Mateus 10:3 - Bíblia

³ Wane koxna Filipe hiyrunu Bartolomeu tshinkalune; Tomé tshinkaluru hiyrunu Mateus (walekni wenuxikolu yoptotatshri); hiyrunu Tiago tshinkaluru Alfeu whene hiyrunu Tadeu tshinkaluru;

Mateus 10:3 ပူးပေါင်းရင်းမြစ်များ

Mateus 18:17

Seyni hma yijnakotkanuklunupna wanna koxa, punkakanna hapatjetatshine. Hapatjetatshin-koxa hi hyijnakoxini waneya judeu mixkatu ho jijhawenrukleru pixka pikahwakanru.

Mateus 27:56

Sato wannaymalune Maria Madalena tshinkaluro, sato Tiago hiyrunu José hinro Maria tshinkaluro hiyrun-koxa sato Zebedeu whenene hinro.

Mateus 9:9

Waneya Jesus pnute hyamxinixka retlu Levi tshinkaluru. Htuplakanata tuplawaka hwenuxikolu hyoptoxyawakapa. Waneya Jesus wan-tshinru: — Pomkahitanno. Waneya Levi palnamtatka, romkahitatkalu Jesus.

Marcos 15:40

Satkaka suxo wane koxa hwakanata. Howuka rexyana. Wannayma rawakanatna Maria Madalena tshinkaluro, Salomé tshinkaluro hiyrunu Maria tshinkaluro, José hiyrunu Tiago Hepurtshi tshinkaluru hinro.

Marcos 2:14

Riknohamtka pchinika Jesus, retlu Levi Alfeu whene. Htuplakanata tuplawaka hwenuxikolu hyoptoxyawakapa. Waneya Jesus wan-tshinru: — Pomkahitanno. Waneya hpalnamtatka romkahitatkalu.

Marcos 3:18

André, Filipe, Bartolomeu, Mateus, Tomé, Tiago Alfeu whene, Tadeu, Simão honukla Israel tshijne haluka mixkowkakletatshri,

Lucas 18:10

Waneya wla htshina Jesus: — Hepi jejine yanwakatlu Hoyakalupji ranjihohnexyawakapna. Satu jeji fariseu-ne hiyrunu satu jeji tiyiro kyoptokleru.

Lucas 18:11

Waneya fariseu-ne yotunotatka ranjihohnetatka walepka. Wla htshinnawa: “Ha, Tsru Hixikatshriwa Hoyakalu npoyahnutyi hita hi pimrine pixka hixatshrino, wanna katshowhurune, hektutu kamhajetatshine, suxohewatatshine, haté xye tiyiro kyoptokleru pixka hi nix-hita.

Lucas 18:13

— Seyni tiyiro kyoptokleru howuka hyotunoxyatka, hi tenoko hyihatatka. Seyni rutpestaxnawa wane htshina: “Ha, Tsru Hixikatshriwa Hoyakalu, petwamonutanno hitni hektuwaka kamhatshrino!”

Lucas 19:2

Waneya wanekananru satu jeji Zaqueu tshinkaluru. Waleni jijhawenruklerune chefe-te. Phurni wale.

Lucas 5:27

Waneya wane pnute ruchpakamta Jesus, retlu satu jijhawenrukleru, Levi tshinkaluru. Htuplakanata tuplawaka hwenuxikolu hyoptoxyawakapa. Waneya Jesus wan-tshinru: — Pomkahitanno.

João 1:48

Waneya Natanael wan-tshinru: — Hanhe pix-himathetletno? Waneya Jesus wla tshinru: — Filipe mtomhaknuklunuwayi netyi figueira muna hpuko pwakanaxini.

João 11:16

Waneya Tomé, hepirune tshinkaluru, wan-tshinna rimotsatanune: — Hayewa wane wyanu hix-koxa Kasruklewakleruyma wupniywakapa!

João 14:22

Waneya Judas tshinkaluru, hi Judas Iscariotes tshinkalurni seyni satuko, wla tshinru: — Tsru Hixikatshriwa hanhe pixa hiphujetlexinwa hix-yehi tsonu seyni yine xye tshijne hajene yehi hi puphujexinwa?

João 14:5

Waneya Tomé tshinkaluru wla tshinru: — Tsru Hixikatshriwa, hi wimatlu hanu pyanu hiyáhoni hanhe wumukata himatletlu hatnu hapo?

João 14:9

Waneya Jesus wla tshinru: — Hix-hohne nimwatkayi seyni wanepnawaka hi pimathetawanhe Filipe? Hita netjeru Nuru Hoyakalu koxa reta. Hiyáhoni xawakni haklu tshinanhe wla ptshina, Puru Hoyakalu pekhitanwu?

João 21:2

Rapatjekanatna Simão Pedro; Tomé, walekatkani Dídimo tshinkaluru; Natanael, Caná poktshi Galileia tshijne hajeru; Zebedeu whenene; hiyrunu pimrine hepi hasruklune.

Atos 1:13

Waneya Jerusalém poktshi rapojinixkana, hihruko nwaka hyamtna, pantshi teno hwahrukotatshri. Wane rawjexyawakna Pedro, João, Tiago, André, Filipe, Tomé, Bartolomeu, Mateus, Tiago, Alfeu whene, Simão honra Israel tshijne tshinanu mixkowatatshrini, hiyrun-koxa Judas, Tiago whene.

Atos 12:17

Waneya Pedro hekhitna himyoyma potshke rixyawakna waneya runkakna hanu rixa kochpakletlu preso yehiya Tsru Hixikatshriwa Hoyakalu. Waneya wane htshina: — Xye pirana Tiago hinkakanu hiyrun-koxa wimolene Cristo halixatshine. Waneya wane ruchpajyatka pnuko hyatka.

Atos 15:13

Waneya rali yanumletatkana Tiago wan-tshina: — Nomolene, hyijnakotanno:

Atos 21:18

Wale prika Paulo hixayma hapaka Tiago wetapyawakapa. Cristo halixatshine hapatjetatshine kosekatshine ptowruneka wane hapatjexya.

Gálatas 1:19

Pimrine nuretkalune hi neta seyni Tiago tsonupka, Tsru Hixikatshriwa Jesus hepuru tsonu neta.

Gálatas 2:9

Wale tshinanu Tiago, Pedro, João tshinkalune kosekatshine kahwakkalune, rimathexinrina xye nenejikolu nenekka Hoyakaluya. Rekhitwuna pa hchinikanurune rixyawakatkana hita hiyrunu Barnabé tshinkaluruyma. Rukchikhihlenutluna malixkane judeu mixkane yehi nunkaklewaxyawakapa hita, waneya judeu-ne yehi runkaklewaxyawakapna wanna.

Tiago 1:1

Hita Tiago-no, Hoyakalu hiyrunu Tsru Hixikatshriwa Jesus Cristo towrerno. Nalikna Hoyakalunerune doze xkehkaka ptowru tshijne sreta hipalatatshine.

Judas 1:1

Judas tshinkalurno Jesus Cristo towrerno, Tiago tshinkaluru molno hita. Nyonanwakathi hixa Wuru Hoyakalu hamotlene, Jesus Cristo hislahlene, htshanixlene.