Mateus 13:40 - Bíblia

⁴⁰ Kchanaptshe hoplikkaluru yoxijikolu pixka rixanna xye tshijne nikawninri hohnepa.

Mateus 13:40 ပူးပေါင်းရင်းမြစ်များ

Mateus 12:32

Katuktako hektuwaka htshinanwakatlu Jeji Whene tshinkaluru, wanepnawakatshi ramtakahchinikanuxiko rektunu. Seyni katukta hektutu tshinanwakaxiniplu Hoyakalu Hiwejikaluru walepni hikeklu hohne ramtakahchinikanyehitkona rektunu, hi xawakni hohneko, hi wale hohne hinatshripako.

Mateus 13:22

Waneya hitataji kona yehi hapoktatajitatshine wanna Hoyakalu tokanu jematshine pixkalune seyni kojwawaktshi xye hohne hajeru tshinanu ho pohirewnalu yokwire hakanhinipa, hkakmokannatkalu hiyáhoni hi hjiwatanatkana.

Mateus 13:39

hiyrunu hkamnitjeru walekni Satanás. Ramikowaka walekni xye tshijne nikawninri hohnepa hiyrunu hamatshine wannakni hiwejikalune Hoyakalu towrerune tenhohne hajene.

Mateus 13:49

Waneko pixka rixanu xye tshijne nikawninri papko. Hiwejikalune Hoyakalu towrerune tenhohne hajene hapokanu hkotspalaxyawakapna hektutu kamhatshine potukaluneya.

Mateus 24:3

Waneya Jesus Oliveiras mriji tuplaxini, rasruklene yanwakatlu wannapkani. Waneya repomhatkaluna Jesus, wla htshinna: — Kasruklewakleru, hikluhe wan-rixanu? Klunerhe rakaxrikletanu rekhixyawakaplu xye ptowru potuko hakanhapiraxinpatka? Hanhe wixa himatletanru punyawaka xye tshijne nikawnini hohnepatka?

Mateus 28:20

Hasrukanna kajnako rixyawakapna wale pirana psoluka ntowuthi hinkaklexyawaka. Hiyrun-koxa hixayma nwanu psol-hohneko hikeklu hohne mnikawnakatupa.

1 Coríntios 10:11

Xyekaka hakanhayehitnina wutsrukatenni yapkaklu rixyawakapa pimrine tshinanupa. Hiyrun-koxa hixa ruykoxyawakapa tshinanu hyonatka walekaka pirana. Klu tshinanu wiwekle hmahle hohnestsi hwatshritkani.

Hebreus 9:26

Klu tshinanu wane pixka rixkamkatka waneyamka xye tshijne yinuwajinikananuko haté xawaknimkatshi wan-rixa salewakatanutshi hixo kata. Seyni xawakni Cristo hiphujewnatka xye rapkatle hohne sreta, hektuntshi ruknojyawakapa waleko rupnale himukatle tshinanu, henekachalu hiylatkaluru rixnawakwa.