Mateus 10:2 - Bíblia

² Xyeni Jesus nuretanune doze-na hiwakkakni: mitshikananhapka, Simão tshinkaluru (wale rutakhiwakata Pedro) hiyrunu André tshinkaluru Pedro mole; hiyrunu Tiago tshinkaluru, Zebedeu whene, João tshinkaluru, Tiago hepuru;

Mateus 10:2 ပူးပေါင်းရင်းမြစ်များ

Mateus 17:1

Waneya pa semana pnutejiji hiknohatka Jesus, Pedro, Tiago, hiyrunu repuru João ranika. Satu mriji tenolu hkankatkana wannapkatkani.

Mateus 20:20

Waneya Zebedeu whenene hinro, towheneneyma yanwakatlu Jesus, tyoptsojityehitlu waneya pa hixanu tanjitlu.

Mateus 26:37

Pedro hiyrunu Zebedeu whenene hepi ranika waneya hyinuwaka wamonuwleta, hsalewnahchinikanuta.

Mateus 4:18

Waneya Galileia powha wnaha hyapamxini Jesus, retlu Simão tshinkaluru repuruyma André. Ruknokamtatkaluna h-tarrafa-tna hipowhaya klu tshinanu wanna mariskatatshine kchimahaklerune.

Mateus 4:21

Wane pnutejiji hyapamtatnaka, retlu Tiago tshinkaluru, Zebedeu whene repuruyma João. Wanna koxa kanawa hwakanata rurnayma, ripxatluna tarraf-kaka. Waneya Jesus tomhana.

Marcos 1:29

Waneya hajeyri ruchpakamxinixkana hanjihohnewakapji, wanna Tiago hiyrunu João-yma Simão Pedro hiyrunu himole André-pji nwaka hyatkana.

Marcos 13:3

Jesus tuplakanata Oliveiras mriji Hoyakalupji nwaka hyihata. Waneya Pedro, Tiago, João, hiyrunu André hepomhalu wannapkani:

Marcos 6:30

Waneya hnurrene satokanwakatlu Jesus. Runkakluna Jesus ptowruko hkamhapanruna hiyrunu rasruklewakanatanruna pirana.

Lucas 11:49

Hiyah-koxni Hoyakalu rimatkalnuyma wla htshina: “Nyokananwakatmakna, hinamtatshri pirana hinkakletatshine, nnuretanun-koxa. Satkakapni ruylatanna. Pimrinepni hsalewnakakanna.”

Lucas 22:14

Waneya rapokpapkoluxinixka, Jesus mesa htuplata hnurreneyma.

Lucas 22:8

Waneya Jesus yokanatna Pedro, João tshinkalune, wla htshinatkana: — Hajewa. Halpokotanru hixa tshinanupa Páscoa hohne nikle wnijyawakapa tshinanu.

Lucas 5:10

Tiago hiyrunu João tshinkalune, Zebedeu tshinkaluru whenen-koxa, Simão tshinkaluru hepirene himyekpotuta. Waneya Jesus wan-tshinru Simão: — Hi ppikanu. Xawakni yine kmariskahohoklerunpatkahi.

Lucas 9:10

Waneya hsatojinixkana Jesus nurrene, runkakluna Jesus ptowruko hkamhapanruna. Hiyáhoni ranikna wannapka kahnete poktshiriya Betsaida poktshistsi hajeru nwaka.

João 12:22

Filipe yanwakatlu André tshinkaluru, waneya runkaklu. Waneya wanna hepi, André hiyrunu Filipe hinkakletlu Jesus.

João 13:23

Wanekananru satu Jesus hasrukleru, ramotleru potuko, Jesus sta hinaple hikoluhatshri.

João 20:2

Hiyáhoni tasukamta Simão Pedro hiyrunu satu rasrukleru Jesus hamotleru yehi tya. Waneya wla ttshinna: — Yomletshikta hkochpajyanatkaluna Tsru Hixikatshriwani. Hi wimata hanukta rutakanatkaluna.

João 21:2

Rapatjekanatna Simão Pedro; Tomé, walekatkani Dídimo tshinkaluru; Natanael, Caná poktshi Galileia tshijne hajeru; Zebedeu whenene; hiyrunu pimrine hepi hasruklune.

João 21:20

Waneya Pedro hiprotakatka, retlu Jesus hasrukleru ramotleru potuko hapakamnu. Xyekni Jesus sta hinaple hikoluhakaynokanatatshri hnikakanaxinna mitshi wla tshinakanatatshri mitshi: — Tsru Hixikatshriwa Jesus kathe hekhitanyi?

João 21:24

Xye honukla hasrukkaluru xyekaka pirana hiphujetatshrini hiyrunu xyekaka pirana yonatatshri. Wimatlu halikakni ruphujtaleru pirana.

João 6:67

Waneya Jesus hepomhatkana rasruklene doze, wla htshinatkana: — Ha hixa, hix-koxlahe hichotanno?

João 6:70

Waneya Jesus wla tshinna: — Hi he hitakni nurethi hixa doze-runhi seyni satu hixaymalutu kamtshi pixkalutni?

