Mateus 13:52 - Bíblia

⁵² Waneya Jesus wan-tshinna: — Ptowru Moisés hiykole yonatkaluru hasruklewatatshri tenhohne pohirewaxyawaka himatyehitatshri satu kapjiru pixkalutni. Kapjiru pantshi hejnu herotu hiyrun-koxa hejnu tsrutsoleji himretawaka hkochpajyalu.

Mateus 13:52 ပူးပေါင်းရင်းမြစ်များ

Mateus 12:35

Jeji kihleru, kihleru hkamha kihleru hihchinikanu rimrexinri tshinanu. Hiyrunu jeji hektutu, hektutu hkamha, hektutu rimretleru tshinanu.

Mateus 13:51

Hiyáhoni Jesus hepomhana rasruklene, wla htshinna: — Xye piranakaklahe himatjematka? Waneya ruhitluna: — Hehe.

Mateus 13:53

Xyekaka yapkaklu pirana rali hinkaklexinixka, pnute hya.

Mateus 23:34

Hiyáhoni wane ntshinhi nyokananwakatanhi hinamtatshri pirana hinkakletatshine, jimatkalerune hiyrun-koxa kasruklewaklerune hinanchitkaluru pirana hasruklewatatshine. Hixa satkaka wannapni hiylatanu, satkakapni cruz hitakko, pimrinepni hkotshipjetanu hanjihohnewakapjiya hiyrunu pa poktshi pejnukananu hkamnixinna pimrinepni.

Mateus 28:19

Wale tshinanu hyanu. Hasrukanna ptowru tshijne hajene. H-batiza-tanna Hoyakalu Hirtshi hiwakaya, Hoyakalu Whene hiwakaya, Hoyakalu Hiwejikaluru hiwakaya.

Lucas 11:49

Hiyah-koxni Hoyakalu rimatkalnuyma wla htshina: “Nyokananwakatmakna, hinamtatshri pirana hinkakletatshine, nnuretanun-koxa. Satkakapni ruylatanna. Pimrinepni hsalewnakakanna.”

João 13:34

Nowhenene mtserunhi herotu towrexikolu nunkakanhi. Waleni hamotkajyawaka. Namotjekanaxyawakatkahi pixka, waneko pixka hix-koxa hamotkajyawaka.

2 Coríntios 6:10

Wamonuwnatshine hikahwakkalunwu seyni hi wutuk-poyikowleta. Hike mwikane pixkalunwu seyni hixolune yine wpohirewnakaka. Hatatjewa mejnunkatenwu seyni halikaka ptowru potuko wimwa.

Efésios 3:4

Wale het-yonhaxini himatjemanru Cristo pirana yohimakanatkaluru nimatleru.

Efésios 3:8

Hita mpomujhakotpotno ptowruneka Hoyakalu hayineteneya. Wanepnawaka Hoyakalu henekno xye poyikowlu judeu mixkane nunkajyawaklu kihler-pirana potuko, tsru pohirewnalu honra Cristo henekwu.

Colossenses 1:7

Xyekaka pirana Epafras tshinkaluru hasrukle tshinan-koxa hixa himatpiranatatkalu. Xye jeji wepirni, wuchinikanretanruni hiyrunu hixa tshinanu Cristo towrerni halikakalutu potu.

Colossenses 3:16

Hitshitanru Cristo tokanu himwiywakhi psoluka ptowru himatkaltshiya. Hasrukkakanu, hiykokakanu Hoyakalu tokanu chikaltshiyma hiyrunu himalwuru chikaleyma hiyrun-koxa pimrikaka chikaltshiyma. Hoyakalu Hiwejikaluruya hchikalewatanu. Hchikalewaxini Hoyakalu tshinanuya hpoyahnutanru hajiya.

1 Timóteo 3:6

Cristo halixatshine hapatjetatshine kosekatshri hi hajeyri halixatshripni, klu tshinanu wan-hixatshri ralixkotachaxnawa, hiyahokni hjihyehitko Satanás pixka.

Tito 1:9

Halikakalutu tokantshi hasrukakanaxikolu pirana homkahpotutatshripni, rumukata hiykoletna tokantshi heyikatshine hiyrunu rumukata halixkota Hoyakalu hasruklewlu halikakalutuyma.