Mateus 13:25 - Bíblia

²⁵ Seyni ptowru yineru himkakako pchinika, hkamnitjeru hsana hapoka waneya kchanatataji rutaka trigo-tataji hanikajiteya waneya hyatka.

Mateus 13:25 ပူးပေါင်းရင်းမြစ်များ

Mateus 13:24

Jesus satu yapkaklu rutakatnaka, wla htshina: — Tenhohne pohirewaxyawaka satu jeji kihleru tataji hsana jitaklewakleru pixkalutni.

Mateus 13:26

Waneya trigo hiptshejinixka, kaji rixinixka, kchana koxa hiphujewnatka.

Mateus 13:27

Waneya susanateru htowrene yanwakatlu waneya wla htshinruna: “Tsru Hixikatshriwa, hi he kihletatajiru putaka pusanateya? Ha hanhe ruchpajya xye kchana?”

Mateus 13:29

— Waneya ruhitna: “Hike klu tshinanu kchanaptshe hoplixini, trigo koxa hoplitanu.”

Mateus 13:30

Hetacha tseruwnaletanna wanna hepi haté ramikolu papkopa. Waneya waneklu papko nunkakanna hamatshinepa: Mitshikananhapka, hapatjetanru kchana waneya hostuptajetanru tshitshipawa hiknokanru. Wane pnute hapatjetanru trigo, rimrexikowakapji hitakanru.”

Mateus 13:39

hiyrunu hkamnitjeru walekni Satanás. Ramikowaka walekni xye tshijne nikawninri hohnepa hiyrunu hamatshine wannakni hiwejikalune Hoyakalu towrerune tenhohne hajene.

Mateus 25:5

Waneya hnunrowpiratatshripa mapokhapkatkanuklunupa hiyáhoni maklojine hixapnewatatka, rumkatkana.

Gálatas 2:4

Seyni satkaka yineru Cristo tshinanu moletkakatshine hixachatatshine hixa tskala yokanatka. Runna potshkeruneko retapyawakapluna wmimalexikotu pirana Cristo Jesus-ya rumukata himaletlexyawakapwuna.

Hebreus 12:15

Xako, hi satukna hicho homkahretanru Hoyakalu hihlenu wuhletjeru. Klu tshinanu wma momkahitkanuklunru rumukata hakanhaletanu hixa hitokoteya katshwu hchinikan-menu hixa kojwakatshripa, hixolunepnimka yinepni himtukahchinikanutatshripa.

1 Pedro 5:8

Hiyokatshine pixkalunephi, tsru hislahle hixinwa klu tshinanu tsru kamtshi, hkamnitjeru yotaljeta mhenoklu hahlalatatshri yine hnikpiratanune rujhini pixka.

2 Pedro 2:1

Seyni waneklu papko rawakanatna hixacha hasruklewletatshine yine tskala. Hixa tskala koxa rawanutnakna hixacha hasruklewletatshine. Yohimawaka himtuklewatatshri pirana rasruklewaxinna hixa tskalaya. Haté Tsru Hixikatshriwa Jesus, Hiwekkaklewatatshri mixkatu htshinanruna, Jesus hanjirenemkatkani seyni wane htshinanwakatluna. Hiyáhoni chinpotukawa rapnokatkona wannako htshinanna.

Apocalipse 12:9

Hiyáhoni Tsru Kamtshi dragão tsru kananu, wale honukla himnu hitsruka, Tsru Kaylokleru tshinkaluru, Satanás hiwakatletatshri, ptowru tshijne hajene yokwijetatshri, tenhohne malekate ruknojika. Tshij-hoho ruknokkatka wale hiyrun-koxa hmaklutene kamtshine waleyma ruknokatkana.

Apocalipse 13:14

Hyokwijetna tshiji hwatshine ptowruneka himyekaklewatatshrikaka hkamhaleruyma, rumukatle renejikolu tshinanu, mitshikananu kmatsyiru hetanu. Runkakjixna xye tshijne hajene mayawletshicha hkamhiywakapna kmatsyiru mayawleya, yohlolewapi kastakjiwuxikalurutka seyni hi rupna.

Apocalipse 2:20

Wanepnawaka nkahekhi psotsonu klu tshinanu hixa hetachajetlo suxo Jezabel tshinkaluro Hoyakalu tokanu hinkakletatshro phuta tshinikatshrowa seyni tasrukjetna yine hiyrunu tyokwijetna yine ntowrene rapoklewaxyawakapna hiyrunu hnijyawakapluna nikluru mayawletshicha henekachalurkaka.