Mateus 10:41 - Bíblia

⁴¹ Hoyakalu tokanu hinkakletatshri yoptotatshri Hoyakalu tokanu runkaklewaxyawaka tshinanu, wale koxa yoptotanru Hoyakalu tokanu hinkakletatshri himlujikolupa. Hiyrunu jeji potukalu yoptotatshri ruhlenu tshinanu jeji potukalu himlujikolupa koxa hyoptotanu wale.

Mateus 10:41 ပူးပေါင်းရင်းမြစ်များ

Gênesis 20:7

Hiyáhoni psatkakanro thanuru nwaka klu tshinanu thanuru honukla Hoyakalu tokanu hinkakletatshrini. Ranjihohneyehitanyi piwejyawakapa. Seyni pma satkakkanuklunuplo pimatanu pupnanuna pixa hiyrun-koxa ptowruneka pimwalene hipnanuna.

Mateus 16:27

Klu tshinanu Jeji Whene hiyrunu hiwejikalune htowrene tenhohne hajene hapokanu Hoyakalu hoyaknuyma. Waneya renekanru satkaka yineru hkamrure wenru.

Mateus 25:44

— Wanna koxa wla htshin-hepomhaletanru: — “Tsru Hixikatshriwa, hikluhe wetyi pnatshixyawaka ho ponunnahatewaxyawaka ho wma metjejetanutyi ho mamkatyi ho yeyixatshriyi ho preso nwaka hwatshriyi waneya waneklu hi wepixyi?”

Mateus 25:45

— Waneya ruhitanna, wla htshinanna: — “Halikakni wane ntshinhi, hma kamhanutu xyekaka nomolene haté mujhakot-potu tshinanu, hita tshinan-koxa hi hkamhalu.”

Mateus 6:1

— Xako hi yine hetanu hkamhanru hkamrure kihleru Hoyakalu tshinanu klu tshinanu wan-hixini, hiru tenhohne hajeru hike himlujikolu henekanyi.

Mateus 6:18

pimrine mimatyehixyawakapyi pohajirewata seyni Puru metkotu tsonu himatyehitanyi. Waneya Puru, ptowru pmeta kamhalexikolu hetatshri, pumlujikolu renekanyi.

Mateus 6:4

Potshkeruko peneklewachatanu waneya puru, ptowru pmeta kamhalexikolu hetatshri, henekanyi pumlujikolupa.

Mateus 6:6

Seyni panjihohnexinipa pixa, pihruko pyanu, puchyahiphaptotetanu, panjitanru puru, yohimaxikowaka hwatshri. Waneya Puru, ptowru pmeta kamhalexikolu hetatshri pumlujikolupa henekanyi.

Mateus 7:8

Klu tshinanu ptowru hanjitatshri yoptotanru. Hiyrun-koxa ptowru hijhatshri hikchikanru. Ptowru yineru hiphapto hitpetatshri hkotpukyehitko hiphapto.

Atos 16:15

Waneya wala hiyrunu topji hwatshine ptowruneka batiza-tka. Wane pnute Lídia tshanixwu, wane ttshina: — Hoyakalu halixatshro pikahwajinno nopji hapokanu, wane hwanu. Hipokananu ttshanixwu hiyáhoni wane wutukatka.

Romanos 16:23

Nwapjijetanru Gaio tshinkaluru hiyrunu Cristo halixatshine wimapatjetanune halikhi. Erasto tshinkaluru, xye poktshi tiyirote hislahatshri, halikhi. Hiyrun-koxa Cristo tshinanu wmoletanru Quarto tshinkaluru halikhi.

1 Coríntios 9:17

Klu tshinanu hitako nalujyawaka nkamhakmaka nwenuxikolumka nujhanu. Seyni ntowuxikoluyma nkamhiywaka tshinanru xye kamrurtshi renekno Hoyakalu.

Hebreus 6:10

Klu tshinanu Hoyakalu hi kmayxakahchinikanuklerni. Hi ramtakanru hixa hkamrure hiyrun-koxa hichiniklewle Hoyakalu hiwaka tshinanu, hixa mitshi pimrine Jesus halixatshine potukalune hepixjekanaxini hiyrunu repixjetna haté xawakni tshinanu.

2 João 1:8

Hislahinwa, hma mamtajyawakanuplu hkamrure seyni hyoptoxyawakaplu himlujikolupa psoluka.