Mateus 10:4 - Bíblia

⁴ Wane koxlu Simão Zelote tshinkaluru hiyrunu Judas Iscariotes tshinkaluru, Jesus kamnitjerupa.

Mateus 10:4 ပူးပေါင်းရင်းမြစ်များ

Mateus 26:14

Waneya satu doze rixinri Jesus hasrukleru, Judas Iscariotes tshinkaluru yanwakatna tsru hixikatshinwa sacerdote-ne.

Mateus 26:15

Waneya repomhana: — Kluhe henekanno Jesus nenejiniphi? Waneya rutakyahoklona trinta proji tiyiro renejyawakapluna.

Mateus 26:2

— Hixa himatlu hepi hohne mahatlu Páscoa hohne tshinkaluru waneya Jeji Whene renekko cruz rupniywakpatka.

Mateus 26:47

Jesus yanumakanaxiniwa, satu rasruklene Judas tshinkaluru hapokatka. Waleymalune hixolune tsru hixikatshinwa sacerdote-ne hiyrun-koxa tsrukakalune judeu-ne yokanatanune. Yohlolewapi hiyrunu hahaje ranikna.

Mateus 27:3

Waneya Judas, Jesus hiphujtatjeru, rexinixkalu rukolukanuwninritka Jesus, rehchinikanutatka hkamrure tsru hektutu tshinanu. Waneya trinta proji prata hsatkakatka tsru hixikatshinwa sacerdote-ne hiyrun-koxa judeu-ne tsrukakalune tiyirote.

Marcos 14:10

Waneya satu doze rixinri Jesus hasrukleru, Judas Iscariotes tshinkaluru yanwakatna tsru hixikatshinwa sacerdote-ne riynumsaxyawakapna hanu potu rixa hiphujetletanru Jesus wanna yehiya.

Marcos 14:43

Jesus yanumakanaxiniwa, satu doze rixinri rasruklene Judas tshinkaluru hapokatka. Waleymalune hixolune tsru hixikatshinwa sacerdote-ne, kasruklewaklerune hinanchitkaluru pirana hasruklewatatshine hiyrun-koxa tsrukakalune judeu-ne yokanatanune. Yohlolewapi hiyrunu hahaje ranikna.

Lucas 22:3

Waneyakni tsru kamtshi Satanás jihloklu Judas tshinkaluru. Hyokle hiwakni Iscariotes. Judas tshinkalur-honra satu doze Jesus hasrukleru.

Lucas 22:47

Hyanumakanatawa Jesus runatkana hixolune yine. Judas tshinkaluru, satu doze rixinri, kosekamtna hixolune yine. Waneya rapokastsitlu Jesus ramluxyawakaplu.

João 13:2

Jesus hiyrunu rasruklene hali nikletatka. Kamtshi koxa hali hitakahchinikanretatkalu Simão whene, Judas Iscariotes tshinkaluru, Jesus rekhixyawakapa hkamnitjeneya.

João 6:64

Seyni satkakhi hi halixno. Jesus wla tshina klu tshinanu hyinuwaklekananuko Jesus himathetatkana wanna malixlene hiyrunu rimathetlu katupni hkamnitjerupa, rekhitjerupa.

João 6:71

Judas tshinkaluru, Simão Iscariotes whene pirana hkochtsheka Jesus. Klu tshinanu walekananukni satu wanna doze rixinri, Jesus kamnitjerupa, rekhitjerupa.

Atos 1:13

Waneya Jerusalém poktshi rapojinixkana, hihruko nwaka hyamtna, pantshi teno hwahrukotatshri. Wane rawjexyawakna Pedro, João, Tiago, André, Filipe, Tomé, Bartolomeu, Mateus, Tiago, Alfeu whene, Simão honra Israel tshijne tshinanu mixkowatatshrini, hiyrun-koxa Judas, Tiago whene.

Atos 1:25

xye kamrurtshi hkamhiywakapa. Judas tshinkaluru hichotlu kamrurtshi hiyáhoni hyatka rawyawakpatka. Tsru Hixikatshriwa Hoyakalu, pekhitanwu katukta jihlokanru wale kachrijrupatka.