Mateus 10:16 - Bíblia

¹⁶ — Nyokanathi hatatjewa ovelha-nhi lobo-ne pixkalune hanikajite hyiywakapa. Hiyáhoni halpokohchinikanutanu himnune pixka seyni myokwirenephi motkokoji pixka.

Mateus 10:16 ပူးပေါင်းရင်းမြစ်များ

Lucas 10:3

Hajewa. Seyni himatanu. Nyokanathi hatatjewa ovelha-nhi lobo-ne pixkalune hanikajite hyiywakapa.

Filipenses 2:15

Waneya wan-hixinipa, hike mixkanephi, powrahchinikanunephi, Hoyakalu whenenhi potukalunephi hewi tshijne hajene mpotukane, pupjetatshine tskalaya. Wanna tskala katahirine hatawnatshine pixka hixatshinephi, tenhohne hajene pixkalunephi.

1 Coríntios 14:20

Cristo tshinanu nmoletanune, hi mturune pixka hixanu hihchinikanuya seyni halikaka hektutu hmasatanu. Halikaka hihchinikanuya tsrune hixinwa.

Colossenses 4:5

Himatkalnuyma hiwekanu malixkane hetanuya. Hiwekka pchinika hi hetachaxinwa.

Lucas 21:15

Klu tshinanu hita henektokanutanhi hiyrunu himatkalewlu. Hma mumukata hihretanutna hkamnitjene, hma mumukata yoptoletanutna tokantshi.

Atos 20:29

Klu tshinanu nimata nuchpajinpatka pimrine hinanu hocha hajeru kmatsyiru pixka rixa hapokletanna, wannamka haluka nikatletlu Hoyakalu halixatshine hapatjetatshine.

2 Coríntios 11:3

Seyni npiklu himnu yokwijexyawakanro Eva-ni kihlewaka htshinreyma pixka hixikowaka, waneko pixka hixa himtuklehchinikanutkonmaka hixapni. Wan-hixkanmaka hiknoklewatanuna hihchinikanu halikakalutu, potukalu Cristo hichpajikatshri chinikantshi.

1 Tessalonicenses 5:22

Hasujinri ptowru hixatshri muhletu.

2 Coríntios 11:14

Hiyrun-koxa hi wimyekanu, Satanás honra hiwejikaluru Hoyakalu towreru tenhohne hajeru hatawnatshri kohetkowakhatshri.

Gênesis 3:1

Seyni himnu jimatkalerni wale pimrine hocha hajeru Hoyakalu kamhalene yohnik-himatkalru, wane htshinro suxo: — Hoyakallahe hi hitshinikletyi ptowruka hitaklu hwiywaka hajeru?

1 Tessalonicenses 2:10

Hixa hiphujtatwu hiyrunu Hoyakalu hiphujtatwu wixjexyawaka pirana hixa Cristo halixatshinhi yehi wwakanaxini, hike mixkanwu potukalunwu, mukolukanuwnakanwu hix-yehiya.

Colossenses 1:9

Hiyáhoni xawakni xye ptowruka tshinanu hi wutuk-hanjihohneyehrethi. Hixa pirana wejemle haté xawakni wanjijetlu Hoyakalu himatkalnutshi hixa htsepoxyawaka wale halujyawaka pirana, ptowru potuko himatkalewleya hiyrunu himatjemlewleya Hoyakalu Hiwejikaluruya.

2 Coríntios 1:12

Xyekni walixkoxnawakwa, hi wkojwakahchinikanuta wixjexyawaka tshinanu klu tshinanu wekhithi wixa hiweklexyawaka pixka. Phujewak-potuko wixa kamhaletanru ptowruko hike weyawlu wunkakhi, Hoyakalu tshinanu. Hi yine himatkalnu tshinanni seyni Hoyakalu hepixle tshinanuya.

2 Coríntios 8:20

Hiyáhoni wane wixa hike yineru mjihyehixyawakanupwu henekachalu wapatjemxyawakapa.

Gênesis 3:13

Waneya Hoyakalu wane tshinro suxo: — Kluhe xye pikamha? Tuhitlu suxo: — Himnu yokwijetno wale tshinanu nniklewatanu.

Mateus 24:25

Hichinikanru xye, wane ntshinhi ptowru potuka hmuphujewnaknukawa.

Mateus 24:45

— Katnihe towrertshi ptowutkolu, kahchinikanuru? Waleni towrertshi rutakko htowutjerupji rinoxyawakapa hiyrunu pimrine towrertshine reneka niklexyawakapa niklu papkokaka.

Mateus 25:2

Cinco-na kahchinikanurone hiyrunu cinco-na mahchinikanune.

Mateus 25:4

Seyni kahchinikanurone hanikamtlu lamparina pa stono óleo-haymakananuko.

Mateus 25:9

Seyni kahchinikanurone wla tshinna: “Ha hike! Klu tshinanu pa katako hi hpoyahotanu hixako w-lamparina-te tshinanupa hiyrunu hixa h-lamparina-te tshinanu. Seyni óleo-ha halujinipa, hanjitapanru.”