါင်းရင်းမြစ်များ

Mateus 2:23

Waneya hyatka Nazaré poktshi tshinikowaka waneko rawyawakpatka. Hiyáhoni rakanhatka htshinyawaka potuko Hoyakalu tokanu hinkakletatshine: “Nazaré hajeru htshinikowakapa.”

Mateus 4:23

Waneya Jesus Galileia tshijne psoluka hyapamta, rasruklewjeta hanjihohnewakapjikakaya, kihle piranalu potuko Hoyakalu pohirewaxyawaka pirana runkaklewjeta. Yeyixatshine hiyrun-koxa hahijewnalkaka rutskalaka.

Mateus 7:28

Waneya Jesus hali tshinrexinixkalu xyekaka pirana, hixolune yine himyekahchinikanpotutatka rasrukle tshinanu.

Lucas 2:47

Ptowrunek-yine, Jesus yijnakotatshine himyeka mturu Jesus himatkalnu tshinanu. Hiyrun-koxa rimyekna wane htshin-hihrexyawakna repomhakjene.

João 1:11

Runatka waleko rayinetene yehimka seyni rayinetene hi ralukanatkaluna.

Atos 13:46

Seyni Paulo, Barnabé htsernu hchinikanuyma runkaklewatna wane htshinna: — Raluk-hinkaklehapkatna hixa judeu-nhi Hoyakalu tokanu. Seyni hixa malujyawakanru tshinanu hiyrunu hiwejinri hikeklu hohne mnikawnakatupa hixa malujyawakanru tshinanu hixa wuknokanu xawakni judeu mixkane wunkakanu.

Atos 4:13

Waneya hixolune hetna Pedro, João hi hpika hinkaklewletna. Waneya rimathetkoklunutkana Pedro, João muchtotkakkone rixyawakna hixolune himyekpotuta hiyrunu rimathetna Jesus-yma yanjejekanatatshine rixyawakna Pedro, João.