Mateus 13:44 - Bíblia

⁴⁴ — Tenhohne pohirewaxyawaka satu halukkaluru yohimatkaluru campo-ya pixkalutni. Waneya satu jeji hikchijiniklunru hyohimatatnaklu. Waneya hpoyiknu tshinanu, hyatka, rimwaleru psoluka ruchankatka, wale campo ranjixyawakapa.

Mateus 13:44 ပူးပေါင်းရင်းမြစ်များ

Mateus 13:24

Jesus satu yapkaklu rutakatnaka, wla htshina: — Tenhohne pohirewaxyawaka satu jeji kihleru tataji hsana jitaklewakleru pixkalutni.

Mateus 13:46

Satu pérola kwenur-potuko rukchijiniklunu, hyatka, rimwaleru psoluka ruchankatka wale pérola ranjixyawakapa.

Mateus 13:47

— Hiyrunukotnaka, tenhohne pohirewaxyawaka satu tarrafa pixkalutni. Hipowha ruknokkoklunutka waneya ptowru hixatshro chima hkachita.

Mateus 19:21

Waneya Jesus wan-tshinru: — Potukalumka pixinipa, puchankanru ptowruka pimwanru, penekanna ptowruka mahaxikatshine. Wane pixa pohirewnaletanu tenhohneya. Waneya punanu, pomkahitanno hita.

Mateus 19:27

Waneya Pedro wla tshina: — Petanu, ptowruka wuchota, pixa womkahixyawakatka. Kluhe xawaka wyoptotanu hixa?

Mateus 19:29

Ptowru yineru hipji hichotatshri, ho runro, ho ruru, ho himolene ho himolerone [ho hhanunro,] ho hiwhenene hichotatshri ho hsana hichotatshri Hita tshinanu hyoptotanru cem kata pnute hiyrunu riwejinri hikeklu hohne mnikawnakatupa.

Mateus 6:21

Klu tshinanu hanukta himrexyalu hpohirewnale wane koxlu hihchinikanu.

Lucas 14:33

— Hiyrun-koxa katukta hi hiknoklu ptowru potuka rimwaleru hi rumukata nomkahitjeru hixleta.

João 6:35

Waneya ruhita Jesus: — Pão hiwekkaklewatatshri Hitni. Katukta yanwakaxinno hikeklu hohne hnatshitanu hiyrun-koxa nalixjeru hikeklu hohne ronunnahatewatanu.

Romanos 15:4

Psoluka yonatkaluru potukalu pirana yonatka hixa wasrujikolu tshinanu ruchinikanuwkakwu wkahwakachaxyawakaplu Hoyakalu hihlenu hiyrunu repixlewle. Xye wukchika Hoyakalu tokanu yonatkaluru piranaya.

Colossenses 2:3

Ptowruko kwenuru himretakanatkaluru himatkaltshi hiyrunu himatjemlu Hoyakalunni Cristo tsonu rimatyehixikatka.

Colossenses 3:16

Hitshitanru Cristo tokanu himwiywakhi psoluka ptowru himatkaltshiya. Hasrukkakanu, hiykokakanu Hoyakalu tokanu chikaltshiyma hiyrunu himalwuru chikaleyma hiyrun-koxa pimrikaka chikaltshiyma. Hoyakalu Hiwejikaluruya hchikalewatanu. Hchikalewaxini Hoyakalu tshinanuya hpoyahnutanru hajiya.

Hebreus 10:34

Waneklu papko hixa hijha hepixlejekanatna kachitkalune. Hi htshipexyana hejnunkate seyni hsaletjekanatlu tsru poyikonutshiyma, klu tshinanu himathetlu jejnunkathi yohnikalutu mimat-nikawnakatu tenhohneya.

Apocalipse 3:18

Ntowuthi ouro myapjetkotu hit-yehi hanjixyawaka, phurun-potu hixyawakapa. Hiyrunu mkatshri klatalu hit-yehi hanjixini hmakaxyawakaplu hma patewaxyawakanupa hmamkanu tshinanu. Hiyhale pniri hit-yehi hanjixini hsahayhalexinripa, hapkathojixyawakapa.