Mateus 11:5 - Bíblia

⁵ Mayhalenekananu hetatka. Myankanekananu yanatka. Hijirhitukanatatshine hitskalhatka. Majnakonekananu jema. Hipnatshine hiwekkakka. Kihle piranalu potuko hiwekkaklewatatshri pirana runkakkatkana hike mwikane.

Mateus 11:5 ပူးပေါင်းရင်းမြစ်များ

Mateus 10:8

Hitskalakanna yeyixatshine, hiwekkakanna hipnatshine. Hijirohitutatshine hitskalakanu. Kamtshine hiknokanna. Mwenutu xyekaka neneklewata, hix-koxa mwenutu henekanna wanna.

Mateus 11:4

Waneya Jesus wla tshinna: — Hajewa. Hinkakapanru João xye hetanrukaka hiyrun-koxa hyijnakotanrukaka.

Mateus 12:13

Waneya Jesus wan-tshinru jeji: — Pyosurukkanotanu. Waneya hyosurukkanotatka, ruhlewamyotatka, himyo pomtalu pixka rixatka.

Mateus 21:14

Waneya Hoyakalupji mtsawane hiyrunu myankane yanwakaxyalu Jesus waneya rutskalhatkana.

Mateus 5:3

— Poyikowatatshinni hike mwikane riwejinri tshinanu, klu tshinanu tenhohne pohirewaxyawaka wannanutkani.

Mateus 9:30

Waneya retatkana. Waneya Jesus hijretpotutna, wla htshinna: — Hike hinkakanu.

Marcos 7:37

Waneya ptowruneka jematshine tsru himyeklu rixna. Waneya wane htshinna wanna: — Ptowruko kihler-potu hkamha. Hjemkakna majnakone, myanumatkane hyanumkaka.

Marcos 9:25

Waneya Jesus hexinixkana hixolune yine wale nwaka hapokatshinepa, htowutlu kamtshi, wla htshina: — Kamtshi majnaklu manrutu, puchpajinixkalu xye mturu, hikeklu hohne pjihlokanutnaklu.

Lucas 4:18

“Hita rawa Hoyakalu Hiwejikaluru. Hnuretno nunkaklexyawakaplu Kihle piranalu potuko hiwekkaklewatatshri pirana hike mwikane yehiya Runkaklewjixno ruchoxikowakapna yine pirana kachitkalune tshinanu hiyrun-koxa himrekhale pirana nunkajyawakna mayhalene, ruchotkona salewnatshine,

João 10:25

Jesus wla tshinna: — Nunkakamkatkahi seyni hi halixa. Kamrurtshi, nkamhaleru Nuru Hoyakalu towuwle tshinanu, wale hiphujtatno.

João 10:38

Seyni Hoyakalu kamrure nkamhini halikaka, yáholu hi hita halixini seyni kamrurtshi nkamhaleru halixanu. Himaxyawaklu hiyrunu halixyawaklu Nuru Hoyakalu himwano hita hiyrunu hita himwalu wale.

João 2:23

Jerusalém poktshi rawakanaxini Jesus Páscoa nikle hohne tshinanu, rexinixkaluna himyekaklewatatshrikaka Jesus kamhaleru, hixolune yine halixlu Jesus.

João 3:2

Waneya hoyetshno Nicodemos yanwakatlu Jesus waneya wane htshinru: — Tsru Hixikatshriwa, wimatyi pixa kasruklewakleryi, Hoyakalu yokanreryi klu tshinanu hike yineru himukata kamhaletlu nyi hiyakolukaka pkamhajereru Hoyakalu mimotsatanune.

João 5:36

Seyni waneru nuphujtatjeru João yohnik-halukkaluru. Kamrurtshi Nuru Hoyakalu henejyano nnikaxyawakapa, xyekaka nkamhaleru, walekni hiphujtatlu nopirana, Nuru Hoyakalu yokanaxyawakno ruphujeta.

João 9:7

Waneya wla htshinru mayhaletu: — Hajewa. Honha himrexikowaka Siloé tshinikowaka pyanu wane perokayhalexinwa. Siloé, raluka tshinreta ‘yokanatkaluru’. Hiyáhoni hyatka, wane hya. Rerokayhalexnawa waneya hsatokatka retatka.

Atos 2:22

Waneya Pedro pnute hinkakna: — Jejine, israel-nerune, hyijnakotanru xako xye tokantshi: Hixa himatlu xye jeji Jesus Nazaré hajeru, Hoyakalu nurreru rixyawaka. Xye rekhitatkahi Hoyakalu ruyakolekakayma, tsrukaka himyekaklewatatshriyma, Jesus kamhaleru hixa tskalaya.

Tiago 2:5

Cristo tshinanu nmoletanune nuchinikanune hislahtokanutanno. Hi he Hoyakalu nurrenni wanna hike mwikane xye tshijne hajeruya seyni halixlu tshinanu phurunni hiyrunu Hoyakalu pohirewaxyawaka yoptotatshinepni wanna, runkaklexyana ramotjene?