Mateus 13:39 - Bíblia

³⁹ hiyrunu hkamnitjeru walekni Satanás. Ramikowaka walekni xye tshijne nikawninri hohnepa hiyrunu hamatshine wannakni hiwejikalune Hoyakalu towrerune tenhohne hajene.

Mateus 13:39 ပူးပေါင်းရင်းမြစ်များ

Mateus 12:32

Katuktako hektuwaka htshinanwakatlu Jeji Whene tshinkaluru, wanepnawakatshi ramtakahchinikanuxiko rektunu. Seyni katukta hektutu tshinanwakaxiniplu Hoyakalu Hiwejikaluru walepni hikeklu hohne ramtakahchinikanyehitkona rektunu, hi xawakni hohneko, hi wale hohne hinatshripako.

Mateus 13:22

Waneya hitataji kona yehi hapoktatajitatshine wanna Hoyakalu tokanu jematshine pixkalune seyni kojwawaktshi xye hohne hajeru tshinanu ho pohirewnalu yokwire hakanhinipa, hkakmokannatkalu hiyáhoni hi hjiwatanatkana.

Mateus 13:25

Seyni ptowru yineru himkakako pchinika, hkamnitjeru hsana hapoka waneya kchanatataji rutaka trigo-tataji hanikajiteya waneya hyatka.

Mateus 13:28

— Waneya ruhita: “Satu jeji nkamnitjeru wan-hixlu.” — Waneya htowrene hepomhalu: “Palukluhe wopliptshexyawakaplu?”

Mateus 13:40

Kchanaptshe hoplikkaluru yoxijikolu pixka rixanna xye tshijne nikawninri hohnepa.

Mateus 13:49

Waneko pixka rixanu xye tshijne nikawninri papko. Hiwejikalune Hoyakalu towrerune tenhohne hajene hapokanu hkotspalaxyawakapna hektutu kamhatshine potukaluneya.

Mateus 24:3

Waneya Jesus Oliveiras mriji tuplaxini, rasruklene yanwakatlu wannapkani. Waneya repomhatkaluna Jesus, wla htshinna: — Kasruklewakleru, hikluhe wan-rixanu? Klunerhe rakaxrikletanu rekhixyawakaplu xye ptowru potuko hakanhapiraxinpatka? Hanhe wixa himatletanru punyawaka xye tshijne nikawnini hohnepatka?

Mateus 25:31

— Jeji Whene ruphujewnin-hohnepa, royaknuyma runanu hiyrunu hiwejikalune htowrene tenhohne hajeneymalu. Phuru tuplawakle htuplatanu rukolukanuwniywakapa.

Mateus 28:20

Hasrukanna kajnako rixyawakapna wale pirana psoluka ntowuthi hinkaklexyawaka. Hiyrun-koxa hixayma nwanu psol-hohneko hikeklu hohne mnikawnakatupa.

1 Coríntios 10:11

Xyekaka hakanhayehitnina wutsrukatenni yapkaklu rixyawakapa pimrine tshinanupa. Hiyrun-koxa hixa ruykoxyawakapa tshinanu hyonatka walekaka pirana. Klu tshinanu wiwekle hmahle hohnestsi hwatshritkani.

2 Coríntios 11:3

Seyni npiklu himnu yokwijexyawakanro Eva-ni kihlewaka htshinreyma pixka hixikowaka, waneko pixka hixa himtuklehchinikanutkonmaka hixapni. Wan-hixkanmaka hiknoklewatanuna hihchinikanu halikakalutu, potukalu Cristo hichpajikatshri chinikantshi.

2 Coríntios 2:17

Klu tshinanu hi hixolune Cristo pirana hinkakletatshine yahole pixka wixa, hkayle tsonu hichinikanretatshine pixka hi wixa. Seyni wyokanatjerni Hoyakalu hiyáhoni wunkaklewaxini mayloklene pixkalunwu, Hoyakalu hetanu halikakalutu pirana wunkakleta Cristo-yma wixle tshinanu.

Efésios 2:2

Waneklu papko xye tshiji hixjexyawaka hektutu homkahjekanata, hixa halixjekanatlu tsru hitakkalune metkone hektune malehohnewaka hajene towutatshri. Walekatkani ptowruneka Hoyakalu malixkane towutatshri.

Hebreus 1:2

Seyni xawakni xye hohnekakatka riynumsatwu Hiwhene tshinanuya. Hiyrun-koxa Hiwhene himukatle tshinanu tshiji hiyrunu tenhohne hajerkaka hkamha Hoyakalu. Hiwhene honukla rutaka ptowru potuka ruru himwaleru yoptotatshripa rixyawaka.

Hebreus 9:26

Klu tshinanu wane pixka rixkamkatka waneyamka xye tshijne yinuwajinikananuko haté xawaknimkatshi wan-rixa salewakatanutshi hixo kata. Seyni xawakni Cristo hiphujewnatka xye rapkatle hohne sreta, hektuntshi ruknojyawakapa waleko rupnale himukatle tshinanu, henekachalu hiylatkaluru rixnawakwa.

1 Pedro 5:8

Hiyokatshine pixkalunephi, tsru hislahle hixinwa klu tshinanu tsru kamtshi, hkamnitjeru yotaljeta mhenoklu hahlalatatshri yine hnikpiratanune rujhini pixka.

Judas 1:14

Enoque tshinkalurni sete rixinri Adão-ni klopichni hinkakletlu hinamtatshri pirana nyi jejine pirana. Wla htshinnixka Enoque-ni: Hetanu! Tsru Hixikatshriwa Cristo hinanu. Waleymalunepa htowrerune potukalune tenhohne hajene hixo mil mnupna.

Apocalipse 12:9

Hiyáhoni Tsru Kamtshi dragão tsru kananu, wale honukla himnu hitsruka, Tsru Kaylokleru tshinkaluru, Satanás hiwakatletatshri, ptowru tshijne hajene yokwijetatshri, tenhohne malekate ruknojika. Tshij-hoho ruknokkatka wale hiyrun-koxa hmaklutene kamtshine waleyma ruknokatkana.

Apocalipse 13:14

Hyokwijetna tshiji hwatshine ptowruneka himyekaklewatatshrikaka hkamhaleruyma, rumukatle renejikolu tshinanu, mitshikananu kmatsyiru hetanu. Runkakjixna xye tshijne hajene mayawletshicha hkamhiywakapna kmatsyiru mayawleya, yohlolewapi kastakjiwuxikalurutka seyni hi rupna.

Apocalipse 19:20

Seyni kmatsyiru kachitkatka hiyrunu Hoyakalu tokanu hinkakletatshri minjeni, wale honukla himyekaklewatatshrikaka kmatsyiru hetanu kamhajekanatatshri. Wale kachitkatka kmatsyiruyma. Himyekaklewatatshrikaka hkamhaleru tshinanu hyokwijekanatna yine kmatsyiru himaxikle himwatshine, wanna kmatsyiru yáholu kahwakpiratatshine. Hiyáhoni tshitshmero powha yehi, enxofre katshowuphalu yehi ruknokkatkana nyi hepi, hiwekatshineko.