João 6:71

Judas tshinkaluru, Simão Iscariotes whene pirana hkochtsheka Jesus. Klu tshinanu walekananukni satu wanna doze rixinri, Jesus kamnitjerupa, rekhitjerupa.

João 6:8

Waneya André, Simão Pedro tshinkaluru mole, Jesus hasrukleru koxni wale, wan-tshina:

Atos 1:13

Waneya Jerusalém poktshi rapojinixkana, hihruko nwaka hyamtna, pantshi teno hwahrukotatshri. Wane rawjexyawakna Pedro, João, Tiago, André, Filipe, Tomé, Bartolomeu, Mateus, Tiago, Alfeu whene, Simão honra Israel tshijne tshinanu mixkowatatshrini, hiyrun-koxa Judas, Tiago whene.

Atos 1:26

Waneya satu hiknoklu hkamhana hnurexyawakapluna hiyáhoni hiknoklu hekhitlu Matias-patkani. Waneya repiretna onze Jesus nurrene.

Atos 12:2

Waneya Herodes hiylakjixlu hiylalewapiya, espada tshinkaluru, Tiago, João mole.

Atos 3:1

Pa hohne kayi nwaka três hora hanjihohneru papko, Pedro, João Hoyakalupji nwaka hyana.

1 Coríntios 15:7

Waneya Tiago tshinkaluru hetlu. Waneya ptowruneka Hoyakalu nurrene hetlu.

Efésios 4:11

Walekatkani henekachalkaka reneksatna yine. Reneksatkatkana nuretkalune rixyawakna, pimrine reneksata Hoyakalu tokanu hinkakletatshine rixyawakna, pimrine reneksatna Hoyakalu tokanu jinkakletaklerune rixyawakna hiyrun-koxa reneksatna halixatshine hinotatshine rixyawakna hiyrunu pimrine reneksatna hapatjetatshine kosekatshine rixyawakna.

Hebreus 3:1

Hiyáhoni Cristo tshinanu nmoletanune, hix-koxa Hoyakalu nurrenhi, homkahpotutanru Jesus, Nuretkalurni wale hiyrunu Tsru Sacerdote potni wale halixlu pirana wuphujetjereru.

1 Pedro 1:1

Hita Pedro-no Jesus Cristo nurrerno. Twu yonawahlo judeu-ne mwachatkane tshinanupa. Ponto tshijne yatshine tshinanu, Galácia tshijne yatshine tshinanu, Capadócia tshijne yatshine tshinanu, Ásia tshinikowaka yatshine tshinanu, Bitínia tshinikowaka yatshine tshinanu.

2 Pedro 1:1

Hita Pedro Simão tshinkalurno, Hoyakalu towrerno. Jesus Cristo nurrerno hita. Hixa pixkalun-koxhi hixa. Halixlu hike pixka mixkatu yoptotatshinhi Hoyakalu potuknu tshinanu hiyrunu wiwekkakjeru Jesus Cristo tshinanu. Hixa tshinanni xye yonawahlo.

2 João 1:1

Hita, Cristo halixatshine kosekatshrino, yonanwakatlo Tsro pixkaluto, nuretkaluro. Towhenene pixkalun-koxa, nuchinikanune halikakalutu pirana tshinanu nyonanwakata. Hi hita tsonu hichinikhi seyni ptowru yineru halikakalutu pirana himatatshine koxa hichinikhi.

3 João 1:1

Hita, Cristo halixatshine kosekatshrino, yonanwakatlu Gaio tshinkaluru, nuchinikanretleru, namotleru halikakalutuya.

Apocalipse 1:1

Twu steno raw-yonhata Jesus Cristo hixyawakapa pirana. Hoyakalu yokanatlu xye pirana ruphujexyawakapa rekhixyawakapna htowrene howukchini mapokatpatka pirana. Cristo yokanatlu htowreru hiwejikaluru tenhohne hajeru xyekaka pirana rimatkajyawakaplu htowreru, João tshinkaluru.

Apocalipse 1:9

Hita João-no, hix-molekoxno Cristo tshinanu hiyrunu Hoyakalu pohirewaxyawaka hajer-koxno. Hapakapno ptowru salewaktshi tshinanuya hiyrunu kahwakachaklerno Jesus Cristo tshinanuya. Waneya mar powha hanikajite hwatshijitatshri Patmos tshinikowaka nwakanatatka. Kachitkalurukananno klu tshinanu Hoyakalu tokanu nunkakletjekanata hiyrunu Jesus Cristo pirana hiphujetkaluru nunkakletjekanata.

Apocalipse 18:20

Hiyáhoni xawakni himuwatanu tenhohne hwatshinhi, Hoyakalunerune, nuretkalunhi hiyrunu Hoyakalu tokanu hinkakletatshinhi. Klu tshinanu Hoyakalu hapnokatlu wale tsru poktshi, rixjekanaxyawakhi tsru poktshi pixka rixlu.

Apocalipse 22:8

Hita, João-no xye ptowruka njema hiyrunu netlu. Waneya nali jemletlu, nali hetletlu xye ptowruka waneya nihmamta tshiji nyoptsojityehitmaklu hiwejikaluru Hoyakalu towreru tenhohne hajeru, xye ptowruka nekhitjeru jixistsi, nimalwuxyawakaplu.